1 Timoteo 2:4 - Emberá Chamí

⁴ Ichiba kʉ̃ria b̶uu jomaurãba chi biawãra bed̶ea kuitaaped̶aad̶a kachiruad̶ebena karibad̶ai.

1 Timoteo 2:4 Referans Kwoze

2 Pedro 3:9

Dachi Mechiu neei ad̶a bad̶a kãꞌãa b̶uud̶eeba waabenarãba kʉ̃risia panuu neebai. Maamina makawãema. Maumaarã machi kakua joma jãadua b̶uud̶eeba kãꞌãa b̶uu. Ichiba kʉ̃riawẽa b̶uu ẽbẽra ab̶a bid̶a ichid̶ebena ãi b̶uai. Kʉ̃ria b̶uu jomaurãba kachirua ida b̶ud̶aped̶a ichimaa need̶ai.

Tito 2:11

Dachi Akõreba jomaurãmaa unubiasii ichi sõbiad̶eeba ẽbẽrarã karibabarii.

2 Timoteo 2:25

Ichiba bed̶ea biad̶eeba Dachi Akõre bed̶ea kuitaabia b̶uu, chi ichiba jaradea b̶uu kʉ̃riad̶akau ẽbẽrarãmaa, maka Dachi Akõreba maarã karibaaruubʉrã. Maka ichimaa waya need̶aped̶a chi biawãra bed̶ea kuitaad̶ai.

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

Lucas 24:47

Maabae ichi trʉ̃d̶eeba ichi ijãabadaurãba ẽbẽrarãmaa jarad̶ai ãchi kachirua ida b̶ud̶aped̶a Dachi Akõremaa need̶amera. Maka Dachi Akõreba ãchi kachirua perdonai. Mau naa Jerusalén puurud̶e jarad̶aped̶a joma puuru b̶eecha jarad̶e wãd̶ai.

Apocalipsis 14:6

Mau maad̶akare mʉʉba ángel ab̶a bajãad̶e ũub̶ari nii unusii. Mauba chi bed̶ea bia uru b̶uasii chi nau iujãad̶ebena jomaurãmaa jarai baita: puurud̶ebenarãcha, druad̶ebenarãcha, ẽbẽrarã didiwaraacha maud̶e bed̶ea didiwaraacha. Mau bed̶ea ewaricha maka b̶uai.

Juan 14:6

Maud̶e Jesusba jarasii: —Mau o mʉʉbʉ. Mʉʉd̶eeba Dachi Akõre biawãra unu panuu maud̶e chokae b̶uai uru panuu. Mʉwãebʉrã ab̶a bid̶a mʉ Chachamaa poyaa neebai.

Mateo 28:19

Maud̶eeba joma puuru b̶eecha wãd̶aped̶a jaradeásturu mʉ baara wãd̶amera. Maarã Dachi Akõre trʉ̃d̶eeba, chi Warr trʉ̃d̶eeba, Dachi Akõre Jauri trʉ̃d̶eeba boro eásturu.

Tito 1:1

Mʉ Pablobʉ, Dachi Akõre baita bari trajabarii maud̶e Jesucristoba bʉid̶a. Mʉ bʉisii Dachi Akõreba jʉrʉ adaud̶arãba ichid̶e ijãad̶amera maud̶e chi biawãra bed̶ea kuitaad̶aped̶a Dachi Akõreba kʉ̃ria b̶uu kĩra nuread̶amera.

2 Timoteo 3:7

Mau wẽrarã ewaricha kuitaamaa panuu, maamina chi biawãra bed̶ea poyaa kuitaad̶akau.

Lucas 14:23

Maud̶eeba chi de chibariba ichi baita bari trajabariimaa waya jarasii: “Puuru awara o b̶eecha wãse. Ẽbẽrarã unuuruubʉrã isa neebiáse mʉ de ẽbẽrarãba ãrea kob̶eemera.

Lucas 1:77

Bichiba israeld̶ebenarãmaa kuitaabiai saka Dachi Akõreba ãchi kachirua perdonai aped̶a karibai.

Juan 17:17

Bichi bed̶eaba bichi biawãra saka nii kuitaabia b̶uu. Maud̶eeba maarã bichi baita duanuse.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Marcos 16:15

Maabae Jesusba ãchimaa jarasii: «Druacha wãd̶aped̶a chi bed̶ea bia mʉ ʉ̃rʉbena jomaurãmaa jarásturu.

Hebreos 10:26

Maamina dachiba chi biawãra bed̶ea kuitaaped̶aad̶akare ara dachid̶eeba kachirua wauduubʉrã, waa wãꞌãe Dachi Akõremaa dead̶ai baita mau kachirua ida b̶umera.

Romanos 11:14

Mʉʉba judiowãerãmaa jaradea b̶uud̶eeba kʉ̃ria b̶uu mʉ ẽbẽrarã judiorã bid̶a mau bed̶ea ũrid̶ai jiwaa panuu kĩra. Maka Dachi Akõreba ãchid̶ebena chi nuree karibai.

Santiago 3:14

Maamina ab̶auba chi uru b̶uu kakua maebʉrã chi wau b̶uu kakua jiwaa duanuubʉrã, maud̶e waabenarã aude biꞌia nuread̶ai baita jʉrʉduubʉrã, jararã́sturu machi ne kuitaa nuree. Maka jaraaduubʉrã, chi biawãra bed̶ea ida b̶u panuu.

2 Juan 1:1

Mʉ Chõrabʉ. Mʉʉba nau karta b̶ʉʉruu wẽra Dachi Akõreba jʉrʉ adaud̶a baita maud̶e ichi warrarã baita bid̶a. Mʉʉba machi biawãra kʉ̃ria ua b̶uu. Mʉaburu machi kʉ̃ria b̶uwãema, maumaarã joma chi biawãra bed̶ea kuitaa nureerãba machi kʉ̃ria panuu.