1 Pedro 2:17 - Emberá Chamí

¹⁷ Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.

1 Pedro 2:17 Referans Kwoze

Romanos 12:10

Biawãra kʉ̃riad̶eeba chiya kʉ̃ria panásturu. Kʉ̃risia sõbiad̶eeba chiya wapeadee panásturu maud̶e waabenarã ʉ̃rʉbena biꞌia kʉ̃risiásturu.

Romanos 13:7

Jomaurãmaa deásturu machiba ãchicha dead̶ai panuu kĩra. Machi jaradea ua b̶uabadaurãmaa chi nejarra dead̶ai panuu deásturu. Machiba wapeadee panad̶ai panuu wapeadee panásturu. Machiba chi biꞌia jarad̶ai panuurãmaa biꞌia jarásturu.

1 Pedro 5:5

Kũudrãarã, chõrarãba jaraaduu ijã́sturu. Jomaurã chiya aid̶a nuread̶ai panuu waabena audeara chi mechiu nii kʉ̃risiad̶awẽa. Dachi Akõre bed̶ead̶e naka b̶ʉ kub̶uu: «Chi nejuakaya nuree Dachi Akõreba ida biꞌia b̶uabiakau. Maamina chi mechiu kʉ̃risiawẽa nuree Dachi Akõreba ichi sõbiad̶eeba aid̶abarii».

Hebreos 13:1

Machi ãbarã baerã chiya kʉ̃ria panásturu.

Filipenses 2:3

Waabenarã audeara biꞌia nuree kʉ̃risia panuud̶eeba ne ab̶a bid̶a waurã́sturu. Maud̶e waurã́sturu machi báitaburu biꞌia nuread̶ai baita. Maumaarã kʉ̃risiásturu waabenarã machi audeara biꞌia nuree.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Timoteo 6:1

Cristod̶e ijãa panuu baita bari trajabadaurãba ãchi chibari wapea panad̶ai panuu. Maka waabenarãba kachirua jarad̶aabai Dachi Akõre maud̶e dachiba jaradeabadau ʉ̃rʉbena.

2 Corintios 7:1

Ãbarã, Dachi Akõreba dachimaa mau joma waui asiid̶eeba nau kakuaba kachirua waubarii maud̶e dachi kʉ̃risiad̶eeba waubarii joma ida b̶ud̶ai panuu. Dachi Akõre ãrea wapea panuud̶eeba ichi baita biꞌia nuread̶ai panuu.

Mateo 22:21

Ãchiba panausid̶au: —Romad̶ebena chi aude mechiu niid̶e. Maabae Jesusba jarasii: —Maka b̶uubʉrã deásturu Romad̶ebena chi aude mechiu niimaa chi mauba id̶iiruu, maud̶e ara mau kĩra deásturu Dachi Akõremaa chi mauba id̶iiruu.

Efesios 5:21

Cristo wapea panuud̶eeba arab̶aud̶e chiya ijã́sturu.

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

1 Pedro 2:13

Dachi Mechiu Jesucristo baita joma nau iujãad̶ebena karrarã bed̶ea ijã́sturu. Nau iujãad̶ebena karrba jaraaruu ijã́sturu ichi chi mechiu niid̶eeba.