1 Timoteo 3:13 - Emberá Chamí

¹³ Ãbarã aid̶abadaurãba waud̶ai panuu jipa wauduubʉrã, jomaurãba ãchi ʉ̃rʉbena biꞌia berread̶ai. Maka wapeawẽa ãchiba Jesucristod̶e ijãa panuu ʉ̃rʉbena aude poyaa berread̶ai.

1 Timoteo 3:13 Referans Kwoze

Mateo 25:21

Chi chibariba jarasii: “Biꞌia b̶uu, trajabarii bia nii, bichiba jipa waubarii. Mʉʉba b̶aꞌãra dead̶aba bichiba biꞌia wausiid̶eeba mʉʉba maucha aude deai. Ed̶a neese mʉ ome kĩrajʉʉ b̶uai baita”.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Timoteo 2:1

Warr, Jesucristo sõbiad̶eeba chaarea b̶uase.

1 Tesalonicenses 2:2

Kuitaa panuu machimaa wãd̶ai naed̶e Filipod̶ebenarãba dai kachirua jarasid̶au maud̶e kachirua wausid̶au. Mau awara machimaa neesid̶aud̶e ãreaba kʉ̃riad̶aabasii daiba jaradea panuu. Maamina Dachi Akõreba dachi sõbiabiasii ichi bed̶ea bia machimaa wapeawẽa jaradead̶amera.

Filipenses 1:14

Maud̶eeba ãrea ãbarãba Dachi Mechiud̶eeba Dachi Akõre bed̶ea wapeawẽa jara nibabadau.

1 Corintios 16:15

Ãbarã, machiba kuitaa panuu Acaya druad̶e Estefanasba maud̶e ichi ded̶ebenarã chi naed̶e Jesusd̶e ijãaped̶aad̶a maud̶e ãchiba kʉ̃risia panuu joma ãbarã aid̶ad̶ai baita.

Hechos 21:35

Chi jʉ̃rʉmetamaa neesid̶aud̶e mamauba kokoroarãba Pablo jira adoesid̶au, judiorã ãrea kĩramaa panuud̶eeba.

Hechos 6:15

Chi judiorã mechiurã joma aria akʉ duanuuba Esteban ichiaduud̶e unusid̶au ichi kĩedarr ángel kĩedarr kĩra b̶uu.

Hechos 6:8

Dachi Akõreba ichi sõbiad̶eeba Esteban ãrea aid̶a b̶uasii. Ichi poyaabarii Estebanmaa deasii ẽbẽrarãba ne poyaa waud̶akau mechiu ẽbẽrarã tãed̶e wau b̶uamera.

Hechos 6:5

Ãchiba jaraped̶aad̶a jomaurãba biꞌia ũrisid̶au. Maud̶eeba Esteban jʉrʉ adausid̶au. Mau Estebanba Jesusd̶e ãrea ijãa b̶uasii; Dachi Akõre Jaurid̶eeba b̶uasii. Ichi awara Felipe, Prócoro, Nicanor, Timón, Parmenas maud̶e Nicolás Antioquía puurud̶ebena jʉrʉ adausid̶au. Mau Nicolás griego basii maamina judio kĩra b̶uabachii.

Lucas 19:17

Maud̶eeba chi jaradea ua b̶uabariiba jarasii: “Biꞌia b̶uu, mʉ baita bari trajabarii bia. Mʉʉba b̶aꞌãra dead̶aba, bichiba biꞌia wausiid̶eeba mʉʉba bichi juad̶e 10 puuru b̶ui”.

Mateo 20:28

Ara mau kĩra mʉ, chi Ẽbẽra Ba B̶uad̶a neewẽa b̶uu ẽbẽrarã mʉ baita bari trajabadaurã nuread̶amera. Maumaarã nee b̶uu ẽbẽrarã baita bari trajabarii b̶uai baita. Maka mʉ biui ãrea ẽbẽrarã karibai baita.

1 Timoteo 3:14

Mʉ isa bichi ichiad̶e wã kʉ̃ria b̶uu. Maamina nau karta bichi baita b̶ʉd̶auruu.