1 Pedro 2:16 - Emberá Chamí

¹⁶ Machi jʉ̃ uru panad̶a kĩra b̶uud̶ebena Cristoba machi enakoasiid̶eeba, mau kĩra nibásturu. Maamina maka b̶usiid̶eeba kʉ̃risiarã́sturu kachirua waud̶ai panuu. Maumaarã Dachi Akõre baita bari trajabadaurã panásturu.

1 Pedro 2:16 Referans Kwoze

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

Romanos 6:22

Jãabae machi kachiruad̶ebena ena wãsid̶aud̶eeba Dachi Akõre baita bari trajabadaurã paneesid̶au. Maka Dachi Akõre baita biꞌia paneesid̶au. Maud̶eeba ichi baara ewaricha chokae panad̶ai.

1 Corintios 7:22

Chi chibari baita bari trajabarii Dachi Akõreba iud̶a Dachi Mechiuba kachiruad̶ebena karibasii ichi baita ne wau b̶uamera. Maud̶e chi chibari baita bari trajabariiwãe, jãabae Cristo baita bari trajabariibʉ.

Romanos 6:18

Machi kachiruad̶ebena ena paneed̶aped̶a Dachi Akõre baita bari trajabadaurã paneesid̶au jipa waud̶ai baita.

Gálatas 5:1

Cristoba dachi karibasii ena duanad̶amera. Mau ãrea ijãa panásturu. Waya chibari baita bari trajabadaurã kĩra nurearã́sturu.

Santiago 1:25

Maamina barikiuba Dachi Akõre bed̶ea ũrid̶a kĩraba b̶uai ida b̶uwẽebʉrã, ãrea biꞌia b̶uai. Ẽbẽraba mau bed̶ea jipa b̶uu dachi kariba b̶uu ewaricha biꞌia kʉ̃risiaped̶a wau b̶uubʉrã, ichiba maka wau b̶uud̶eeba ãrea biꞌia b̶uai.

Santiago 2:12

Kauwa berreásturu maud̶e jipa wáusturu, Dachi Akõreba chi dachi enabarii leyba dachi nebʉra ichiaid̶eeba.

Efesios 6:6

Ichiba ichia b̶uud̶éburu maka waurã́sturu, ichi ome biꞌia nuread̶ai baita. Maumaarã sõd̶eeba wáusturu, machi Cristo baita bari trajabadaurãd̶eeba. Dachi Akõreba maka kʉ̃ria b̶uu.

2 Pedro 2:19

Maarã jarabadau ijãaduubʉrã, biꞌia paneed̶ai abadau, chi chibari baita bari trajabarii ichi chibari juakaa miru wãaruu kĩra. Maamina kachirua poyaa ida b̶ud̶akaud̶eeba biꞌia paneebai. Mauba ãchi kachirua baita bari trajabadaurã babiai. Biawãra barikia kachirua poyaa ida b̶ud̶aabaibʉrã, dachi mau baita bari trajabadaurãbʉ.

Colosenses 3:24

Machi Dachi Mechiu Cristo baita bari trajabadaurãbʉ. Machiba kuitaa panuu ichi baita biꞌia wau panuud̶eeba, ichiba machimaa chi adaud̶ai panuu deai.

Mateo 23:13

»¡Machi fariseorã, Moisesba b̶ʉd̶a jaradeabadaurã, setaa ẽbẽra bia nuree abadau, miichuburi nuree Dachi Akõreba kastikaid̶eeba! Machiba ẽbẽrarãmaa ida kuitaabiad̶akau Bajãad̶e B̶uuba ichid̶irã ichi juad̶e ua b̶uu ʉ̃rʉbena. Ichi juad̶e panad̶ai kʉ̃riad̶awẽa panuu maud̶e chi aria duanad̶ai kʉ̃ria panuurã ida b̶ud̶akau.

Judas 1:4

Maka b̶ʉ b̶uu june ãbarã kĩra nuree machi tãed̶e duanuud̶eeba. Maarã ẽbẽrarãba setaa jaradeabadau Dachi Akõreba ichi sõbiad̶eeba dachi karibakuasiid̶eeba dachi kakuaba kachirua wau kʉ̃ria b̶uu poyaa waud̶ai panuu. Maarãba Dachi Mechiu ab̶a nii Jesucristo ida b̶ubadau. Eskareed̶eed̶e b̶ʉ kub̶uu Dachi Akõreba ãchi kastikai ʉ̃rʉbena.

1 Tesalonicenses 2:5

Machiba kuitaa panuu daiba setad̶eeba machi ẽbẽrarã biꞌia nuree ad̶aabasii. Maud̶e chi nejarra adoed̶ai baita setad̶eeba jaradead̶aabasii. Mau Dachi Akõreba kuitaa b̶uu.

Juan 15:22

»Mʉʉba ãchimaa jarad̶e need̶awãe basirã ãchi kachirua wauped̶aad̶a kakua nebʉrad̶e nuread̶aabai basii. Maamina mʉ bed̶ea ũrisid̶aud̶eeba, ãchiba kachirua wau panuu kakua mau adua panasii ad̶ai.