1 Pedro 4:15 - Emberá Chamí

¹⁵ Machi ãrea biꞌiwãe duanumina, nau kakua biꞌiwãe panad̶ai biawãe b̶uu: mia bead̶a kakua, nechiruad̶a kakua, kachirua waud̶a maebʉrã chĩara nebʉrad̶e b̶uad̶a kakua.

1 Pedro 4:15 Referans Kwoze

2 Tesalonicenses 3:11

Daiba ũri panuu waabenarã machid̶ebena koꞌoa nuree. Maarã trajad̶akau maumaarã waabenarã nebʉrad̶e panabadau.

1 Tesalonicenses 4:11

Maud̶e jʉrʉ́sturu jomaurã ome jirukaraayuwãe duanad̶ai baita. Waabenarã nebʉrad̶e panarã́sturu. Machi juaba trajásturu daiba jaraped̶aad̶a kĩra.

1 Timoteo 5:13

Mau awara ãchi decha nibabadau maud̶e koꞌoa paneebadau. Mau awara chi bed̶ea ãrea paneebadau, waabenarã nebʉrad̶e ed̶a wã paneebadau, maud̶e ne jaraabai b̶uu berrea paneebadau.

1 Pedro 3:17

Dachi Akõreba machi biꞌiwãe paneebiaruubʉrã, biꞌia b̶uu ãrea biꞌiwãe paneed̶ai biꞌia wau panuud̶eeba ãrea biꞌiwãe panad̶ai bad̶amaarã kachirua wau panuud̶eeba.

2 Timoteo 2:9

Mau jaradea b̶uu kakua mʉ ãrea biꞌiwãe b̶uu. Mʉ ẽbẽra kachirua kĩra kaenaba jʉ̃ uru panuu. Maamina Dachi Akõre bed̶ea jʉ̃ uru panuuwãema.

Mateo 5:11

Machi mʉ kakua ẽbẽrarãba kachirua jaraaduubʉrã, kachirua wauduubʉrã maud̶e machi ʉ̃rʉbena setaa barikiu kachirua jaraaruud̶e, biꞌia panuu.

1 Pedro 3:14

Maamina biꞌia wau panuud̶eeba ãrea biꞌiwãe duanuubʉrã, Dachi Akõre daad̶e ãrea biꞌia nuread̶ai. Maud̶eeba chi machi kachirua wauduu wapearã́sturu. Ãrea jirukaraarã́sturu.