1 Pedro 1:22 - Emberá Chamí

²² Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

1 Pedro 1:22 Referans Kwoze

1 Timoteo 1:5

Mʉʉba maka jara b̶uu ãbarã kʉ̃risia sõbiad̶eeba, biawãra Dachi Akõred̶e ijãa panuud̶eeba chiya kʉ̃ria duanad̶amera.

Hebreos 13:1

Machi ãbarã baerã chiya kʉ̃ria panásturu.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

Santiago 4:8

Dachi Akõre kaita nésturu, makarã ichi machi kaita neei. Machi chi kachirua waubadaurã, ¡machi jua jeraaduu kĩra waa kachirua waurã́sturu! Machi kʉ̃risia ome uru nuree, ¡kʉ̃risia kachirua ida b̶ud̶aped̶a Dachi Akõréturu kʉ̃risiásturu!

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

2 Tesalonicenses 1:3

Ãbarã, daiba ewaricha machi baita Dachi Akõréturu kid̶ibai abadau. Daiba maka waubadau biꞌia b̶uu. Machiba ewaricha Cristo biꞌia ijãa panuu maud̶e biꞌia chiya kʉ̃ria panuu.

1 Tesalonicenses 3:12

Daiba kʉ̃ria panuu Dachi Mechiuba machi aid̶a b̶uai jomaurã ome biꞌia chiya kʉ̃ria panad̶amera daiba machi ãrea kʉ̃ria panuu kĩra.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

1 Pedro 2:17

Jomaurã wapeásturu. Ãbarã ãrea kʉ̃riásturu. Dachi Akõre wapeásturu. Nau iujãad̶ebena karr chi mechiu sid̶a wapeásturu.

Hechos 15:9

Dachi Akõreba dachi ãchi ome kĩra aꞌawaraa waubasii. Ãchiba ijãasid̶aud̶e ãchi sõ jeraasii.

1 Juan 3:11

Chi machiba ijãasid̶aud̶eed̶ebena ũri panuu bed̶ea naubʉ: dachi chiya kʉ̃ria nuread̶ai panuu.

2 Pedro 1:7

Dachi Akõreba kʉ̃ria b̶uu kĩra panuud̶e jʉrʉ́sturu ãbarã kʉ̃riad̶ai baita; ãbarã kʉ̃ria panuud̶e jʉrʉ́sturu jomaurã kʉ̃riad̶ai baita.

Filipenses 1:9

Mʉʉba Dachi Akõremaa ʉtaa id̶i b̶uu machi ãrea chiya kʉ̃ria nuread̶amera, ichi biꞌia kuitaad̶amera maud̶e saka nibad̶ai panuu kuitaad̶amera.

Efesios 4:3

Dachi Akõre Jauriba machi jirukaraayuwãe nureabiai b̶uud̶eeba, ne joma biꞌia wáusturu biawãra ãbua nuread̶amera.

Gálatas 5:5

Maamina dachiba Cristod̶e ijãa panuud̶eeba Dachi Akõre Jaurid̶eeba biawãra kuitaa panuu Dachi Akõreba dachi chi jipa nureerã baara b̶ui.

Apocalipsis 2:4

Maamina mʉʉba nau miadaa unu b̶uu: chi kʉ̃ria machiba naed̶e uru panad̶a id̶i jãabae ãrea uru panuuwãe.

1 Pedro 4:17

Jãabae Dachi Akõreba ichid̶irã nebʉra ichiai. Dachi Akõreba dachi naa ichiaruubʉrã, ¿chi bed̶ea bia Dachi Akõre ʉ̃rʉbena ijãawẽa nuree saka panad̶aima?

1 Pedro 4:8

Ãrea chiya kʉ̃ria panásturu. Mau jomad̶ebena audeara bibuara b̶uu. Chi waabenarã kʉ̃ria uru b̶uuba ãchi kachirua ãrea kʉde uru b̶uad̶a ida b̶ubarii.

Hebreos 11:8

Dachi Akõreba Abrahammaa jarasii ichiba deai jarad̶a druad̶aa wãmera. Abrahamba Dachi Akõred̶e ijãasiid̶eeba samaa wãaruu adua b̶umina ichi drua b̶ʉiped̶a wãsii.

