2 Corintios 11:31 - Emberá Chamí

³¹ Dachi Bajãad̶ebena Mechiu Jesús Akõre ʉ̃rʉbena ewaricha biꞌia berread̶ai panuu. Ichiba kuitaa b̶uu mʉ setaa jarakau.

2 Corintios 11:31 Referans Kwoze

Efesios 1:3

Dachi Mechiu Jesucristo Akõremaa biꞌia berread̶ai panuu. Cristo ome panuud̶eeba ichi Jaurid̶eeba chi bia joma dachimaa bajãad̶ebena dea b̶uu.

Romanos 9:5

Ãchi nabẽraed̶ebenarã chi mechiurã nureasii. Ãchid̶ebena Cristo ẽbẽra kakuad̶e chi naweba adausii. Mau jomaurã Akõrebʉ. Ichimáburu dachiba ewaricha biꞌia berread̶ai panuu. Biꞌia b̶uu maka b̶uai.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu

Colosenses 1:3

Dachi Mechiu Jesucristo Akõre, Dachi Akõremaa ʉtaa id̶iiduucha daiba machi baita ichíturu kid̶ibai abadau.

2 Corintios 1:3

Dachi Mechiu Jesucristo Bajãad̶ebena Akõremaa biꞌia berread̶ai panuu. Ichi dachi kĩra chuburiabarii Dachi Akõrebʉ, dachi sõ kĩrajʉʉbiabarii Dachi Akõrebʉ.

Romanos 15:6

Maka machiba Dachi Bajãad̶ebena Mechiu Jesucristo Akõremaa ãbua biꞌia berrea panad̶ai.

Romanos 1:25

Dachi Akõre biawãra ida b̶ud̶aped̶a chi seta wau paneesid̶au. Dachi Akõreba joma waud̶amina ichi audeara ichiba waud̶ad̶e ijãa paneesid̶au maud̶e maumaa biꞌia berrea paneesid̶au. Maamina dachiba Dachi Akõremáburu ewaricha biꞌia berread̶ai panuu. Biꞌia b̶uu maka b̶uai.

Juan 10:30

Mʉ, mʉ Chacha ome arab̶au nid̶au.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

1 Timoteo 1:11

Dachiba chi Dachi Akõre ʉ̃rʉbena bed̶ea bia jaradeaduud̶e mau joma kauwa kuitaabid̶ai. Dachi Akõre bia niiba mau mʉʉmaa deasii jaradea b̶uamera.

Efesios 3:14

Maud̶eeba mʉ dachi Bajãad̶ebena Akõre daad̶e õdarrd̶e kob̶eebarii.

2 Corintios 11:11

¿Mʉʉba sakãe maka chi nejarra id̶iwẽa b̶uma? ¿Machi kʉ̃riawẽa b̶uud̶eeba maka wau b̶uka? Dachi Akõreba kuitaa b̶uu mʉʉba machi kʉ̃ria b̶uu.

2 Corintios 1:23

Mʉʉba Dachi Akõre daad̶e jaraaruu: Corintod̶aa wabid̶a wãwãe b̶uu machi kĩra nomaabiamaaba chi mʉʉba machi ãrea kastikakuai b̶uud̶eeba.

Romanos 9:1

Mʉ Cristod̶ed̶eeba biawãra jaraaruu. Setawãema. Dachi Akõre Jauriba mʉ sõd̶e nau bed̶ea biawãra arakʉd̶e kuitaabi b̶uu.

Romanos 1:9

Dachi Akõreba kʉ̃ria b̶uu joma mʉ sõd̶eeba wau b̶uu chi bed̶ea bia ichi Warr ʉ̃rʉbena jaradea b̶uud̶eeba. Ichiba kuitaa b̶uu mʉʉba ʉtaa id̶iiruucha machi baita ʉtaa id̶ibarii.

Juan 20:17

Jesusba jarasii: —Mʉ jidaurã́se mʉ wabid̶a Chachamaa wãwẽa b̶uud̶eeba. Jãabae mʉ ãbarãmaa wãped̶a jarase mʉ Chachamaa wãaruu. Mau machi Akõrebʉ. Mau mʉ Dachi Akõrebʉ maud̶e machi Dachi Akõrebʉ.

1 Tesalonicenses 2:5

Machiba kuitaa panuu daiba setad̶eeba machi ẽbẽrarã biꞌia nuree ad̶aabasii. Maud̶e chi nejarra adoed̶ai baita setad̶eeba jaradead̶aabasii. Mau Dachi Akõreba kuitaa b̶uu.

Gálatas 1:20

Dachi Akõre daad̶e mʉʉba machimaa jaraaruu: mʉ ʉ̃rʉbena b̶ʉʉruu setawãe.