1 Pedro 2:1 - Emberá Chamí

¹ Maud̶eeba waabenarãmaa kachirua waud̶ai ida b̶ústuru. Waabenarãmaa setaa jararã́sturu. Chi nureeba ara ãchiba jarabadau kĩra waud̶akau. Mau ẽbẽrarã kĩra panarã́sturu. Waabenarãba uru panuu kakua, kachirua kʉ̃risiarã́sturu. Waabenarã ʉ̃rʉbena kachirua jararã́sturu.

1 Pedro 2:1 Referans Kwoze

Efesios 4:31

Machiba joma ab̶au ʉ̃rʉbena sõd̶e kachirua kʉ̃risiabadau, sõd̶eeba kĩrubadau, oa kachirua berreabadau, kĩrud̶eeba berreabadau, waabenarã ʉ̃rʉbena setaa jarabadau maud̶e waabenarã kachirua waud̶ai kʉ̃risiabadau joma ida b̶ústuru.

Santiago 1:21

Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.

Santiago 4:11

Ãbarã, waabenarã ʉ̃rʉbena kachirua jararã́sturu. Ab̶auba ichi ãba ʉ̃rʉbena kachirua jaraaruubʉrã maebʉrã jidearuubʉrã, Moisesba b̶ʉd̶a ʉ̃rʉbena kachirua jara b̶uu, maud̶e mau Moisesba b̶ʉd̶a jidea b̶uu. Ab̶auba Moisesba b̶ʉd̶a maka jideai kʉ̃risia b̶uubʉrã, mau Moisesba b̶ʉd̶ad̶e jara b̶uu wauwẽa b̶uu. Moisesba b̶ʉd̶ad̶e jara b̶uu audeara ichi waabenarã nebʉra ichiabarii b̶eesii.

1 Pedro 3:10

Dachi Akõre bed̶ead̶e naka b̶ʉ kub̶uu: «Ab̶a kĩrajʉʉ b̶uai kʉ̃ria b̶uubʉrã, ichi kẽrame nui b̶uu kachirua berrearãamera. Ewari ãrea biꞌia b̶uai kʉ̃ria b̶uubʉrã, ichi okarr nui b̶uu, setaa jararãamera.

1 Pedro 4:4

Jãabae machiba waa chi Dachi Akõred̶e ijãad̶akaurã ome kachirua waud̶akaud̶eeba ãchiba kuitaa kʉ̃risiad̶akau. Maud̶eeba machi ʉ̃rʉbena kachirua berreabadau.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

Santiago 5:9

Ãbarã, waabena ʉ̃rʉbena kachirua jararã́sturu, Jesucristoba machi ichiarãamera. Jesucristo dachi nebʉra ichiabarii kãꞌãabariwãed̶e neei.

Hebreos 12:1

Mau ẽbẽrarã ãreaba Dachi Akõred̶e maka biawãra ijãasid̶aud̶eeba, dachia bid̶a ara mau kĩra ijãa panad̶ai panuu. Chi dachimaa ida ijãabiakau maud̶e ara dachiba kachirua waubadauba dachi b̶ʉra uru b̶uabarii ãyaa b̶ud̶aped̶a, maabae joma dauchia jãadua panuud̶eeba wã́duru chi need̶ai panuumaa bad̶ai baita.

1 Timoteo 3:11

Ara mau kĩra wẽrarã sid̶a jipa nibad̶ai panuu ẽbẽrarãba wapead̶amera. Waabenarã ʉ̃rʉbena ãrea kachirua berread̶aabai panuu. Kauwa nibad̶ai baita panuu maud̶e jomad̶e jipa nuread̶ai panuu.

1 Pedro 2:22

Cristoba kachirua wauka basii maud̶e setaa jaraka basii.

Tito 2:3

Maud̶e chõodraarãmaa jaradease Dachi Akõre daad̶e jipa nuread̶amera, waabenarã ʉ̃rʉbena setaa jararãad̶amera maud̶e itua biu nibarãad̶amera. Maumaarã ne joma biꞌia jaradead̶ai panuu.

1 Corintios 14:20

Ãbarã, warr chekerã kĩra panásturu. Ãchiba kachirua ãrea adua panuu. Maamina Dachi Akõre Jauriba waubi b̶uu ʉ̃rʉbena chõrarã kĩra kʉ̃risia panásturu. Waa warr chekerã kĩra kʉ̃risiarã́sturu.

Romanos 1:29

Ne joma kachirua waubadau. Mia pera b̶uu waubadau, ne joma uru panad̶ai kʉ̃riabadau, waabenamaa kachirua waubadau, waabenarãba uru panuu kakua kachirua kʉ̃risiabadau, mia beabadau, berreayaa panabadau, waabenarã setaa kũruabadau maud̶e waabenarã ʉ̃rʉbena kachirua kʉ̃risiabadau.

Lucas 6:42

Bakuru waib̶ʉa bichi daud̶e b̶uu unuwẽebʉrã ¿sakaburu ab̶aumaa naka jaraima: “Nejarr bichi daud̶e b̶uu mʉʉba aub̶arii”? ¡Bichi setaa ẽbẽra bia nii abarii! Naa bakuru waib̶ʉa bichi daud̶e b̶uu aub̶arise. Maka poyaa unui nejarr ab̶au daud̶e b̶uu aub̶arii baita. Ara mau kĩra bichiba kachirua wau b̶uu ida b̶use. Makaburu waabenarã poyaa aid̶ai.

