1 Timoteo 1:16 - Emberá Chamí

¹⁶ Maamina maud̶eeba Dachi Akõreba mʉ kĩra chuburiasii. Maka Jesucristoba mʉ, chi aude kachirua wau b̶uad̶ad̶eeba unubisii ichi joma dauchia jãadua esed̶au b̶uai b̶uu. Mʉʉd̶eeba chi wabid̶a ijãad̶akaurãmaa kuitaabiasii saka ẽbẽra kachirua kĩra chuburiabarii ewaricha chokae b̶uamera.

1 Timoteo 1:16 Referans Kwoze

1 Timoteo 1:13

Naed̶e mʉʉba ichi ʉ̃rʉbena kachirua berreabachii maud̶e ichid̶irã kachirua waui baita wãraabachii. Waabenarãmaa kachirua berreabachii. Ichid̶e wabid̶a ijãawẽa b̶uasiid̶eeba maud̶e adua b̶uasiid̶eeba maka kachirua waubachii. Maamina ichiba mʉ kĩra chuburiasii.

Efesios 2:7

Mau joma wausii kaad̶ebena ewarid̶e ichi ãrea sõbia nii unubii baita. Maud̶eeba dachi chi Jesucristo ome panuurã karibasii.

Lucas 7:47

Maud̶eeba mʉʉba naka jaraaruu: mau wẽraba kachirua ãrea waud̶a mʉʉba joma perdonasii. Maud̶eeba mauba mʉ ãrea kʉ̃ria b̶uu. Maamina chi b̶aꞌãra kachirua wau b̶uu, mʉʉba perdonaaruubʉrã, mauba mʉ b̶aꞌãra kʉ̃ria b̶uai.

2 Pedro 3:15

Kĩrabásturu Dachi Mechiuba ẽbẽrarã karibai baita joma jãadua b̶uu. Ara mau kĩra dachiba kʉ̃ria panuu ãba Pablo bid̶a kartad̶e machi baita b̶ʉsii, Dachi Akõreba ichimaa dead̶a kʉ̃risia kuitaad̶eeba.

2 Pedro 3:9

Dachi Mechiu neei ad̶a bad̶a kãꞌãa b̶uud̶eeba waabenarãba kʉ̃risia panuu neebai. Maamina makawãema. Maumaarã machi kakua joma jãadua b̶uud̶eeba kãꞌãa b̶uu. Ichiba kʉ̃riawẽa b̶uu ẽbẽra ab̶a bid̶a ichid̶ebena ãi b̶uai. Kʉ̃ria b̶uu jomaurãba kachirua ida b̶ud̶aped̶a ichimaa need̶ai.

1 Pedro 3:20

Maarã jaurirãba nabẽraed̶e Noé ewarid̶e Dachi Akõre bed̶ea ijãad̶aabasii. Noeba jãba mechiu wau b̶uumisa Dachi Akõreba joma dauchia jãadua b̶uud̶eeba esed̶au b̶uasii ãchiba ijãad̶amera. Maamina ẽbẽra b̶aꞌãra bania birud̶ad̶ebena paneesid̶au. Biawãra jaraaruubʉrã, 8buru karibasii.

Juan 20:31

Maamina joma nau b̶ʉsii machiba Jesús Dachi Akõreba Dachi Karibabarii deai jarad̶a, Dachi Akõre Warr ijãad̶amera. Maka ijãaduubʉrã ichid̶eeba chokae b̶uai uru nuread̶ai.

Juan 3:36

Chi ichi Warrd̶e ijãa b̶uu Dachi Akõre ome ewaricha chokae b̶uai, maamina chi ichi Warr ida b̶u b̶uu Dachi Akõre ome ewaricha chokae b̶uabai. Mau Dachi Akõreba kastikai.

Romanos 6:23

Biawãra kachirua wau panuu kakua ẽbẽrarã biud̶ai. Maamina Dachi Mechiu Jesucristod̶eeba Dachi Akõreba ewaricha chokae b̶uabiai, ne kaebea bari dea b̶uu kĩra.