Hebreos 9:14

Maka baibʉrã, ¿Cristo oaba dachi biꞌia b̶uwẽka? Cristo kachiruaswãe nibasii. Dachi Akõre Jauri biukauba karibasiid̶eeba ara ichi ida beabisii ãnimara Dachi Akõremaa baa dearuu kĩra. Kachirua wau panuu kakua dachi biud̶ai panasid̶au. Maamina Cristoba ara ichi ida beabisiid̶eeba dachiba kachirua wauped̶aad̶a Dachi Akõreba perdonaped̶a dachi kʉ̃risia jipa b̶usii. Maka chi Dachi Akõre chokae niiba kʉ̃ria b̶uu, mau dachiba poyaa waud̶ai.

Hebreos 6:10

Dachi Akõre jipa niid̶eeba machiba biꞌia wau panuu maud̶e ichi kʉ̃ria panuu kʉde uru b̶uu ida b̶uubai. Ẽbẽrarã ichid̶irã aid̶a panuud̶eeba machiba unubisid̶au ichi kʉ̃ria panuu. Maud̶e wabid̶a maarã aid̶a panuu.

2 Corintios 6:6

Dai jipa nibaped̶aad̶ad̶eeba, biawãra kʉ̃risia kuitaad̶eeba, joma dauchia jãadua panuud̶eeba, sõbiad̶eeba, Dachi Akõre Jauri dai sõd̶e b̶uud̶eeba, biawãra kʉ̃riad̶eeba, chi biawãra bed̶ea jaradea panuud̶eeba, maud̶e Dachi Akõre poyaaba maka unubi panuu. Dai jipa panuud̶eeba kachirua poyaabadau maud̶e ara mau jipa panuud̶eeba daiba chi kachiruamaa ida poyaabid̶akau.

Juan 15:17

Waya mʉʉba machimaa jaraaruu: Chiya kʉ̃riásturu.

1 Pedro 3:1

Wẽra kima barau nuree, machi kima bed̶ea ijã́sturu. Maka chi nuree machi kimad̶ebenarãba Dachi Akõre bed̶ea ijãad̶awẽa panumina machi kĩra jipa nuree maud̶e Dachi Akõre wapea nuree unud̶aped̶a ijãad̶ai. Machiba machi kimamaa ijãad̶amera jarad̶awẽa panumina machiba biꞌia wau panuud̶eeba ijãabid̶ai.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

2 Timoteo 1:14

Dachi Akõre Jauri dachi sõd̶e b̶uu. Maud̶eeba chi biawãra bed̶ea Dachi Akõreba bichimaa dead̶a ãrea nu b̶uase.

1 Timoteo 5:2

Chõodraarãmaa berreáse bichi nawe ome berreabarii kĩra. Awẽrarãmaa berreáse bichi neekau ome berreabarii kĩra. Maarã baara joma kachiruad̶ebena awara b̶uase.

1 Timoteo 4:12

Bichi kũudrãa b̶umina ab̶aumaa bid̶a ida kabirã́se. Maumaarã bichiba berrearuud̶eeba, ne wau b̶uud̶eeba, waabenarã biawãra kʉ̃ria b̶uud̶eeba, kĩra jipa b̶uud̶eeba, maud̶e Cristod̶e ijãa b̶uud̶eeba ãbarãmaa unubiáse saka panad̶ai panuu.

1 Timoteo 1:3

Mʉʉba bichimaa chi chuburia id̶id̶a kĩra Macedonia druad̶aa wãsiid̶e, maucha jaraaruu: Efesod̶e b̶eese, chi ãyaa jaradeabadaurã waa setaa ida jaradeabiarãad̶amera.

2 Tesalonicenses 2:13

Ãbarã, daiba ewaricha machi baita Dachi Akõremaa ichíturu kid̶ibai abadau. Dachi Mechiuba machi kʉ̃ria b̶uu. Ichiba arab̶aed̶eed̶e machi jʉrʉ adausii karibai baita. Machiba ichi bed̶ea biawãra ijãa panuud̶eeba maud̶e ichi Jauriba machi ichi baita biꞌia b̶ud̶ad̶eeba aid̶ai.

