2 Corintios 4:8 - Emberá Chamí

⁸ Dai ne jomad̶e ãrea biꞌiwãe panumina mau nebʉrad̶ebena poyaa wãd̶aabai kʉ̃risiad̶akau. Saka waud̶ai adua panuud̶e poyaa waud̶aabai kʉ̃risiad̶akau.

2 Corintios 4:8 Referans Kwoze

2 Corintios 12:10

Cristo kakua ãrea biꞌiwãe b̶uud̶e, meserãaswãe b̶uud̶e, ne wãꞌãe b̶uud̶e, ẽbẽrarãba mʉ ʉ̃rʉbena kachirua jara panuud̶e maud̶e kachirua waud̶ai baita wãraa panuud̶e mʉ kĩrajʉʉ b̶uu. Biawãra mʉ meserãaswãe b̶uud̶e Cristod̶eeba meserãa nii.

2 Corintios 7:5

Macedonia druad̶e neesid̶aud̶e dai poyaa kʉrrjĩrud̶awẽa panasid̶au, maumaarã ne jomad̶e ãrea biꞌiwãe panasid̶au. Ẽbẽrarã dai ome oa kachirua berreabachid̶au maud̶e dai ne wapea nibabachid̶au.

Juan 14:18

»Mʉʉba machi jẽramara kĩra b̶ʉiwẽe. Mʉ waya machimaa neei.

1 Corintios 10:13

B̶esed̶e dachi sõd̶e kʉ̃risiabadau kachirua waud̶ai baita, jomaurãba maka kʉ̃risiabadau kĩra. Mau poyaa dauchia jãadua panad̶awẽebʉrã, Dachi Akõreba dachimaa maka kʉ̃risiabiabai. Maud̶e dachiba maka kʉ̃risia paneeduud̶e ichiba aid̶ai dauchia jãadua panad̶amera, ichiba jara b̶uu kĩra ewaricha waubariid̶eeba.

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

2 Corintios 6:12

Biawãra daiba machi sõd̶eeba kʉ̃ria panuu, maamina machiba sõd̶eeba dai kʉ̃riawẽa panuu.

Gálatas 4:20

¡Mʉ ʉ̃raud̶aa machi baara b̶uad̶a basirã kuitaai basii saka berreai b̶uu! Mʉʉba biawãra adua b̶uu machi ʉ̃rʉbena saka kʉ̃risiai.