2 Corintios 11:27 - Emberá Chamí

²⁷ Traja b̶uud̶e mʉ ãrea biꞌiwãe b̶uabachii. B̶es ãrea kãi b̶eeka basii, jarrbaa b̶uabachii, obisia b̶uabachii, kowẽa b̶uabachii. Kũrasãaba mʉ uri b̶uabachii maud̶e paruswãe b̶uabachii.

2 Corintios 11:27 Referans Kwoze

Filipenses 4:12

Chi nejarr barauwãe b̶uud̶e maud̶e ãrea uru b̶uud̶e saka b̶uai kuitaa b̶uu. Mʉʉba kuitaasii barikiad̶e saka jirukaraayuwãe b̶uai, b̶i jãwaa b̶uud̶e maud̶e jarrbisia b̶uud̶e; ãrea uru b̶uud̶e maud̶e ne wãꞌãe b̶uud̶e.

2 Corintios 6:5

Soaba pe panuud̶e, jʉ̃a uru panuud̶e maud̶e dai kakua kĩrubika panuud̶e maka unubia panuu. Ãrea traja panuud̶e, kãi b̶eed̶awẽa panuud̶e maud̶e jarrbisia panuud̶e maka unubia panuu.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

2 Tesalonicenses 3:8

Daiba machid̶e chiko bari deaped̶aad̶a kod̶aabasii, maumaarã ãyadaa maud̶e ẽsabud̶e kʉrrjĩrud̶awẽa traju wau panasid̶au machid̶ebena ab̶au bid̶a daimaa ne kaebea dearãad̶amera.

Hebreos 11:37

Chi nuree mooba b̶ata beasid̶au. Maud̶e waabenarã ẽsa b̶ʉa ʉrratasid̶au. Chi nuree espadaba beasid̶au. Chi nuree de wãꞌãe nureed̶eeba samaa wãd̶ai adua wãsid̶au. Maud̶e ãchiba paru jʉ̃d̶ai baita wãꞌãe basiid̶eeba chivo e maud̶e oeja e waud̶a jʉ̃bachid̶au. Ãchi ne kaebea wãꞌãe nureasii. Ẽbẽrarãba ãchi ãrea biꞌiwãe panabiabachid̶au maud̶e kachirua waubachid̶au.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

1 Corintios 7:5

Machi kakua machi kimamaa wãakarã́sturu. Dachi Akõremaa ʉtaa id̶i kʉ̃riaduud̶e, bed̶ea deásturu, mau ewarid̶e ãbua kãi b̶eed̶aabai baita. Maamina kãꞌãa maka panad̶aabai panuu. Mau maad̶akare, waya ãbua kãi b̶eei panuu, machi kakuaba kʉ̃ria b̶uu jãaduad̶awẽa paneeduud̶e, Satanasba kachirua waubiarãamera.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

Mateo 17:21

Maamina jai nau kĩra b̶ee duabʉid̶ai baita Dachi Akõremaa ʉtaa id̶id̶ai panuu maud̶e chiko kod̶akau ewari waud̶ai panuu.