1 Juan 5:1 - Emberá Chamí

¹ Jesús Dachi Akõreba Dachi Karibabarii deai jarad̶a ab̶auba ijãaruubʉrã, mau ẽbẽra Dachi Akõre warrbʉ. Dachi Bajãad̶ebena Akõre kʉ̃ria b̶uuba ichi warrarã sid̶a kʉ̃ria b̶uu.

1 Juan 5:1 Referans Kwoze

1 Juan 2:29

Machiba kuitaa panuu Jesucristo jipa nii. Maud̶e kuitaa panuu chi joma jipa wau nuree, Dachi Akõre warrarãbʉ.

Juan 8:42

Jesusba jarasii: —Dachi Akõre machi Akõre basirã, machiba mʉ biawãra kʉ̃riad̶ai basii, Dachi Akõred̶eeba neeped̶a nama b̶uud̶eeba. Mʉ ara michi kʉ̃ria neebasii. Ichiaburu bʉisii.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 3:14

Dachiba ãbarã kʉ̃ria panuud̶eeba kuitaa panuu dachi biu panad̶a chokae paneesid̶au. Chi ichi ãba kʉ̃riawẽa b̶uu wabid̶a biu nub̶uu.

1 Juan 5:4

Joma Dachi Akõre warrarãba nau iujãad̶ebena kachirua ida b̶ubadau. Biawãra dachiba Jesucristod̶e ijãa panuud̶eeba mau poyaa ida b̶ud̶ai.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

1 Juan 3:9

Chi Dachi Akõre wãwa adaud̶a kĩra niiba kachirua waukau, Dachi Akõre chokae nibabiabarii ichid̶e b̶eebariid̶eeba. Dachi Akõred̶ebena neesiid̶eeba kachirua poyaa wau b̶uakau.

Juan 3:3

Jesusba ichimaa jarasii: —Mʉʉba bichimaa biawãra jaraaruu: wãwa adaubarii kĩra, waya chiwid̶i b̶eewẽebʉrã, Dachi Akõre juad̶e poyaa b̶uabai ichid̶irã baara.

Mateo 16:16

Simón Pedroba panausii: —Bichi Dachi Akõreba Dachi Karibabarii deai jarad̶a, Dachi Akõre chokae b̶uu Warrbʉ.

1 Juan 2:10

Chi ichi ãba kʉ̃riabarii ʉ̃d̶aad̶e b̶uu maud̶e ichi sõd̶e wãꞌãe kachiruad̶e b̶aebii baita.

Juan 15:23

Ab̶auba mʉ kĩramaa b̶uubʉrã mʉ Chacha sid̶a kĩramaa b̶uu.

1 Juan 4:2

Naka machiba kuitaad̶ai kai Dachi Akõre Jaurid̶eeba berrea b̶uu: ab̶aba Jesucristo nau kakuad̶e biawãra neesii aaruubʉrã, Dachi Akõre Jaurid̶eeba berrea b̶uu.

1 Pedro 1:3

Dachi Mechiu Jesucristo, dachi Bajãad̶ebena Akõremaa biꞌia berread̶ai panuu. Ichiba dachi ãrea kĩra chuburiasiid̶eeba Jesucristo biu b̶uad̶a chokae jiradusiid̶eeba dachi waya chokae duaneebiasii. Maud̶eeba kuitaa panuu

Santiago 1:18

Ichi kʉ̃riad̶eeba ichi bed̶ea biawãrad̶eeba dachi chokae b̶uabiasii. Maka ne uu nub̶uud̶ebena nabena chaud̶a ichimaa dead̶a kĩra dachi joma ichiba waud̶ad̶ebena ichi baita biꞌia panuu.

Juan 6:69

Daiba bichi bed̶ea biawãra ijãa panuu, maud̶e daiba biawãra kuitaa panuu bichi Dachi Akõreba Bʉid̶a Jipa Nii.

1 Juan 3:17

Chi nau iujãad̶e chi nejarr barau niiba chi nejarr barauwãe nii ãba unu b̶uu aid̶awẽebʉrã, ¿Dachi Akõreba chi kʉ̃ria ichi sõd̶e uru b̶uka? Uru b̶uuwãe.

Hechos 8:36

Maka panuud̶e bania b̶uumare wãsid̶au. Maud̶e chi trajabarii mechiuba jarasii: —Ichiáse. Nama bania nub̶uu. ¿Kãareba mʉ poyaa boro eabiibai b̶uma? Mʉ ¿boro eai b̶uka?

Juan 1:3

Ichid̶eeba Dachi Akõreba joma wausii. Ichiwãe Dachi Akõreba ab̶a bid̶a waubai basii.

1 Juan 5:5

¿Kaiba nau iujãad̶ebena kachirua poyaa ida b̶uima? Ab̶auba Jesús biawãra Dachi Akõre Warr ijãad̶e b̶uubʉrã, mau ẽbẽraba mau poyaa ida b̶ui.

1 Juan 5:18

Dachiba kuitaa panuu Dachi Akõre warrarãba kachirua wau panad̶akau, Dachi Akõre Warr Jesucristoba ãchi nu ua b̶uud̶eeba. Mauba jʉbawãe niiba ãchi kachirua poyaa waukau.

Lucas 7:5

Ichiba dachi judiorã ãrea kʉ̃ria b̶uud̶eeba dachi judiorã araa ãbua imibadau de waubisii».

Hechos 8:37

Felipeba jarasii: —Bichiba Jesús Dachi Akõre Warr biawãra sõd̶eeba ijãa b̶uubʉrã, boro eai b̶uu. Maud̶e chi trajabarii mechiuba panausii: —Mʉʉba biawãra ijãa b̶uu Jesucristo Dachi Akõre Warr nii.