Hechos 13:39

Moisesba b̶ʉd̶ad̶e b̶ʉ kub̶uu Dachi Akõreba chi dachiba kʉ̃riaduu kachirua waubadau kĩrabaabai. Maamina joma Jesusd̶e ijãaduu ichiba jipa panuu abarii. Mau machimaa jara panuu.

Juan 6:54

Mʉ kakua chi biawãra chikobʉ. Mʉ oa chi biawãra dobadaubʉ. Maud̶eeba chi mʉ kooruu maud̶e chi mʉ oa dooruu Dachi Akõre ome ewaricha chokae b̶uai. Nau iujãa baribai ewarid̶e mʉʉba mau ẽbẽra chokae jiradubii.

Juan 6:40

Mʉ Chachaba biawãra kʉ̃ria b̶uu ẽbẽrarãba mʉ ichi Warr kuitaad̶aped̶a ijãad̶ai ichi ome ewaricha chokae nuread̶amera. Makaburu mʉʉba ãchi nau baribai ewarid̶e chokae jiradubiai.

Hebreos 7:25

Maud̶eeba chi ichid̶eeba Dachi Akõremaa needuu joma poyaa karibai ewaricha chokae nuread̶amera. Biukaud̶eeba ewaricha dachi baita Dachi Akõremaa chi chuburia id̶ibarii.

2 Tesalonicenses 1:10

Ichi neeruud̶e mau ewarid̶e ichid̶irãba ichimaa biꞌia berread̶ai. Ãchi ome biꞌia waud̶ad̶eeba joma ichi ijãabadaurãba ichi ãrea biꞌia unud̶ai. Daiba ichi ʉ̃rʉbena jaradeasid̶aud̶e, machia bid̶a ijãasid̶au.

Efesios 1:12

Maka wausii dai judiorã chi naa Cristod̶e ijãaped̶aad̶arãba ichi biꞌia nii ʉ̃rʉbena biꞌia berread̶amera.

Efesios 1:6

Ichi sõbia ãrea b̶uud̶eeba dachi karibasii ichiba kʉ̃ria b̶uu Warrd̶eeba. Mau baita ichimaa biꞌia berread̶ai panuu.

2 Corintios 4:1

Dachi Akõreba dachi maka kĩra chuburiad̶eeba ichi bed̶ea ida jaradeabia b̶u baerã daiba poyaad̶awẽe kʉ̃risiad̶akau.

Romanos 15:4

Joma Dachi Akõre bed̶ead̶e b̶ʉd̶a dachimaa jaradeai baita b̶uu. Dachi sõbiabiabarii maud̶e aid̶abarii joma dauchia jãadua panad̶amera. Maka dachiba biawãra kuitaa panuu Dachi Akõre ome ewaricha biꞌia panad̶ai.

Juan 6:37

Chi mʉ Chachaba mʉʉmaa dea b̶uu ẽbẽrarã mʉʉmaa need̶ai; maarã duabʉikaabai.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

Lucas 23:43

Maud̶eeba Jesusba ichimaa jarasii: —Mʉʉba biawãra jaraaruu: Id̶i bichi mʉ ome bajãad̶e b̶uai.

Lucas 15:10

Mʉʉba jaraaruu ara mau kĩra chi kachirua waubarii ab̶a Dachi Akõremaa neeruud̶e Dachi Akõre maud̶e ichi angelerã ãrea kĩrajʉʉbadau».

1 Corintios 7:25

Mau awara chi wabid̶a miakãid̶awẽa nuree ʉ̃rʉbena mʉʉba jaraaruu. Dachi Mechiu Jesucristoba mʉʉmaa mau ʉ̃rʉbena jaradeabiibasiid̶eeba mʉʉba kʉ̃risia b̶uu jaraaruu. Machiba kuitaa panuu Dachi Mechiuba mʉ kĩra chuburiasiid̶eeba mʉʉba biawãra jarabarii.