1 Tesalonicenses 1:9 - Emberá Chamí

⁹ Ara ãchiba jara panuu saka machiba dai deed̶aa urúbad̶e aped̶aad̶a, maud̶e Dachi Akõre kuenda juaba ne kaped̶aad̶arã ida b̶usid̶au Dachi Akõre biawãra chokae nii ijãad̶ai baita.

1 Tesalonicenses 1:9 Referans Kwoze

1 Timoteo 4:10

Mau baita dachi traja panuu. Ãrea biꞌiwãe panuu, Dachi Akõre chokae b̶uuba jomaurã poyaa karibai kuitaa panuud̶eeba. Biꞌia jaraaruubʉrã, chi ichid̶e ijãaduu karibabarii.

1 Corintios 12:2

Machiba kuitaa panuu Dachi Akõred̶e ijãad̶akaurã nureasid̶aud̶e, barikia ʉ̃rʉbena kʉ̃risiabachid̶au. Dachi Akõre kuenda juaba ne kaped̶aad̶ad̶e ijãabachid̶au. Chokae nureewãed̶eeba berread̶akau.

1 Tesalonicenses 2:13

Daiba ewaricha machi baita Dachi Akõremaa ichíturu kid̶ibai abadau. Machiba Dachi Akõre bed̶ea daid̶eeba ũrisid̶aud̶e ẽbẽra kʉ̃risia kĩra ijãad̶aabasii. Maumaarã mau bed̶ea biawãra chi Dachi Akõre bed̶ea kuitaaped̶aad̶ad̶eeba ijãasid̶au. Ara mau bed̶eaba machi chi Cristod̶e ijãabadaurãmaa biꞌia waubia b̶uu.

1 Tesalonicenses 2:1

Ãbarã, machiba kuitaa panuu dai machimaa wã panasid̶aud̶e bari wãd̶aabasii.

Hechos 14:15

—Machiba, ¿sakãe jãka wau panuma? Dai biawãra ẽbẽrarãbʉ, machi kĩra. Machimaa jarad̶e nee panuu chi biawãe b̶ee ida b̶ud̶aped̶a Dachi Akõre chokae nii ijãad̶amera. Mau Dachi Akõreba bajãa, nau iujãa, mar maud̶e joma mamed̶a duanuu wausii.

Apocalipsis 17:2

Nau iujãad̶ebena reyrã mau wẽra ome kachirua waubachid̶au. Maud̶e mau wẽraba ichi kakuaba barikiu kachirua wauruu unubachiid̶eeba joma nau iujãad̶ebenarã bid̶a ara mau kĩra waubachid̶au ituaba biu panuu kĩra».

Hebreos 12:22

Maamina machi Dachi Akõremaa neesid̶aud̶e chi biawãra Sión ead̶aa maud̶e chi bajãad̶ebena Jerusalend̶aa neesid̶au. Mau puuru Dachi Akõre chokae niid̶ebʉ. Aria angelerã mil ãrea ãbua kĩrajʉʉ duanuu.

Romanos 9:26

Maud̶e naka b̶ʉ kub̶uu: «Mʉʉba jarasii machi mʉ ẽbẽrarãwãe. Maka jarad̶amare, mʉʉba machi mʉ warrarã ai».

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

1 Juan 5:21

Mʉ warrarã, Dachi Akõre kuenda juaba ne kaped̶aad̶ad̶e ijãarã́sturu.