1 Juan 3:14 - Emberá Chamí

¹⁴ Dachiba ãbarã kʉ̃ria panuud̶eeba kuitaa panuu dachi biu panad̶a chokae paneesid̶au. Chi ichi ãba kʉ̃riawẽa b̶uu wabid̶a biu nub̶uu.

1 Juan 3:14 Referans Kwoze

1 Juan 5:2

Dachiba Dachi Akõre kʉ̃ria panuubʉrã maud̶e ichiba waubi b̶uu bed̶ea wau panuubʉrã, kuitaa panuu ichi warrarã sid̶a kʉ̃ria panuu.

Juan 13:35

Maka chiya kʉ̃ria duanuubʉrã, jomaurãba kuitaad̶ai machi mʉ baara nibabadau».

1 Tesalonicenses 4:9

Mau awara machi saka ãbarã ome chiya kʉ̃riad̶ai panuu ʉ̃rʉbena, mʉʉba nau kartad̶e ¿kãare b̶ʉima? Ara Dachi Akõréburu machimaa mau jaradeasii.

Juan 5:24

»Mʉʉba biawãra jaraaruu: barikiuba mʉ bed̶ea ũriped̶a mʉ bʉid̶a ijãaruubʉrã, mau ẽbẽra mau ome ewaricha chokae b̶uai. Dachi Akõreba mau ichiabai. Biawãra mau ẽbẽra biu b̶uad̶a chokae b̶uu.

1 Pedro 1:22

Chi biawãra bed̶ea ijãa panuud̶eeba machi kachiruaswãe paneesid̶au. Maud̶eeba ãbarã biawãra kʉ̃ria panuu. Sõd̶eeba biawãra ãrea chiya kʉ̃ria panásturu.

Mateo 25:40

Maud̶e mʉʉba panaui: “Mʉʉba biawãra jaraaruu: machiba mʉ ãbarã chi kaebeu nuree karibasid̶aud̶e mʉ karibasid̶au”.

Hebreos 13:1

Machi ãbarã baerã chiya kʉ̃ria panásturu.

Juan 15:12

Mʉʉba waubi b̶uu bed̶ea naubʉ: machi chiya ãrea kʉ̃riásturu mʉʉba machi ãrea kʉ̃ria b̶uu kĩra.

1 Juan 4:12

Ab̶au bid̶a Dachi Akõre dauba unukau. Maamina dachi chiya kʉ̃ria panuubʉrã, Dachi Akõre dachi ome b̶uu maud̶e ichi kʉ̃riad̶eeba dachiba biawãra joma kʉ̃ria panuu.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.

1 Pedro 3:8

Mau awara ãbarã, arab̶au kʉ̃risiad̶eeba joma machi ãbua biꞌia duanásturu. Waabenarã aid̶ad̶ai kʉ̃risia panásturu. Ãbarãd̶eeba chiya kʉ̃riásturu. Chiya kĩra chuburiásturu maud̶e waabena audeara biꞌia nuree kʉ̃risiarã́sturu.

Colosenses 1:4

Daiba ũri panuu machiba Jesucristod̶e ijãa panuu maud̶e joma ẽbẽrarã Dachi Akõred̶erã ãrea kʉ̃ria panuu.

Efesios 1:15

Maud̶eeba machiba Dachi Mechiu Jesusd̶e ijãa panuu maud̶e joma ẽbẽrarã Dachi Akõred̶erã kʉ̃ria panuu mʉʉba ũrisiid̶eed̶ebena,

1 Juan 5:13

Mʉʉba nau karta machi chi Dachi Akõre Warrd̶e ijãabadaurã baita b̶ʉʉruu kuitaad̶amera ewaricha Dachi Akõre ome chokae nuread̶ai.

Juan 15:17

Waya mʉʉba machimaa jaraaruu: Chiya kʉ̃riásturu.

1 Juan 2:3

Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.

2 Pedro 1:7

Dachi Akõreba kʉ̃ria b̶uu kĩra panuud̶e jʉrʉ́sturu ãbarã kʉ̃riad̶ai baita; ãbarã kʉ̃ria panuud̶e jʉrʉ́sturu jomaurã kʉ̃riad̶ai baita.

Efesios 2:5

kachiruad̶e biu panad̶a Cristo ome ãbua chokae b̶usii. Dachi Akõreba ichi sõbiad̶eeba machi karibasii.

2 Corintios 5:1

Nau iujãad̶e dachi kakua ãrea dauchia jãaduad̶akaud̶eeba de ãnimara e wauped̶aad̶a kĩra b̶uu. Dachiba kuitaa panuu dachi biuduud̶e Dachi Akõreba dachimaa chi kakua biukau bajãad̶ebena deai. Ẽbẽrarãba mau biukau kakua waud̶akau.

Efesios 2:1

Naed̶e machi biu panasid̶au, ijãad̶awẽa panasid̶aud̶eeba, kachirua waubachid̶aud̶eeba.

Gálatas 5:22

Maamina Dachi Akõre Jauriba nau deabarii: waabenarã kʉ̃ria nureabadau, kĩrajʉʉbadau, jirukaraayuwãe nureabadau, joma dauchia jãadua nureabadau, ẽbẽrarã baara biꞌia nureabadau, ẽbẽra bia nureabadau, chi jara panuu kĩra waubadau,

Lucas 15:32

“Maamina biꞌia b̶uu bichi ãba waya dachimaa neeruu, kĩrajʉʉ waud̶ayu. Ichi biu b̶uad̶a chokae jiradusii; barikiad̶e wã b̶uad̶a dachiba waya unusid̶au”».

Lucas 7:5

Ichiba dachi judiorã ãrea kʉ̃ria b̶uud̶eeba dachi judiorã araa ãbua imibadau de waubisii».