1 Juan 3:13 - Emberá Chamí

¹³ Ãbarã, nau iujãad̶ebenarãba machi kĩramaaduubʉrã, ãrea kĩra nomaarã́sturu.

1 Juan 3:13 Referans Kwoze

Juan 17:14

Bichiba jarad̶a mʉʉba maarãmaa jaradeasii. Maamina nau iujãad̶ebenarãba maarã kĩramaabadau mʉ kĩramaabadau kĩra, nau iujãad̶ebenarãwãed̶eeba.

Lucas 21:17

Mʉʉd̶e ijãa panuu kakua jomaurãba machi kĩramaad̶ai.

Santiago 4:4

Junebena wẽra ome kãiduu kĩra machiba Dachi Akõre ida b̶uu panuu nau iujãad̶ebenarãba waubadau kĩra waud̶ai baita. ¿Machiba wabid̶a adua panuka chi nau iujãad̶ebena kʉ̃ria b̶uu Dachi Akõre ome chi kĩramaa? Biawãra barikiuba nau iujãad̶ebena kʉ̃ria b̶uubʉrã, Dachi Akõre ome chi kĩramaa b̶eei.

2 Timoteo 3:12

Biawãra joma Jesucristod̶e ijãabadaurã, Dachi Akõre daad̶e biꞌia nibad̶ai kʉ̃riabadaurã, ẽbẽrarãba wãraad̶ai kachirua waud̶ai baita.

Marcos 13:13

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Romanos 8:7

Ab̶auba chi nau kakuaba wau kʉ̃ria b̶uu kʉ̃risia b̶uaruubʉrã, Dachi Akõre kĩramaabʉ. Moisesba b̶ʉd̶a wau kʉ̃riakau; ne ab̶a bid̶a poyaa waukau.

Juan 16:33

Joma mau mʉʉba machimaa jarasii mʉʉd̶eeba jirukaraayuwãe nuread̶amera. Nau iujãad̶e ãrea biꞌiwãe nuread̶ai, maamina wapearã́sturu: nau iujãad̶ebena kachiruarã mʉʉba poyaasii.

Juan 7:7

Nau iujãad̶ebenarãba machi ¿sakãe kĩramaad̶aima? Maamina mʉ kĩramaabadau, ãchiba kachirua waubadau mʉʉba arakʉd̶e jarabariid̶eeba.

Lucas 6:22

»Biꞌia panuu ẽbẽraba mʉ, chi Ẽbẽra Ba B̶uad̶a kakua machi kĩramaaduud̶e, ida b̶uuduud̶e, kachirua jaraaduud̶e maud̶e machi sõ kachirua panuu aaduud̶e.

Mateo 24:9

»Mau ewarid̶e ẽbẽrarãba machi jidau dead̶ai, kachirua waud̶aped̶a bead̶amera. Mʉʉd̶e ijãa panuu kakua jomaurãba machi kĩramaad̶ai.

Mateo 10:22

Mʉʉd̶e ijãa panuu kakua jomaurãba machi kĩramaad̶ai. Maamina chi kaad̶earebena ewarid̶aa dauchia jãadua mʉʉd̶e ijãa panuubʉrã, Dachi Akõreba mau karibai ichi baara chokae nuread̶amera.

Hechos 3:12

Pedroba mau unusiid̶e jarasii: «Machi Israeld̶ebena, ¿sakãe machi kʉ̃risia baraa panuma? ¿Sakãe daimaa ichia panuma? ¿Kʉ̃risia panuka ara daid̶eeba maebʉrã dai Dachi Akõre daad̶e jipa panuud̶eeba nau ẽbẽra aribiabisid̶au? ¡Makawãema!

Juan 16:2

Judiorãba machi ãchi judiorã araa ãbua imibadau ded̶ebena duabʉikad̶ai. Mau awara machi bead̶ai ewari neei. Machi beaduud̶e ãchiba kʉ̃risiad̶ai “Dachi Akõreba kʉ̃ria b̶uu wau panuu”.

Juan 3:7

Mʉʉba waya wãwa adaui kĩra panad̶ai panuu ad̶a kakua ãrea kʉ̃risiarã́se.

Apocalipsis 17:7

Maud̶e angelba mʉʉmaa nau id̶isii: «¿Sakãe kãare kʉ̃risiai aduama? Mau wẽra ʉ̃rʉbena ab̶auba kauwa ũrii b̶uu maud̶e chi ãnimara ʉ̃rʉ mau wẽra wãaruu akʉ b̶uu mʉʉba mau kauwa jarai. Maud̶e chi ãnimara boro 7 inii, maud̶e ichiba kachu 10 inii ʉ̃rʉbena biꞌia jarai.