1 Timoteo 3:1 - Emberá Chamí

¹ Nau bed̶ea biawãrad̶eeba, mau ijãad̶ai panuu: ab̶auba chi ijãabadaurã nubarii b̶uai kʉ̃ria b̶uubʉrã, biꞌia wau kʉ̃ria b̶uu.

1 Timoteo 3:1 Referans Kwoze

Tito 1:7

Ijãabadaurã nubariiba Dachi Akõre traju waubariid̶eeba, nebʉra barau nii ad̶ayuswãe b̶uu. Ichi nejuakaya nibaabai b̶uu, bari au kĩru nibaabai b̶uu, itua biu nibaabai b̶uu, kĩrubi id̶aa nibaabai b̶uu maud̶e chi nejarra kʉ̃ria nibaabai b̶uu.

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

1 Pedro 5:2

Dachi Akõreba ãbarã machi juad̶e b̶ud̶a ãrea nústuru. Maka waurã́sturu waabenarãba maka waubi panuud̶eeba. Maumaarã nu kʉ̃ria panuud̶eeba maka wáusturu. Chi nejarra kʉ̃ria panuud̶eeba nurã́sturu, maumaarã sõd̶eeba nu kʉ̃ria panuud̶eeba maka wáusturu.

1 Timoteo 1:15

Nau bed̶ea biawãrad̶eeba jomaurãba mau ijãad̶ai panuu: Jesucristo nau druad̶aa neesii kachirua waubadaurã karibai baita. Maarãd̶ebena mʉ chi aude kachirua b̶uasii.

1 Pedro 2:25

Machi naed̶e chi oeja barikiud̶e nibad̶a kĩra nibabachid̶au, maamina jãabae Cristomaa waya neesid̶au. Ichiba machi nu b̶uu, oeja nubariiba ichi oeja nubarii kĩra.

Hebreos 12:15

Kauwa panásturu Dachi Akõreba ichi sõbiad̶eeba kariba b̶uu ab̶au bid̶a ida b̶urãad̶amera. Maud̶e kauwa panásturu machi tãed̶e ab̶a bid̶a ne karr kachirua kĩra panarãad̶amera. Mauba ãbarãmaa kachirua kʉ̃risiabiaped̶a ara mau kĩra panabiabarii.

2 Timoteo 2:11

Nau bed̶ea biawãrad̶eeba, mau ijãad̶ai panuu: Dachi Cristo ome biuduubʉrã, ichi ome chokae panad̶ai.

1 Timoteo 4:9

Mau bed̶ea biawãra b̶uu. Jomaurãba mau ijãad̶ai panuu.

Filipenses 1:1

Mʉ Pablobʉ. Timoteo mʉ ome b̶uu. Dai Jesucristo baita bari trajabadaurãbʉ. Mʉʉba nau karta ãbarã Filipos puurud̶ebenarã baita b̶ʉʉruu: ijãabadaurã nubadaurã, ijãabadaurã aid̶abadaurã, joma ẽbẽrarã Dachi Akõred̶erã Jesucristo ome nureerã baita.

Lucas 15:10

Mʉʉba jaraaruu ara mau kĩra chi kachirua waubarii ab̶a Dachi Akõremaa neeruud̶e Dachi Akõre maud̶e ichi angelerã ãrea kĩrajʉʉbadau».

Tito 3:8

Mau bed̶ea biawãrad̶eeba, mau ijãad̶ai panuu. Mʉʉba kʉ̃ria b̶uu bichiba mau ãrea jaradea b̶uai Dachi Akõred̶e ijãabadaurãba ne joma biꞌia wau wãd̶amera. Mau bed̶ea ãrea biꞌia b̶uu. Jomaurã karibabarii.

Efesios 4:12

Ichiba maka b̶usii ẽbẽrarã Dachi Akõred̶erã aid̶ad̶amera, ãchia bid̶a Dachi Akõre baita poyaa biꞌia waud̶amera. Maka joma Cristo ẽbẽrarã ichi kakua abadau chaarea warimaa panuu,

Hechos 1:20

Maud̶e Pedroba jarasii: «Judas makasii Salmos kartad̶e b̶ʉ kub̶uu kĩra: “Ichi de dedumadu b̶eei. Ab̶a bid̶a aria panad̶aabai”. Maud̶e jara b̶uu: “Ichiba wau b̶uad̶a junebenaba wau b̶eei”.

1 Pedro 4:15

Machi ãrea biꞌiwãe duanumina, nau kakua biꞌiwãe panad̶ai biawãe b̶uu: mia bead̶a kakua, nechiruad̶a kakua, kachirua waud̶a maebʉrã chĩara nebʉrad̶e b̶uad̶a kakua.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

Romanos 11:13

Mʉʉba judiowãerãmaa nau jaraaruu. Mʉ Dachi Akõreba bʉid̶a b̶usii, machimaa jaradeamera. Mau mʉʉba joma biꞌia wau kʉ̃ria b̶uu.