2 Corintios 11:28 - Emberá Chamí

²⁸ Mau awara ewaricha joma ãbarã druachad̶ebena ʉ̃rʉbena mʉ ãrea jirukaraa b̶uabarii.

2 Corintios 11:28 Referans Kwoze

1 Corintios 7:17

Dachi Akõreba dachi iusiid̶e ara dachi panad̶a kĩra nuread̶ai panuu. Mukĩra kakua tõo b̶uasiibʉrã ara maka b̶uai b̶uu. Mukĩra kakua tõowẽa b̶uasiibʉrã ara maka b̶uai b̶uu. Dachicha nuread̶ai panuu Dachi Mechiuba b̶ud̶a kĩra. Mʉʉba ẽbẽrarã Dachi Akõred̶erã araa ãbua imibadaucha maka jaradea b̶uu.

Romanos 15:16

judiowãerã tãed̶e Jesucristo baita bari trajabarii b̶uamera. Maud̶eeba chi bed̶ea bia Dachi Akõre ʉ̃rʉbena maarãmaa jaradea b̶uu. Ijãaduubʉrã paare judioba ãnimara baa dearuu kĩra mʉʉba ãchi Dachi Akõremaa dea b̶uu biꞌia unumera. Maud̶e Dachi Akõre Jauriba ãchi Dachi Akõre baita biꞌia b̶ui.

Colosenses 2:1

Mʉʉba kʉ̃ria b̶uu machiba nau kuitaad̶ai: mʉ dauchia jãadua ãrea traja b̶uu machi Colosad̶ebenarã, ãbarã Laodicea puurud̶ebenarã maud̶e joma ãbarã mʉ unud̶akau aid̶ai baita.

Romanos 16:4

Beraa biukausid̶au mʉ aid̶ad̶ai baita. Mʉʉba maud̶e joma ãbarã judiowãerãba ãchimaa ãchíturu kid̶ibai abadau.

Romanos 11:13

Mʉʉba judiowãerãmaa nau jaraaruu. Mʉ Dachi Akõreba bʉid̶a b̶usii, machimaa jaradeamera. Mau mʉʉba joma biꞌia wau kʉ̃ria b̶uu.

Hechos 18:23

Pablo aria aribia b̶uasiid̶e Galacia druad̶e maud̶e Frigia druad̶e nibasii. Puurucha chi Jesusd̶e ijãabadaurã jaradeasii biꞌia ijãad̶amera.

Romanos 1:14

Mʉʉba chi bed̶ea bia Jesús ʉ̃rʉbena jomaurãmaa jaradeai b̶uu. Ne kuitaa nureerãmaa, ne adua nureerãmaa, karta kuitaa nureerãmaa maud̶e karta adua nureerãmaa jaradeai b̶uu. Maud̶eeba machi Romad̶ebenarãmaa bid̶a jaradead̶e wã kʉ̃ria b̶uu.

Hechos 20:2

Joma mau druad̶e nibasiid̶e ãbarã aid̶abachii Dachi Mechiud̶e biꞌia ijãad̶amera. Maabae Grecia druad̶e neesii.

Hechos 15:36

Mau maad̶akare Pabloba Bernabemaa jarasii: «Puurucha Dachi Mechiu bed̶ea jaradea panad̶amaa waya wãd̶ai ãbarã saka panuu kuitaad̶ai baita».

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.