1 Timoteo 5:20 - Emberá Chamí

²⁰ Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

1 Timoteo 5:20 Referans Kwoze

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Tito 1:13

Mauba jarad̶a biawãrabʉ. Maud̶eeba mau ẽbẽrarã iadaa b̶uase biawãra bed̶ea ijãad̶amera, judiorãba nabẽraed̶ebena nebʉrʉbadau ida b̶ud̶amera maud̶e chi biawãra bed̶ea ijãad̶akaurãba jaradea panuu ijãarãad̶amera.

Hechos 5:11

Maud̶eeba ãbarã maud̶e joma mau ʉ̃rʉbena kuitaaped̶aad̶arã pera bara b̶eesii.

1 Timoteo 1:20

Maarãd̶ebena ab̶a Himeneo basii. Maud̶e ab̶a Alejandro basii. Maarã mʉʉba Satanás juad̶e b̶usii kuitaad̶amera Dachi Akõre ʉ̃rʉbena waa kachirua berrearãad̶amera.

Hechos 5:5

Mau ũrisiid̶e Ananías jeed̶a biu b̶aesii. Chi aria duanad̶aba mau unusid̶aud̶e, ãrea perasid̶au.

Hechos 19:17

Joma Efesod̶e nuree judiorãba maud̶e griegorãba mau kuitaasid̶aud̶e wapeasid̶au. Maud̶e Dachi Mechiu Jesús trʉ̃ ʉ̃rʉbena biꞌia berreasid̶au.

2 Corintios 7:11

Dachi Akõreba kʉ̃ria b̶uu kĩra machi kĩra nomaasid̶aud̶eeba mau kĩra nomaaba machimaa jipa kʉ̃risiabiaped̶a jipa waubiasii. Maud̶eeba machiba jipa wau panuu jomaurãmaa kuitaabiai kʉ̃ria panuu. Ãbaba kachirua waud̶a kakua machi kĩrusid̶au maud̶e Dachi Akõreba kastikai bad̶a wapeasid̶au. Maud̶eeba chi kachirua waud̶a ẽbẽra kastikad̶aped̶a ãyaa bʉisid̶au. Nejomad̶eeba machiba unubisid̶au mau kachirua waud̶a kakua nebʉraswãe panuu.

Efesios 5:11

Pãriud̶ebenarãba kachirua waubadaud̶eeba ne bia neekau. Maud̶eeba arab̶au waurã́sturu, maumaarã kuitaabiásturu ãchiba waubadau kachiruabʉ.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.