1 Tesalonicenses 5:12 - Emberá Chamí

¹² Mau awara ãbarã, daiba chi chuburia id̶i panuu chi ãbarã machi tãed̶e Dachi Akõre traju waubadaurã ãrea wapead̶amera. Ãchi Dachi Mechiu Jesucristod̶eeba machi saka nibad̶ai jarabadau maud̶e jaradeabadau.

1 Tesalonicenses 5:12 Referans Kwoze

Hebreos 13:17

Ãbarã, machi karrarãba jara panuu ijã́sturu. Machi nu panuud̶eeba ãchi juad̶e panásturu. Ãchiba kuitaa panuu Dachi Akõreba ichiaruud̶e joma ãchiba wauped̶aad̶a ichimaa arakʉd̶e jarad̶ai. Maud̶eeba ãchiba jara panuu ijã́sturu. Maka ãchiba kĩrajʉʉ maud̶e kĩra nomaad̶awẽa joma waud̶ai. Machiba maka waud̶awẽa panuud̶eeba ãchi kĩra nomaabiiduubʉrã, machi poyaa biꞌia aid̶abiabasii.

Hebreos 13:7

Machi karrarã kĩrabásturu. Maarãba Dachi Akõre bed̶ea machimaa jaradeasid̶au. Kʉ̃risiásturu ãchi saka nibasid̶au maud̶e maka nid̶auba kãare sakasii. Ãchiba Cristod̶e ijãa panad̶a kĩra machia bid̶a ijãa panásturu.

1 Corintios 16:18

Maarãba mʉ sõ kĩrajʉʉbisid̶au machi sõ kĩrajʉʉbiaped̶aad̶a kĩra. Maarã ʉ̃rʉbena maud̶e ãbarã ãchi kĩra panuu ʉ̃rʉbena biꞌia kʉ̃risiásturu.

1 Corintios 16:16

Mʉʉba machimaa chi chuburia id̶iiruu ãchi maud̶e joma ãchi kĩra nuree ũrid̶amera. Joma Dachi Akõre traju waubadaurã maud̶e ãbarã aid̶abadaurã ũrísturu.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

Tito 1:3

Maabae ichiba b̶ud̶a ewarid̶e mʉʉba jaradea b̶uud̶eeba ichi bed̶ea Cristo ʉ̃rʉbena biꞌia kuitaabisii. Mau bed̶ea Dachi Akõre chi Karibabariiba mʉʉmaa jaradeabisii.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

1 Corintios 12:28

Dachi Akõreba ãbarã tãed̶e chi Jesucristoba bʉid̶arã naa b̶usii. Mawãare ichi baita berreabadaurã b̶usii. Mawãare ichi bed̶ea jaradeabadaurã b̶usii. Mawãare waabenarã b̶usii ẽbẽrarãba ne poyaa waud̶akau poyaa waud̶amera, chi nuree b̶usii ẽpermo nuree poyaa aribiabiad̶amera, chi nuree b̶usii ãbarã aid̶ad̶amera, chi nuree b̶usii chi ãbarã tãed̶e saka waud̶ai kuitaa panad̶amera, maud̶e chi nuree b̶usii barikiu dachiba ũrid̶akau bed̶ead̶e berread̶amera.

1 Corintios 3:9

Mʉʉba Apolos ome arab̶aud̶e Dachi Akõre traju wau panuu. Machi sid̶a Dachi Akõred̶e ne uu nub̶uu iujãabʉ. Mau awara machi Dachi Akõreba de wau b̶uu kĩra nuree.

Hechos 20:35

Joma mʉʉba wausiid̶eeba machimaa kuitaabiasii ãrea traja panuud̶eeba chi nejarr barauwãe ked̶ee aid̶ad̶ai panuu. Kĩrabad̶ai panuu Dachi Mechiu Jesusba naka jarasii: “Bibuara b̶uu ab̶aumaa deai, chi mau adaui bad̶amaarã”».

