1 Timoteo 2:1 - Emberá Chamí

¹ Nau biꞌia jaraaruu: joma ẽbẽrarã baita ãbarãba Dachi Akõremaa chi chuburia id̶id̶ai panuu, ichiba karibamera ʉtaa id̶id̶ai panuu maud̶e ichíturu kid̶ibai ad̶ai panuu.

1 Timoteo 2:1 Referans Kwoze

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

Santiago 5:16

Mau baita machiba kachirua wauped̶aad̶a chiya jarásturu. Maud̶e ãbua Dachi Akõremaa ʉtaa id̶ísturu biꞌia duanad̶ai baita. Ẽbẽra jipa b̶uuba Dachi Akõremaa ʉtaa id̶iiruubʉrã Dachi Akõre poyaabariid̶eeba ne aribia waubarii.

Efesios 5:20

Dachi Mechiu Jesucristo trʉ̃d̶eeba ewaricha dachi Bajãad̶ebena Akõremaa ne joma baita ichíturu kid̶ibai ásturu.

2 Timoteo 2:24

Chi Dachi Mechiu baita bari trajabarii oa kachirua berrea b̶uabai b̶uu, maumaarã jomaurã ome sõbia b̶uai b̶uu. Jaradea kuitaa b̶uai b̶uu. Jomaurã ome jãadua b̶uai b̶uu.

1 Timoteo 2:4

Ichiba kʉ̃ria b̶uu jomaurãba chi biawãra bed̶ea kuitaaped̶aad̶a kachiruad̶ebena karibad̶ai.

Filipenses 1:3

Mʉʉba machi kĩrabaaruucha Dachi Akõremaa ichíturu kid̶ibai abarii.

Hebreos 6:11

Daiba kʉ̃ria panuu machicha maka wau panad̶ai ab̶a biuduud̶aa. Maka b̶uubʉrã machiba Dachi Akõred̶eeba adaud̶ai esed̶au panuu joma adaud̶ai.

Tito 3:2

Ãbarãmaa jarase: ab̶au ʉ̃rʉbena kachirua berread̶awẽa panad̶ai panuu maud̶e oa kachirua berread̶awẽa panad̶ai panuu, maumaarã jomaurã ome sõbia nuread̶ai panuu, maarã audeara kʉ̃risiad̶awẽa.

Tito 2:11

Dachi Akõreba jomaurãmaa unubiasii ichi sõbiad̶eeba ẽbẽrarã karibabarii.

1 Timoteo 5:5

Pẽdrãa biawãra ichi du ab̶a b̶uuba ãrea kuitaa b̶uu joma ichiba uru b̶uai b̶uu Dachi Akõréburu deai. Ãyadaa maud̶e ẽsabud̶e Dachi Akõremaa ʉtaa id̶ibarii karibamera.

1 Corintios 15:3

Mʉʉba chi aude biꞌia b̶uu machimaa jaradeasii, ara mʉʉba kuitaad̶a kĩra. Mau naubʉ: Cristo dachi kachirua kakua biusii Dachi Akõre bed̶ead̶e b̶ʉ kub̶uu kĩra.

Hechos 17:30

Ẽbẽrarãba chi Dachi Akõre naed̶e adua panad̶a, ichiba mau ida b̶usii. Maamina id̶ibae jara b̶uu joma druachad̶ebenarãba kachirua ida b̶ud̶aped̶a ichid̶e ijãad̶amera.

1 Tesalonicenses 3:12

Daiba kʉ̃ria panuu Dachi Mechiuba machi aid̶a b̶uai jomaurã ome biꞌia chiya kʉ̃ria panad̶amera daiba machi ãrea kʉ̃ria panuu kĩra.

Romanos 6:17

Naed̶e machi kachirua baita bari trajabadaurã basii. Maamina joma Dachi Akõre ʉ̃rʉbena jaradeaped̶aad̶a sõd̶eeba wau panuud̶eeba mʉʉba Dachi Akõremaa ichíturu kid̶ibai abarii.

Romanos 1:8

Naa mʉʉba jaraaruu: Jesucristod̶eeba mʉʉba joma machi baita Dachi Akõremaa ichíturu kid̶ibai abarii machiba Jesucristod̶e ijãa panuu ʉ̃rʉbena druachabenarãba berrea panuud̶eeba.

2 Corintios 8:6

Maud̶eeba daiba Titomaa chi chuburia id̶isid̶au machimaa jarad̶e wãmera joma machiba sõbiad̶eeba dead̶ai aped̶aad̶a biawãra ped̶ai baita.

Efesios 3:13

Maud̶eeba mʉʉba machimaa naka chi chuburia id̶iiruu: mʉ machi kakua nama naka biꞌiwãe b̶umina ãrea jirukaraarã́sturu. Maka ãrea biꞌiwãe b̶uu machi Dachi Akõre ome biꞌia nuread̶amera.

Efesios 6:18

Ewaricha ne joma baita Dachi Akõre Jaurid̶eeba ʉtaa id̶i panásturu. Dau ʉ̃rʉma panuud̶eeba, joma ichi ẽbẽrarã baita kakua ãkaad̶awẽa ʉtaa id̶i panásturu.

Filipenses 4:6

Barikia kakua ãrea jirukaraarã́sturu, maumaarã Dachi Akõremaa ʉtaa id̶ísturu, ichimaa chi chuburia id̶ísturu, maud̶e ne joma ʉ̃rʉbena ichíturu kid̶ibai ásturu.