1 Juan 2:8 - Emberá Chamí

⁸ Maamina chi mʉʉba b̶ʉmaa b̶uu chiwid̶i kĩra b̶uu Cristoba wausiid̶eeba maud̶e machia bid̶a biawãra wau panuud̶eeba. Chi nau wid̶i pãriu wãꞌãe kãrii kĩra b̶uu, maud̶e chi biawãra bed̶ea ʉ̃d̶aa kãrii kĩra b̶uu.

1 Juan 2:8 Referans Kwoze

Efesios 5:8

Naed̶e machi pãriud̶ebena basii, maamina id̶ibae Dachi Mechiu ome panuud̶eeba machi ʉ̃d̶aad̶ebenarãbʉ. Maud̶eeba ʉ̃d̶aad̶ebena warrarã kĩra nibásturu.

Romanos 13:12

Nau ewari kachirua wãꞌãemaa b̶uu ẽsabud̶ebena ewarimaa b̶uu kĩra. Maud̶eeba dachiba kachirua ida b̶ud̶aped̶a biꞌia waud̶ai panuu. Maka kachiruad̶ebena joma nu panad̶ai kokoroaba ichi ʉ̃rʉ chaarea b̶uu jʉ̃barii ãyadaa jʉ̃ b̶uu kĩra.

Juan 13:34

»Mʉʉba waubi b̶uu bed̶ea wid̶i machimaa jaraaruu: ãrea kʉ̃ria nureásturu. Mