1 Juan 3:21 - Emberá Chamí

²¹ Ãbarã, dachi nebʉraswãe panuu a kʉ̃risia panuubʉrã, wapeawẽa Dachi Akõremaa poyaa ʉtaa id̶id̶ai.

1 Juan 3:21 Referans Kwoze

1 Juan 2:28

Mʉ warrarã, Cristo ome ãbua panásturu. Maka ichi neeruud̶e wapead̶awẽa maud̶e kĩra nejasiad̶awẽa nuread̶ai ichi daad̶e.

Hebreos 4:16

Maud̶eeba Dachi Akõremaa wapead̶awẽa id̶id̶ai panuu ichi rey ãkau kub̶uumaa ara kaita wãaduu kĩra. Maka ichiba dachi kĩra chuburiai maud̶e ichiba karibamera ʉtaa id̶iiduud̶e ichi sõbiad̶eeba karibai.

2 Corintios 1:12

Nau kakua kĩrajʉʉ panuu: daiba kuitaa panuu sõ jipa panuud̶eeba, kʉ̃risia biad̶eeba nau iujãad̶ebenarã tãed̶e, maud̶e machi tãed̶e biꞌia nibaped̶aad̶a. Mau sõ jipa b̶uai maud̶e kʉ̃risia bia Dachi Akõred̶ebenabʉ. Dai nau iujãad̶ebena kʉ̃risia kuitaad̶eeba maka nibad̶akau, maumaarã Dachi Akõreba ichi sõbiad̶eeba aid̶a b̶uud̶eeba maka nibabadau.

1 Juan 5:14

Dachi Akõreba kʉ̃ria b̶uu kĩra dachiba ʉtaa id̶iiduubʉrã, kuitaa panuu ichiba ũribarii. Maud̶eeba ne wapeawẽa ichimaa ʉtaa id̶id̶ai panuu.

1 Juan 4:17

Maka dachiba Dachi Akõre maud̶e joma ẽbẽrarã biawãra kʉ̃ria panuu. Dachi Akõreba dachi nebʉra kastikai ewarid̶e dachi ne wapeawẽa nuread̶ai, nau iujãad̶e Jesucristo nibad̶a kĩra nibaped̶aad̶ad̶eeba.

Hebreos 10:22

Cristoba dachi kʉ̃risia kachirua panad̶a jipa b̶usii dachi sõ ichi oaba jĩtod̶okaaruu kĩra. Dachi Akõre daad̶e biꞌia duanuu dachi kakua bania pawãraaba jeraad̶a kĩra. Maud̶eeba kʉ̃risia ab̶ad̶eeba maud̶e biawãra ijãa panuud̶eeba wãd̶ai panuu.

1 Corintios 4:4

Mʉʉba ne ab̶a bid̶a biꞌiwãe wauwẽa b̶uu kuitaa b̶umina mauba jarawẽa b̶uu mʉʉba joma jipa wausii. Dachi Mechiúburu kuitaa jarai.

1 Timoteo 2:8

Maud̶eeba, ãbarã araa ãbua imiiduucha mʉʉba kʉ̃ria b̶uu mukĩrarãba kʉ̃risia biad̶eeba ãchi jua ʉtaa jiraaduud̶e Dachi Akõremaa ʉtaa id̶id̶amera. Maud̶e kĩru panad̶aabai panuu maud̶e oa kachirua berrea panad̶aabai panuu.

Romanos 14:22

Bichiba ne joma koi b̶uu kʉ̃risia b̶uubʉrã, maebʉrã ne joma kokau kʉ̃risia b̶uubʉrã, ab̶a bichiaburu Dachi Akõre omeeba mau kuitaad̶ai panuu. Biawãra dachiba wau panuu kakua dachi sõd̶e kachirua kʉ̃risiad̶awẽebʉrã, ãrea kĩrajʉʉ panad̶ai.

Efesios 3:12

Dachiba ara mau Jesucristod̶e ijãa panuud̶eeba maud̶e ichi ome ãbua panuud̶eeba Dachi Akõremaa wapeawẽa ʉtaa id̶id̶ai panuu.

1 Juan 2:7

Ãbarã, mʉʉba machi baita b̶ʉwẽa b̶uu chi Dachi Akõreba waubi b̶uu bed̶ea wid̶i, maumaarã b̶ʉ b̶uu ichiba chi naed̶e waubi b̶uu bed̶ea jarad̶a. Mau waubi b̶uu bed̶ea machiba Cristod̶e ijãaped̶aad̶ad̶eed̶ebena kuitaa panuu. Mau nabẽraed̶ebena bed̶ea chi ichid̶ebena ũriped̶aad̶abʉ.

1 Juan 3:2

Ãbarã, dachi Dachi Akõre warrarãbʉ. Dachi Akõreba wabid̶a unubiawẽa b̶uu dachi saka nuread̶ai. Maamina kuitaa panuu Cristo neeruud̶e ichi kĩra nuread̶ai, mau ewarid̶e ichi saka nii unud̶aid̶eeba.