1 Pedro 5:1 - Emberá Chamí

¹ Machi chi ijãabadaurã nubadaurãmaa mʉʉba chi chuburia id̶iiruu, mʉ sid̶a ijãabadaurã nubariid̶eeba. Cristo ãrea biꞌiwãe b̶uad̶a mʉʉba unusii. Maud̶e Dachi Akõreba Cristo chi mechiu nii unubiaruud̶e mʉ sid̶a ichi ome b̶uai. Maud̶eeba naka chi chuburia id̶iiruu:

1 Pedro 5:1 Referans Kwoze

Lucas 24:48

Ara machi dauba mʉ makad̶a joma unusid̶au.

Apocalipsis 1:9

Mʉ machi ãba Juanbʉ. Dachi Jesucristo ome panuud̶eeba mʉ machi ome Dachi Akõre juad̶ebenarãbʉ, machi ome ãrea biꞌiwãe b̶uu, maud̶e machi ome joma dauchia jãadua b̶uu. Dachi Akõre bed̶ea jaradea b̶uu kakua maud̶e Jesús ʉ̃rʉbena biawãra a b̶uu kakua mʉ Patmos islad̶e b̶usid̶au.

2 Juan 1:1

Mʉ Chõrabʉ. Mʉʉba nau karta b̶ʉʉruu wẽra Dachi Akõreba jʉrʉ adaud̶a baita maud̶e ichi warrarã baita bid̶a. Mʉʉba machi biawãra kʉ̃ria ua b̶uu. Mʉaburu machi kʉ̃ria b̶uwãema, maumaarã joma chi biawãra bed̶ea kuitaa nureerãba machi kʉ̃ria panuu.

1 Pedro 5:4

Maabae Cristo dachi Nubarii chi Mechiu neeruud̶e machi chi mechiurã babiai boro jũra ãrikau dearuu kĩra.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.

1 Pedro 1:7

mau biꞌiwãe panuud̶eeba unubid̶ai Jesucristod̶e biawãra ijãa panuu. Machiba ijãa panuu nee kĩra b̶uu. Nee wãsiaba dorrab̶aribibadau mau chi néeturu b̶eemera. Ara mau kĩra machi ãrea biꞌiwãe panuu jãadua panuud̶eeba unubi panuu Jesucristod̶e biawãra ijãa panuu. Mau ijãa panuu nee audeara biꞌia b̶uu nee wãꞌãebariid̶eeba. Machiba Jesucristod̶e biawãra ijãa panuu unubi panuud̶eeba, ichi unuuduud̶e Dachi Akõreba machi biꞌia unui, biꞌia jarai maud̶e chi mechiurã b̶ui.

Hechos 14:23

Puurucha ãbarã tãed̶e chi ijãabadaurã nubadaurã b̶usid̶au. Maabae Dachi Akõremaa ʉtaa id̶id̶aped̶a, chiko kod̶akau ewari waud̶aped̶a chi Dachi Mechiud̶e ijãa panuurã ichi juad̶e b̶usid̶au.

Hechos 11:30

Mau chi nejarr peped̶aad̶akare, Bernabé maud̶e Saulomaa urubʉisid̶au chi Judead̶ebena ijãabadaurã nubadaurã baita.

1 Pedro 1:12

Maamina Dachi Akõreba kuitaabiad̶a ãchiba berreaped̶aad̶a ãchi baitawãe basii, maumaarã machi baita b̶uu. Ãchiba berreaped̶aad̶a jãabae chi bed̶ea bia Cristo ʉ̃rʉbena jaradeabadaurã dachimaa biꞌia kuitaabia panuu Dachi Akõre Jauri bajãad̶ebena bʉisiid̶eeba. Mau angelerã bid̶a kuitaa kʉ̃ria panuu.

Filemón 1:9

Maumaarã mʉʉba chi chuburia id̶iiruu bichi kʉ̃riad̶eeba maka waumera. Mʉ Pablo, chõra maud̶e jãabae Jesucristo kakua jʉ̃a b̶uuba,

Tito 1:5

Mʉʉba bichi Creta islad̶e b̶ʉisii dachiba waud̶ai b̶uu joma waumera. Mʉʉba jarad̶a kĩra ijãabadaurã nubadaurã puurucha b̶ukuase.