Gálatas 3:1

Ãbarã Galacia druad̶ebenarã, ¡machi kʉ̃risiaswãe nureerã! ¿Kaiba machi setaa kũruasii chi biawãra bed̶ea ida b̶ud̶amera? Daiba machimaa joma chi Jesucristo cruzd̶e biu b̶uad̶a ʉ̃rʉbena jaradeabachid̶au.

Gálatas 5:7

Machiba biawãra chi bed̶ea bia ijãa panasid̶au. ¿Kaiba waa joesma machiba mau bed̶ea ida b̶ud̶amera?

Romanos 8:13

Machi nau kakuaba wau kʉ̃ria b̶uud̶eeba nibaaduubʉrã biud̶ai. Maamina chi nau kakuaba kachirua wau kʉ̃ria b̶uu Dachi Akõre Jaurid̶eeba ida b̶uuduubʉrã, Dachi Akõre ome chokae panad̶ai.

Romanos 2:8

Maamina chi nureerãba waabenarã audeara biꞌia panad̶ai baita jʉrʉbadau. Maud̶eeba chi biawãra bed̶ea ijãad̶ai kʉ̃riad̶akau kachiruad̶e panad̶ayua. Mau ẽbẽrarã Dachi Akõreba ichi kĩru kub̶uuba ãrea kastikai.

Romanos 1:5

Jesucristod̶eeba Dachi Akõreba mʉ b̶usii ichiba bʉid̶a b̶uamera. Ichid̶eeba maka b̶usii joma druachabenarãba Jesucristod̶e ijãad̶amera, ichi bed̶ea waud̶amera maud̶e ichimaa biꞌia berread̶amera.

Juan 17:17

Bichi bed̶eaba bichi biawãra saka nii kuitaabia b̶uu. Maud̶eeba maarã bichi baita duanuse.

Juan 15:3

Mʉ bed̶ea ijãabadaud̶eeba machi chi bakuru jua kauwa tarikuad̶a kĩra nuree.

Hechos 6:7

Maud̶e ãbarãba Dachi Akõre bed̶ea aude jarasid̶au. Maka chi Jesusd̶e ijãabadaurã Jerusalend̶e maucha aude baraasii. Mau awara ãrea paarerã bid̶a ijãasid̶au.

Juan 17:19

Maarã kakua mʉ bichimaa dearuu. Machi baita makaaruu, maarãba ara ãchi chi biawãra bichimaa dead̶amera.

Santiago 1:21

Maud̶eeba ne joma kachirua maud̶e ne joma jipawãe b̶uu ida b̶ústuru. Maabae Dachi Akõreba ichi bed̶ea machi sõd̶e b̶ud̶a kʉ̃risia biad̶eeba ijã́sturu. Ara mau bed̶eaba machi Dachi Akõreba kastikaid̶ebena karibai.

1 Pedro 1:2

Dachi Bajãad̶ebena Akõreba machi adausii ichiba naed̶e makai kʉ̃risia b̶uad̶a kĩra. Dachi Akõre Jauriba machi ichi baita b̶usii Jesucristod̶e ijãad̶amera maud̶e ichi oad̶eeba Dachi Akõre daad̶e kachiruaswãe nuread̶amera. Mʉʉba kʉ̃ria b̶uu Dachi Akõreba ichi sõbiad̶eeba machi aid̶a b̶uamera maud̶e jirukaraayuwãe b̶uabiamera.

1 Pedro 3:20

Maarã jaurirãba nabẽraed̶e Noé ewarid̶e Dachi Akõre bed̶ea ijãad̶aabasii. Noeba jãba mechiu wau b̶uumisa Dachi Akõreba joma dauchia jãadua b̶uud̶eeba esed̶au b̶uasii ãchiba ijãad̶amera. Maamina ẽbẽra b̶aꞌãra bania birud̶ad̶ebena paneesid̶au. Biawãra jaraaruubʉrã, 8buru karibasii.