2 Corintios 2:12 - Emberá Chamí

¹² Mʉ Troas puurud̶aa wãsii chi bed̶ea bia Cristo ʉ̃rʉbena jarai baita. Aria Dachi Mechiuba poraa ewaaruu kĩra wausii ẽbẽrarãba ũri kʉ̃riad̶amera.

2 Corintios 2:12 Referans Kwoze

Hechos 16:8

Maud̶eeba Misia druad̶e mard̶e wãd̶aped̶a Troas puurud̶aa neesid̶au.

Hechos 14:27

Need̶aped̶a ãbarã araa ãbua imisid̶au. Maud̶e nebʉrʉsid̶au joma Dachi Akõreba ãchid̶eeba waud̶a. Jarasid̶au saka Dachi Akõreba wausii judiowãerã bid̶a Jesusd̶e ijãad̶amera.

Colosenses 4:3

Dai baita ʉtaa id̶ísturu Dachi Akõreba poraa ewaaruu kĩra, Cristo ʉ̃rʉbena naed̶e kuitaabiwẽa b̶uad̶a ida jaradeabimera. Mau jaradea b̶uu kakua mʉ jʉ̃a uru panuu.

1 Corintios 16:9

Nama mʉ kĩramaa panumina poyaa Dachi Akõre bed̶ea biꞌia jaradea b̶uai maud̶e ãreaba ijãa panuu.

Romanos 1:1

Mʉ Pablobʉ, Jesucristo baita bari trajabariibʉ. Dachi Akõreba mʉ jʉrʉ adausii Jesucristoba bʉid̶a b̶uamera maud̶e b̶usii chi bed̶ea bia Dachi Akõre ʉ̃rʉbena jaradead̶e wãmera.

Hechos 20:8

De jã ʉtʉbenad̶e araa ãbua duanasid̶au maud̶e ʉ̃d̶aa koabadaurã ãrea ʉ̃d̶aa nub̶uasii.

Hechos 16:11

Troas puurud̶ebena jipa wãd̶aped̶a Samotracia islad̶e neesid̶au. Norema Neápolis puurud̶e neesid̶au.

1 Corintios 9:12

Waabenarãba machid̶ebena ne adaud̶ai panuubʉrã, daiba ãchi audeara biꞌia ne adaud̶ai panuu. Maamina ne id̶id̶akau. Maumaarã joma jãadua panuu ẽbẽrarãba chi bed̶ea bia Cristo ʉ̃rʉbena kachirua kʉ̃risiarãad̶amera.

1 Corintios 9:14

Ara mau kĩra Dachi Mechiu Jesusba jarasii chi bed̶ea bia ichi ʉ̃rʉbena jaradea nibabadaurãba maud̶ebena adaud̶ai panuu kod̶ai baita.

1 Corintios 9:16

Mʉʉba chi bed̶ea bia Cristo ʉ̃rʉbena jaradea b̶umina mʉ chi mechiu akau, Dachi Akõréburu jaradeabi b̶uud̶eeba. Biawãra mau bed̶ea bia jaradeawẽebʉrã, mʉ miichuburi b̶eei.

2 Corintios 4:3

Maamina chi bed̶ea bia Cristo ʉ̃rʉbena daiba jaradea panuu wabid̶a biꞌia ũrid̶awẽebʉrã, ab̶a chi ẽbẽrarã Dachi Akõreba karibaabai panuu baita maka b̶uu.

2 Corintios 4:4

Dachi Akõred̶e ijãad̶akaurãmaarã mau biꞌia ũrid̶akau. Nau iujãad̶e jʉbawãe nii maarã chibaribʉ. Ãchimaa chi biawãra bed̶ea bia Cristo ʉ̃rʉbena kauwa kuitaabiwẽa b̶uu dau pãriu wau b̶uu kĩra. Maka ãchiba Cristo biꞌia nii ʉ̃rʉbena poyaa kauwa kuitaad̶aabai. Cristo Dachi Akõre niid̶eeba maka biꞌia b̶uu.

2 Corintios 8:18

Ichi ome daiba ãba ab̶a bʉiduu. Mau ãbaba chi bed̶ea bia Cristo ʉ̃rʉbena aid̶a jaradea nibabariid̶eeba ãbarã puuruchad̶ebenaba ichi ʉ̃rʉbena biꞌia jarabadau.

2 Corintios 9:13

Machiba maka aid̶a panuuba, maka unubi panuu chi bed̶ea bia Cristo ʉ̃rʉbena biawãra ijãa panuu. Sõbiad̶eeba chi ãbarãmaa dea panuu maud̶e jomaurã aid̶a panuu. Maud̶eeba Dachi Akõremaa biꞌia berread̶ai.

2 Corintios 10:14

Dai machimaa naa chi bed̶ea bia Cristo ʉ̃rʉbena jaradead̶e wãsid̶au. Maka b̶uad̶awãe basirã id̶ibae machimaa jaradeaduud̶e, Dachi Akõreba bʉid̶awãemaa panad̶aabai basii.

2 Corintios 11:4

Dai diware nuree need̶aba Jesús ʉ̃rʉbena daiba jaradeaped̶aad̶a awara jaradearuud̶e maebʉrã chi Dachi Akõre Jauri machiba adauped̶aad̶a ʉ̃rʉbena awara jaradearuud̶e machiba kauwa ũribadau. Maud̶e chi bed̶ea bia machiba ijãaped̶aad̶a awara jaradearuud̶e kauwa ũribadau.

2 Corintios 11:7

Mʉʉba chi bed̶ea bia Dachi Akõre ʉ̃rʉbena machimaa chi nejarra id̶iyuswãe jaradeasiid̶eeba mʉ machi daad̶e kaebeu kĩra b̶eesii Dachi Akõre ome biꞌia nuread̶amera. ¿Makarã kachirua wauska?