1 Timoteo 6:1 - Emberá Chamí

¹ Cristod̶e ijãa panuu baita bari trajabadaurãba ãchi chibari wapea panad̶ai panuu. Maka waabenarãba kachirua jarad̶aabai Dachi Akõre maud̶e dachiba jaradeabadau ʉ̃rʉbena.

1 Timoteo 6:1 Referans Kwoze

Romanos 2:24

Maud̶eeba Dachi Akõre bed̶ead̶e naka b̶ʉ kub̶uu: «Judiowãerãba Dachi Akõre ʉ̃rʉbena kachirua jarabadau machi judiorãba kachirua waubadau kakua».

1 Pedro 3:16

Ara machi du ab̶a kuitaa panásturu kachirua waud̶awẽa nuree. Maka machi Cristo kakua biꞌia nibabadau ʉ̃rʉbena kachirua berreabadaurã perad̶ai.

1 Pedro 2:12

Dachi Akõred̶e ijãad̶akaurã tãed̶e jipa nibásturu. Maka ãchiba machi kachirua waubadaurã a panumina, machiba biꞌia wau panuu unu panuu. Maabae Dachi Akõre neeruud̶e machi ʉ̃rʉbena ichimaa biꞌia berread̶ai.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Hechos 15:10

Machiba ¿sakãe Dachi Akõreba kuitaabiad̶a ãyaa waud̶ai kʉ̃ria panuma? ¿Sakãe dachi maud̶e dachi nabẽraed̶ebenarãba poyaa waud̶aabad̶a ãchimaa waubiai kʉ̃ria panuma?

Hechos 10:22

Ãchiba panausid̶au: —Dai kokoroarã chi jaradea ua b̶uabarii Cornelioba bʉisii. Ichi ẽbẽra jipa nii maud̶e Dachi Akõre wapeadee nii. Joma judiorãba ichi ʉ̃rʉbena biꞌia kʉ̃risia panuu. Dachi Akõre angelba bichi ichi deemaa neei iusii bichi bed̶ea ũrimera.

Hechos 10:7

Ángel ichi ome berreaped̶a wãsii. Wãsiid̶e Cornelioba chi ichi baita bari trajabadau ome maud̶e kokoroa ab̶a iusii. Mau kokoroaba Cornelio aid̶abachii maud̶e Dachi Akõre wapeadee nibasii.

Lucas 17:1

Jesusba ichi baara nibabadaurãmaa jarasii: «Ẽbẽra kachiruad̶e b̶aebibadau barau. Mau ewaricha maka b̶uai maamina chi waabenarãmaa kachirua waubiabarii miichuburi b̶uai.

Mateo 11:30

Mʉʉba jaradea b̶uu chaareawãe b̶uu. Mʉʉba waubi b̶uu sid̶a waui aude chaarea b̶uu».

1 Timoteo 5:14

Maud̶eeba mʉʉba kʉ̃ria b̶uu pẽdrãa wabid̶a chõodraawãe nuree miakãid̶ai, warr adaud̶ai, maud̶e ãchi de sid̶a biꞌia nud̶ai. Maka dachi kĩramaabadauba poyaa kachirua berread̶aabai.

1 Corintios 10:32

Machiba wau panuud̶eeba judiorã, judiowãerã maud̶e ẽbẽrarã Dachi Akõred̶erã kachiruad̶e b̶aebirã́sturu.

Mateo 11:9

Mau ¿kãare unud̶ai kʉ̃risiasid̶ama? ¿Dachi Akõre baita berreabarii unud̶ai kʉ̃risiasid̶aka? Maerã, Dachi Akõre baita berreabarii ichiad̶e wãsid̶au. Juan Dachi Akõre baita berreabarii chi mechiu nii.