Mateo 23:28

Ara mau kĩra machi ẽbẽra daumaarã jipa nuree kĩra nuree, maamina biawãra machiba jaradeabadau waud̶akau. Maud̶e ed̶are machi ãrea sõ kachirua nuree.

Mateo 7:5

¡Bichi setaa ẽbẽra bia nii abarii! Naa bakuru waib̶ʉa bichi daud̶e b̶uu aub̶arise. Maka poyaa unui nejarr ab̶au daud̶e b̶uu aub̶arii baita. Ara mau kĩra bichiba kachirua wau b̶uu ida b̶use. Makaburu waabenarã poyaa aid̶ai.

2 Corintios 12:20

Mʉʉba wapea b̶uu machimaa wãped̶a machi unuubai mʉʉba unu kʉ̃ria b̶uu kĩra. ¡Maud̶e machiba mʉ unud̶aabai machiba kʉ̃ria panuu kĩra, machi iadaaid̶eeba! Biawãra mʉʉba wapea b̶uu unud̶e wãi machi oa kachirua berrea panuu, waabenarãba ne uru panuu kakua kĩra kachirua panuu, kĩru panuu, ara machi biꞌia panad̶ai baita jʉrʉ panuu, waabenarã ʉ̃rʉbena oa kachirua berrea panuu, waabenarã ʉ̃rʉbena setaa jara panuu, chi aude mechiu nii kʉ̃risia panuu, maud̶e kĩrubika bara b̶uu.

Apocalipsis 14:5

Maarãba b̶es ab̶a bid̶a setaa jarad̶akau. Bari kachiruaswãe nuree.

1 Pedro 2:16

Machi jʉ̃ uru panad̶a kĩra b̶uud̶ebena Cristoba machi enakoasiid̶eeba, mau kĩra nibásturu. Maamina maka b̶usiid̶eeba kʉ̃risiarã́sturu kachirua waud̶ai panuu. Maumaarã Dachi Akõre baita bari trajabadaurã panásturu.

Santiago 4:5

Dachi Akõreba dachi sõd̶e b̶ud̶a Jauriba kʉ̃ria b̶uu Dachi Akõréturu kʉ̃ria panad̶amera. ¿Machiba kʉ̃risia panuka Dachi Akõre bed̶ead̶e bari ara jãka b̶ʉbisii?

Santiago 3:14

Maamina ab̶auba chi uru b̶uu kakua maebʉrã chi wau b̶uu kakua jiwaa duanuubʉrã, maud̶e waabenarã aude biꞌia nuread̶ai baita jʉrʉduubʉrã, jararã́sturu machi ne kuitaa nuree. Maka jaraaduubʉrã, chi biawãra bed̶ea ida b̶u panuu.

1 Tesalonicenses 2:3

Daiba machimaa biawãrawãe jaradeabadau ijãarãad̶amera id̶id̶aabasii. Maud̶e machi tãed̶e setad̶eeba panuuwãe basii, machi setaa kũruad̶ai baita.

1 Corintios 5:8

Jãabae pan ẽesãabibariiwãe b̶uu kobadau kĩra, kʉ̃risia sõbiad̶eeba maud̶e biawãrad̶eeba nibad̶ai panuu. Masa ẽesãabibarii chõra kĩra b̶uud̶eeba waa maka nibad̶aabai panuu. Waabenarã kĩramaa b̶uud̶eeba maud̶e kachirua wau b̶uud̶eeba waa maka nibad̶aabai panuu.

Juan 1:47

Jesusba Natanael ichimaa neeruu unusiid̶e, jarasii: —¡Ichiásturu! Nau biawãra israeld̶ebenabʉ. Ichiba ab̶a bid̶a setaa kũruakau.

Lucas 11:44

»¡Miichuburi nuree Dachi Akõreba kastikaid̶eeba! Machi jau b̶ubadaumarebena kĩra nuree. Chi ʉyaabadaumarebena mo ʉ̃rʉbena chi ʉ̃rʉ wãaduuba adua panuu biud̶a ʉ̃rʉ tʉa panuu. Ara mau kĩra machiba waubadau, ẽbẽrarã machi baara wãbadau maamina maarãba kachirua waubadau adua panuu.

Lucas 12:1

Maka panuud̶e ẽbẽra ãrea pĩchuka kob̶eesii. Ãrea pĩchuka kub̶uud̶eeba waabenarã jʉ̃rʉ ʉ̃rʉ tʉabachid̶au. Maud̶e Jesusba naa ichi baara nibabadaurãmaa naka jarasii: «Fariseorã masa ẽesãabibarii kauwa panásturu. Ara ãchiba jarabadau kĩra waud̶akau.

Marcos 12:15

Jesusba ãchi ẽbẽrarã chi jipa kĩra nuree kuitaasiid̶e, naka jarasii: —Machiba ¿sakãe mʉ kachirua berreabid̶ai kʉ̃ria panuma? Sẽetao dachiba paabadau ab̶a unubiásturu.

Mateo 24:51

Maabae chi chibariba ãrea kastikaped̶a chi setaa ẽbẽra bia nuree abadau ome jʉ̃a bʉikai. Aria jomaurã kĩra nomaa jẽa panad̶ai maud̶e chi puaba kid̶a kʉrrʉa ko panad̶ai.

Mateo 15:7

¡Machi setaa ẽbẽra bia nuree abadau! Chi Dachi Akõre baita berreabarii Isaiasba machi ʉ̃rʉbena arakʉd̶e b̶ʉsii. Naka jarasii: