2 Corintios 13:7 - Emberá Chamí

⁷ Daiba Dachi Akõremaa id̶i panuu machiba kachirua waurãad̶amera. Maamina maka id̶i panuuwãema unubid̶ai baita dai Jesucristoba bʉid̶arã. Maumaarã id̶i panuu machiba joma biꞌia waud̶amera, dai Jesucristoba bʉid̶arã kʉ̃risiad̶awẽa panumina.

2 Corintios 13:7 Referans Kwoze

Santiago 1:12

Ab̶a kachirua waui kʉ̃risia dauchia jãadua b̶uubʉrã, Dachi Akõre daad̶e ãrea biꞌia b̶uu. Joma dauchia jãaduaruud̶e Dachi Akõreba boro jũra dearuu kĩra ichi ewaricha chokae b̶uabii. Dachi Akõreba joma ichi kʉ̃ria nureerã biawãrad̶eeba maka chokae b̶uabiai.

2 Timoteo 4:18

Ichiba joma mʉ kachirua wauruud̶ebena karibai. Mʉ biꞌia nuped̶a bajãad̶aa adooi, ichid̶irã ichi juad̶e ua b̶uud̶aa. Ewaricha ichimaa ãrea biꞌia berread̶ai panuu. Biꞌia b̶uu maka b̶uai.

2 Timoteo 2:15

Chi biawãra bed̶ea Dachi Akõred̶e jipa jaradeabarii unubi b̶uase. Trajabarii biꞌia b̶uu kĩra kauwa wau b̶uase Dachi Akõreba bichi kĩrakayayuwãe b̶uu unumera.

1 Timoteo 2:2

Joma nau iujãad̶ebena reyrã baita maud̶e jaradea ua b̶uabadaurã baita Dachi Akõremaa ʉtaa id̶id̶ai panuu dachi jirukaraayuwãe panad̶ai baita, apii panad̶ai baita, Dachi Akõre wapea panad̶ai baita maud̶e ne jomad̶e jipa panad̶ai baita.

1 Tesalonicenses 5:23

Mʉʉba kʉ̃ria b̶uu Dachi Akõreba machi jomad̶e ichi baita biꞌia panabiayu. Mauba dachi jirukaraayuwãe panabiabarii. Mʉʉba kʉ̃ria b̶uu Dachi Akõreba machi jauri, machi kʉ̃risia maud̶e machi kakua ãrea biꞌia nu b̶uayu. Maka Dachi Mechiu Jesucristo neeruud̶e machi ab̶a bid̶a kachirua a jarad̶ayuswãe panad̶ai.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

2 Corintios 13:9

Machiba ãrea ijãa panuubʉrã dai meserãaswãe panumina kĩrajʉʉ panuu. Mau awara daiba Dachi Akõremaa ʉtaa id̶i panuu machiba jipa wau panad̶amera.

2 Corintios 10:18

Ab̶auba ara ichi ʉ̃rʉbena biꞌia jaraaruubʉrã, mauba jara b̶uuwãe Dachi Mechiuba mau ẽbẽra biꞌia unu b̶uu. Maumaarã chi Dachi Mechiuba biꞌia jara b̶uu ẽbẽra biꞌia unu b̶uu.

2 Corintios 10:10

Waabenarãba jara panuu: «Pabloba kartad̶eeba ãrea iadaabarii maud̶e machimaa ãrea waubiabarii. Maamina machi ome b̶uud̶e wapea b̶uu kĩra nii maud̶e biꞌiwãe berreabarii abadau».

2 Corintios 8:21

Biawãra daiba Dachi Mechiu daad̶e maud̶e ẽbẽrarã daad̶e jipa wau kʉ̃ria panuu.

2 Corintios 6:4

Maumaarã ne jomad̶e unubia panuu dai Dachi Akõre baita bari trajabadaurã. Ãrea biꞌiwãe panuud̶e, ne wãꞌãe panuud̶e maud̶e nebʉrad̶e panuud̶e joma dauchia jãadua panuud̶eeba maka unubia panuu.

1 Corintios 11:19

Biawãra machi kʉ̃risia aꞌawaraa panuud̶eeba unubid̶ai kairã Dachi Akõreba biꞌia unu b̶uu.

Romanos 16:10

Ãba Apelesmaa jarásturu mʉʉba kʉ̃ria b̶uu ichi biꞌia b̶uai. Ichiba unubisii Cristo biawãra ijãa b̶uu. Joma Aristóbulo ded̶ebenarãmaa bid̶a ara mau kĩra jarásturu.

Romanos 13:13

Dachi kĩra jipa nibad̶ai panuu ãyadaa nibabadau kĩra. Kĩrajʉʉ waubadau ewarid̶e biu nibad̶aabai panuu, kĩra nejasia wau nibad̶aabai panuu, oa kachirua berrea panad̶aabai panuu, maud̶e ab̶auba uru b̶uu ʉ̃rʉbena kachirua kʉ̃risiad̶aabai panuu.

Romanos 12:17

Ab̶auba machi kachirua wauruubʉrã, ara mau kĩra waurã́sturu. Jomaurã daad̶e biꞌia wáusturu.

Juan 17:15

Mʉʉba bichimaa id̶iwẽa b̶uu maarã nau iujãad̶ebena ãyaa adoemera, maumaarã id̶i b̶uu kachiruad̶ebena nu b̶uamera.

Mateo 6:13

Dai kachiruad̶e b̶aebiarã́se, maumaarã kachiruad̶ebena karibase”. [Bichiaburu joma bichi juad̶e ua b̶uu, joma poyaabarii maud̶e ewaricha chi mechiu nii.]

Romanos 1:28

Maarãba Dachi Akõre ida b̶uped̶aad̶ad̶eeba ichiba maarã ida b̶usii kachirua kʉ̃risiad̶aped̶a maka wau panad̶amera.

2 Corintios 13:6

Maamina machi sõd̶e b̶uu kuitaaduubʉrã mʉʉba kʉ̃risia b̶uu machiba kuitaad̶ai dai biawãra Jesucristoba bʉid̶arã.

2 Corintios 13:8

Daiba chi biawãra bed̶ea poyaa kĩra awara waud̶aabai, maumaarã chi biawãra bed̶ea joma waud̶ai panuu.