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

Lucas 10:7

Machi apii jirukaraayuwãe irsibiiduubʉrã, mau ded̶e panésturu. Decha kãirã́sturu. Maarãba deaduu kósturu maud̶e dósturu, chi trajabariiba chi deai b̶uu chi nejarra adaui b̶uud̶eeba.

Apocalipsis 1:20

Mʉʉba unubiiruu chi 7 pusterrearã bichiba mʉ jua biare uru b̶uu unud̶a kãare jara b̶uu maud̶e kãare jara b̶uu lámpararã nee waud̶a. Mau 7 lámpararã jara b̶uu chi angelerã. Mau 7 panuuba ãbarã 7 puurud̶e duanuu nubadaurãbʉ. Ãchi ab̶aab̶aa chi ãbarã puurucha nubadau. Chi 7 lámpararã jara b̶uu chi 7 puurud̶ebena ãbarã.

Tito 1:5

Mʉʉba bichi Creta islad̶e b̶ʉisii dachiba waud̶ai b̶uu joma waumera. Mʉʉba jarad̶a kĩra ijãabadaurã nubadaurã puurucha b̶ukuase.

2 Timoteo 2:6

Chi uubarii ãrea trajabariid̶eeba, ichiba chi uu nub̶uu chaud̶ad̶ebena naa adaui b̶uu.

Colosenses 1:29

Mau baita mʉ kʉrrjĩruwẽa traja b̶uu Cristoba ichi poyaabarii ãrea dea b̶uud̶eeba.

Filipenses 2:16

Chi dachi chokae b̶uabiabarii bed̶ea ʉ̃rʉbena ãchimaa arakʉd̶e kuitaabia panásturu. Maka Cristo neeruud̶e mʉ machi kakua kĩrajʉʉi. Maud̶e mʉʉba kuitaai mʉ bari ara jãka nibaabasii maud̶e bari trajaabasii.

Gálatas 4:11

Maud̶eeba mʉʉba kʉ̃risia b̶uu mʉ bari machimaa jaradeasii.

2 Corintios 11:23

Ãchi Cristo baita bari trajabadaurã a panuu. Maamina ãchi audeara mʉʉba biꞌia Cristoba kʉ̃ria b̶uu waubarii. Maka berrea b̶uud̶e kʉ̃risiaswãe nii kĩra berrea b̶uu. Biawãra ãchi audeara mʉʉba Dachi Akõre traju audeara waubarii. Ãchi audeara ẽbẽrarãba mʉ b̶es ãrea sĩsid̶au. Ãchi audeara mʉ b̶es ãrea jʉ̃a uru panasid̶au. B̶es ãrea mʉ biumaa b̶uasii.

2 Corintios 6:1

Daiba Dachi Akõre ome ichi traju wau panuud̶eeba, machimaa chi chuburia id̶iiduu Dachi Akõreba ichi sõbiad̶eeba kariba b̶uu ʉ̃rʉbena ida b̶urãad̶amera.

2 Corintios 5:9

Maud̶eeba nau kakuad̶e panuud̶e maebʉrã biuduubʉrã, dachiba joma wau kʉ̃ria panuu Dachi Akõreba dachi biꞌia unumera.

Apocalipsis 3:14

»Chi Laodicea puurud̶ebena ijãabadaurã nubarii ángel baita kartad̶e naka b̶ʉse: »Biawãra Bed̶ea trʉ̃ jarabadauba Dachi Akõred̶ebena biawãra joma arakʉd̶e jarabarii. Ichid̶eeba Dachi Akõreba ne joma wausii. Ichiba naka jara b̶uu:

Apocalipsis 3:7

»Chi Filadelfia puurud̶ebena ijãabadaurã nubarii ángel baita kartad̶e naka b̶ʉse: »Mau chi Ara Dachi Akõre Báitaburu Nii, Chi Biawãra Bed̶ea Ab̶a B̶uu, chi David puuru mechiu niibʉ. Chi ichiba ewabarii ab̶au bid̶a poyaa jʉ̃abai. Ichiba jʉ̃aruu ab̶au bid̶a poyaa ewaabai.

Apocalipsis 3:1

»Chi Sardis puurud̶ebena ijãabadaurã nubarii ángel baita kartad̶e naka b̶ʉse: »Chi Dachi Akõre daad̶e 7 jauri uru b̶uuba maud̶e 7 pusterrea uru b̶uuba naka jara b̶uu: »Machiba wau panuu mʉʉba kuitaa b̶uu. Ẽbẽrarãba jara panuu machiba Dachi Akõre ãrea ijãa panuud̶eeba chokae nuree. Maamina biawãra ara machiba Dachi Akõred̶e ijãad̶awẽa panuud̶eeba chi biud̶arãbʉ.

Apocalipsis 2:18

»Chi Tiatira puurud̶ebena ijãabadaurã nubarii ángel baita kartad̶e naka b̶ʉse: »Dachi Akõre Warr dau tʉbʉ aokooruu kĩra b̶uu, maud̶e jʉ̃rʉ bronce tʉbʉd̶e kub̶ud̶akare urua kub̶uu kĩra b̶uu. Ichiba naka jara b̶uu:

Apocalipsis 2:12

»Chi Pérgamo puurud̶ebena ijãabadaurã nubarii ángel baita kartad̶e naka b̶ʉse: »Chi espada kid̶a muriacha peed̶ea era b̶uu iniiba naka jara b̶uu:

Apocalipsis 2:8

»Chi Esmirna puurud̶ebena ijãabadaurã nubarii ángel baita kartad̶e naka b̶ʉse: »Chi Nabena maud̶e Kaad̶ebena, chi biud̶a bad̶a waya chokae niiba naka jara b̶uu:

Apocalipsis 2:3

Machi mʉ kakua ãrea biꞌiwãe panuud̶e joma dauchia jãadua panuu maud̶e kĩrajaab̶ariwẽa mʉ baita biꞌia traja panuu.

1 Tesalonicenses 2:9

Ãbarã, machiba kuitaa panuu ãyadaa maud̶e ẽsabud̶e kʉrrjĩrud̶aabasii. Mau awara traju sid̶a waubachid̶au chi nejarra adaud̶ai baita. Daiba chi Dachi Akõre ʉ̃rʉbena bed̶ea bia machimaa jaradea panasid̶aud̶e, kʉ̃riad̶aabasii machiba daimaa ne kaebea dea panad̶ayu, machi chiko b̶aꞌãra b̶eerãamera.

Juan 4:38

Ara mau kĩra mʉʉba machi bʉikasii waabenarãba uuped̶aad̶a junad̶amera. Maarãba ãrea uuped̶aad̶a machiba bari au juna panuu.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

1 Timoteo 5:20

Maamina ijãabadaurã nubariiba kachirua wau b̶uubʉrã, jomaurã daad̶e iadaase waabenarãba wapeaba mau kachirua waurãad̶amera.

1 Timoteo 5:1

Chõrarã iadaarã́se, maumaarã bichi akõre ome berreabarii kĩra maarã ome sõbiad̶eeba berreáse ũrid̶amera. Kũudrãarãmaa berreáse bichi ãbarã ome berreabarii kĩra.

Filipenses 2:19

Dachi Mechiu Jesusba kʉ̃riaruubʉrã mʉʉba Timoteo isa machimaa wãbii. Maka ichi waya mʉʉmaa neeruud̶e mʉ sid̶a kĩrajʉʉ b̶uai machi saka panuu kuitaai b̶uud̶eeba.

Romanos 16:6

Neekau Mariamaa jarásturu mʉʉba kʉ̃ria b̶uu ichi biꞌia b̶uai. Ichiba machi ãrea aid̶a b̶uu.

Romanos 16:12

Neekau Trifenamaa maud̶e Trifosamaa jarásturu mʉʉba kʉ̃ria b̶uu maarã biꞌia panad̶ai. Ãchiba Dachi Mechiu baita biꞌia wau panuu. Maud̶e neekau Persidamaa ara mau jarásturu. Mauba Dachi Mechiu baita biꞌia wau b̶uu.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.