1 Juan 4:12 - Emberá Chamí

¹² Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

1 Juan 4:12 Referans Kwoze

Juan 1:18

Ab̶au bid̶a Dachi Akõre unud̶akau. Maamina chi Warr ab̶aburu nii Dachi Akõred̶eeba maud̶e chi Akõre ome ãbua b̶uud̶eeba, dachimaa kuitaabiasii Dachi Akõre biawãra saka nii.

1 Juan 2:5

Maamina chi Dachi Akõre bed̶ea wau b̶uuba Dachi Akõre biawãra kʉ̃ria b̶uu. Chi Dachi Akõre ome b̶uu a b̶uu Jesucristo nibad̶a kĩra nibai b̶uu. Dachi maka nibaaduubʉrã, kuitaa panuu biawãra ichi ome panuu.

1 Timoteo 6:16

Ichíturu biukau. Ichi b̶uumaa jẽratĩu b̶uud̶eeba ab̶a bid̶a ara kaita poyaa wãd̶aabai panuu. Ichi ab̶au bid̶a unud̶awẽa panuu maud̶e poyaa unud̶akau. Mʉʉba kʉ̃ria b̶uu ewaricha jomaurãba ichimaa biꞌia berrea panad̶ayu maud̶e ichi poyaabariiba jomaurã poyaa uru b̶uai. Biꞌia b̶uu maka b̶uai.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?

1 Juan 3:24

Chi Dachi Akõreba waubi b̶uu bed̶ea wau b̶uu Dachi Akõre ome b̶uu, maud̶e Dachi Akõre ichi ome b̶uu. Dachiba kuitaa panuu Dachi Akõre dachi ome b̶uu, ichi Jauri dachimaa deasiid̶eeba.

1 Juan 4:6

Maamina Dachi Akõred̶ebʉ. Chi Dachi Akõre unu b̶uuba dachiba jaradea panuu ijãabarii. Chi Dachi Akõre unukauba dachiba jaradea panuu ijãakau. Maud̶eeba dachiba kuitaa panuu kaiba Dachi Akõre Jaurid̶eeba biawãra bed̶ea jaradea b̶uu maud̶e kaiba setad̶ebena jaurid̶eeba setaa jaradea b̶uu.

1 Timoteo 1:17

Dachi Akõre ewaricha jomaurã Reybʉ. Mau chi dachiba unud̶akau biukau. Ichíturu ab̶aburu nii. Ichíturu dachiba ewaricha biꞌia berread̶ai panuu maud̶e wapead̶ai panuu. Maka biꞌia b̶uase.

Hebreos 11:27

Moisesba Dachi Akõred̶e ijãa b̶uasiid̶eeba faraón kĩrubi wapeawẽa Egiptod̶ebena wãsii. Chi Dachi Akõre dachiba unud̶akau unu b̶uu kĩra ichiba ijãa b̶uu ida b̶uubasii.

1 Corintios 13:13

Nau õbea panuu wãꞌãekau: ne jomad̶e biꞌia ijãa b̶uai, esed̶au b̶uai joma biꞌia neemera maud̶e waabenarã kʉ̃ria b̶uai. Mau õbead̶ebena, ab̶au kʉ̃ria b̶uai chi aude bibuara b̶uu.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.