1 Tesalonicenses 1:6 - Emberá Chamí

⁶ Arab̶aud̶e machiba dai panabachid̶au kĩra wau kopaneesid̶au. Maud̶e Dachi Mechiu nibad̶a kĩra wau kopaneesid̶au. Machi ãrea biꞌiwãe panumina Dachi Akõre Jauriba kĩrajʉʉbiasiid̶e chi bed̶ea bia ijãasid̶au.

1 Tesalonicenses 1:6 Referans Kwoze

1 Corintios 11:1

Mʉ Cristo nibad̶a kĩra nibabariid̶eeba mʉ kĩra nibásturu.

1 Corintios 4:16

Maud̶eeba mʉʉba machimaa chi chuburia id̶ii mʉ nibabarii kĩra nibad̶amera.

Hechos 13:52

Maamina chi Jesusd̶e ijãabadaurã Antioquiad̶e panuu ãrea kĩrajʉʉ panasid̶au maud̶e Dachi Akõre Jaurid̶eeba panasid̶au.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

2 Tesalonicenses 3:9

Biawãra machiba karibad̶amera poyaa id̶id̶ai panasmina id̶id̶aabasii. Maumaarã dai trajasid̶au kuitaabid̶ai baita machiba ara mau kĩra waud̶ai panuu.

3 Juan 1:11

Ãba, chi kachirua waubadau kĩra waurã́se maumaarã biꞌia wause. Chi biꞌia waubarii Dachi Akõred̶ebʉ, maamina chi kachirua waubariiba Dachi Akõre adua b̶uu.

Efesios 5:1

Dachi Akõreba ichi warrarã ãrea kʉ̃ria b̶uu. Maud̶eeba machi ichi kĩra nureásturu.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Mateo 16:24

Maabae Jesusba ichi baara nibabadaurãmaa jarasii: —Ab̶a mʉ baara nibai kʉ̃ria b̶uubʉrã, mauba wau kʉ̃ria b̶uu ida b̶uped̶a ãrea biꞌiwãe b̶uai baita b̶uai b̶uu. Maabae mʉ baara wãi b̶uu.

1 Pedro 3:13

Machiba biꞌia wau panuubʉrã, ¿kaiba machi kachirua wauima?

1 Pedro 1:8

Machiba Jesucristo unud̶akamina mau kʉ̃ria panuu. Ʉ̃raud̶aa unud̶awẽa panumina ichid̶e ijãa panuu. Ichi kakua ãrea kĩrajʉʉ panuu. Maka kĩrajʉʉ panuud̶eeba mau kĩrajʉʉ saka b̶uu, poyaa kuitaa jarad̶awẽa panuu.

1 Pedro 1:6

Maud̶eeba ãrea kĩrajʉʉ panuu. Ara ʉ̃raud̶aa ne aꞌawaraad̶eeba machi ãrea biꞌiwãe panumina,

Hebreos 10:34

Chi Cristo kakua jʉ̃aped̶aad̶a machiba aid̶asid̶au. Maud̶e machiba ne uru b̶ead̶a kĩrajʉʉ ida juakaa adaubiasid̶au, kuitaa panuud̶eeba mau audeara ne bia wãꞌãekau bajãad̶e uru panuu.

2 Tesalonicenses 1:4

Mau baita daiba ẽbẽrarã Dachi Akõred̶erã panuucha machi ʉ̃rʉbena kĩrajʉʉ nebʉrʉbadau. Daiba jarabadau ẽbẽrarãba kachirua waud̶ai baita wãraa panumina machiba Cristod̶e wabid̶a ijãa panuu maud̶e ãrea biꞌiwãe panumina joma dauchia jãadua panuu.

Filipenses 3:17

Ãbarã, mʉ kĩra panásturu. Machi tãed̶e nibasid̶aud̶e daiba unubiasid̶au saka nuread̶ai panuu. Ãbarã maka nuree baara nibásturu.

2 Corintios 8:5

Maud̶e ãchiba waud̶aabasii ab̶aburu daiba kʉ̃risia panad̶a kĩra. Maumaarã naa ara ãstu deasid̶au Dachi Mechiuba kʉ̃ria b̶uu kĩra waud̶ai baita. Mawãare daiba jaraped̶aad̶a wausid̶au. Maka Dachi Akõreba kʉ̃ria b̶uu kĩra arakʉd̶e wausid̶au.

Romanos 15:13

Joma chi bia dachiba esed̶au panuu Dachi Akõreba deai. Machiba ichid̶e ijãa panuud̶eeba mʉʉba kʉ̃ria b̶uu ichiba machi ãrea kĩrajʉʉbiai maud̶e jirukaraayuwãe duanubiai. Maka Dachi Akõre Jauri poyaad̶eeba machiba biꞌia kuitaad̶ai joma chi bia dachiba esed̶au panuu biawãra adaud̶ai.

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Hechos 5:41

Ara makʉd̶e Jesusba bʉid̶arã judiorã mechiurãd̶ebena kĩrajʉʉ wãsid̶au. Kuitaa panasid̶au Dachi Akõreba ãchi biꞌia unusii ãchi Jesús trʉ̃d̶eeba biꞌiwãe panabiasid̶aud̶eeba.

1 Corintios 11:2

Ãbarã, ewaricha mʉ kĩraba panuud̶eeba maud̶e mʉʉba jaradead̶a ũri panabadaud̶eeba machimaa biꞌia jaraaruu.

2 Corintios 6:10

Dai kĩra nomaabadamina ewaricha kĩrajʉʉ panuu. Dai chi nejarra barauwãe panuu. Maamina daiba ẽbẽrarã ãreamaa Dachi Akõre ʉ̃rʉbena kuitaabiabadau ãchi barau nuree kĩra nuread̶amera. Dai chi nejarr barauwãe nuremina Dachi Akõred̶eeba joma uru panuu.

2 Tesalonicenses 3:7

Machiba kuitaa panuu dai nibaped̶aad̶a kĩra machi nibad̶ai panuu. Machi tãed̶e panasid̶aud̶e dai koꞌoa panad̶aka basii.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.