1 Pedro 4:18 - Emberá Chamí

¹⁸ «Chi ẽbẽra jipa nii karibai baita chaarea b̶uubʉrã, ¿chi Dachi Akõre ida b̶uped̶a kachirua waubarii saka karibaima?»

1 Pedro 4:18 Referans Kwoze

Lucas 23:31

Ẽbẽrarãba mʉ, bakuru õto kĩra nii beaduubʉrã, chi bakuru põasãa kĩra duanuu ome ¿sãad̶aima?

1 Corintios 10:12

Maud̶eeba ab̶auba ãrea ijãa b̶uu kʉ̃risia b̶uubʉrã, ara ichi du ab̶a kauwa b̶uai b̶uu kachiruad̶e ida b̶aebiamaaba.

Romanos 1:18

Dachi Akõreba bajãad̶ebena kuitaabi b̶uu kachirua wau nuree maud̶e jipawãe nuree ichi kĩrubid̶eeba mau joma kastikai. Ãchiba kachirua wau panuud̶eeba chi biawãra bed̶ea ida kuitaabid̶akau.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

2 Pedro 3:7

Ara mau kĩra Dachi Akõre bed̶eaba nau iujãa maud̶e bajãa nu uru b̶uu maud̶e ichiba kastikai ewarid̶e tʉbʉchiad̶e baai. Mau ewarid̶e chi ichi kʉ̃riad̶akaurã nebʉra ichiaped̶a joma kastikai.

1 Pedro 5:8

Kauwa panásturu maud̶e kĩrabia panásturu. Jʉbawãe nii machi chi kĩramaabarii imama kĩra arraa niiba kai koi jʉrʉi.

Romanos 5:8

Maamina Dachi Akõreba dachi ãrea kʉ̃ria b̶uu unubiasii wabid̶a kachiruad̶e panuud̶e Cristo dachi kakua biusiid̶eeba.

Hebreos 4:1

Dachi Akõreba biawãra jara b̶uu dachi wabid̶a ichiba kʉrrjĩrubiaimaa poyaa wãd̶ai panuu. Maamina kauwa panásturu. Makawãebʉrã machid̶ebena ab̶a bid̶a aria wãabai.

Romanos 5:6

Dachiba ara dachi kachiruad̶ebena poyaa karibad̶awẽa panasid̶aud̶e ewari araa baaruud̶e Cristo dachi chi kachiruarã kakua biusii.

Hechos 27:24

Mauba mʉʉmaa jarasii: “Wapearã́se, Pablo. Bichi Romad̶ebena chi aude mechiu daad̶e berreai b̶uu. Bichi kakua, Dachi Akõreba joma nau jãbad̶e wãaduu ida kinibiabai”.

Lucas 15:1

Earab̶a Romad̶ebena baita chi nejarra pebadaurã maud̶e kachirua waubadaurã neesid̶au Jesusba jaradea b̶uu ũrid̶ai baita.

Hechos 27:31

Maamina Pabloba kokoroarã jaradea ua b̶uabariimaa maud̶e ichi kokoroarãmaa jarasii: «Jãarã jãba mechiud̶e paneeduuwãebʉrã machi kinid̶ai».

1 Timoteo 1:9

Nau kuitaad̶ai panuu: Dachi Akõreba mau Moisesba b̶ʉd̶a deabasii chi jipa nuree baita, maumaarã deasii chi Dachi Akõreba jara b̶uu kĩra waud̶akaurã baita, ũribabaswãe nuree baita, Dachi Akõreswãe nuree baita, kachirua wau nuree baita, Dachi Akõre wapead̶akau baita, chi nau iujãad̶ebenarã kĩra panabadaurã baita, ãchi akõrerã beabadau baita, mia beabadau baita,

Santiago 5:6

Machiba chi ẽbẽra jipa nii nebʉra barau ad̶aped̶a beasid̶au. Maud̶e mauba ne waubasii bearãad̶amera.