2 Timoteo 4:8

Mʉʉba jipa wau b̶uu baita Dachi Mechiuba mʉ baita boro jũra nu uru b̶uu. Ichiba jipa ichiabariid̶eeba mau boro jũra mʉʉmaa deai ichiba ichiaruud̶e. Maamina ab̶aburu mʉʉmaa deabai, maumaarã joma ichi neei ewari unu kʉ̃ria nureerãmaa deai.

1 Timoteo 5:19

Ab̶auba ijãabadaurã nubarii jidearuubʉrã, maamina ẽbẽra omeeba maebʉrã õbeaba ara mau kĩra jarad̶awẽebʉrã, mau bed̶ea ijãarã́se.

1 Timoteo 5:1

Chõrarã iadaarã́se, maumaarã bichi akõre ome berreabarii kĩra maarã ome sõbiad̶eeba berreáse ũrid̶amera. Kũudrãarãmaa berreáse bichi ãbarã ome berreabarii kĩra.

Filipenses 1:19

mʉʉba kuitaa b̶uud̶eeba mʉ namabena awara wãaruu, machiba Dachi Akõremaa ʉtaa id̶i panuud̶eeba maud̶e Jesucristoba dead̶a Jauriba aid̶a b̶uud̶eeba.

2 Corintios 5:1

Nau iujãad̶e dachi kakua ãrea dauchia jãaduad̶akaud̶eeba de ãnimara e wauped̶aad̶a kĩra b̶uu. Dachiba kuitaa panuu dachi biuduud̶e Dachi Akõreba dachimaa chi kakua biukau bajãad̶ebena deai. Ẽbẽrarãba mau biukau kakua waud̶akau.

Hechos 21:18

Norema Pablo dai ome Santiago ichiad̶e wãsid̶au. Ãbarã nubadaurã sid̶a joma aria duanasid̶au.

Hechos 20:28

»Dachi Akõreba ichi Warr oad̶eeba ẽbẽrarã ichi baita nedosii. Dachi Akõre Jauriba machi b̶usii ãbarã nu panad̶amera. Maud̶eeba ara machi du ab̶a ãrea kauwa panásturu maud̶e Dachi Akõred̶e ijãabadaurã joma nu panásturu.

Hechos 20:17

Mileto puurud̶e b̶uud̶e Pabloba Efesod̶ebena ijãabadaurã nubadaurã iubiasii.

Hechos 15:6

Maka chi Jesusba bʉid̶arã chi ijãabadaurã nubadaurã baara araa ãbua imisid̶au mau ʉ̃rʉbena berread̶ai baita.

Hechos 15:4

Jerusalend̶e neesid̶aud̶e chi ãbarã, chi Jesusba bʉid̶arã maud̶e chi ijãabadaurã nubadaurãba ãchi biꞌia irsibisid̶au. Pablo maud̶e Bernabeba joma Dachi Akõreba ãchiba judiowãerã tãed̶e wauped̶aad̶a nebʉrʉsid̶au.

Hechos 2:32

»Davidba jarad̶a kĩra Dachi Akõreba Jesús biu b̶uad̶a chokae jiradubisii. Joma daiba mau unusid̶au.

Hechos 1:8

Maamina Dachi Akõre Jauri machi baara b̶uad̶e neeruud̶e machiba ichi poyaabarii adaud̶ai. Mauba machiba Jerusalend̶e, joma Judea druad̶e, Samaria druad̶e maud̶e drua kaitawẽ nureed̶e mʉ ʉ̃rʉbena berread̶ai.

2 Corintios 5:8

Maka dachi jirukaraayuwãe maud̶e wapead̶awẽa panuu. Dachi nau kakuad̶ebena wã kʉ̃ria panuu Dachi Mechiu baara nuread̶ai baita.

Hechos 3:15

Maka machiba chi dachi Chokae Nibabiabarii beasid̶au. Maamina Dachi Akõreba ichi biui b̶uad̶a chokae jiradubisii. Mau chokae jiradud̶a unusid̶au.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

1 Pedro 4:13

Maumaarã Cristo biꞌiwãe b̶uasii kĩra ãrea biꞌiwãe panuud̶eeba kĩrajʉʉ panásturu. Maka Dachi Akõreba Cristo chi mechiu nii unubiaruud̶e machi ãrea kĩrajʉʉd̶ai.

3 Juan 1:1

Mʉ Chõrabʉ. Mʉʉba nau karta b̶ʉʉruu mʉ ãba Gayo baita. Mʉʉba bichi biawãra kʉ̃ria b̶uu.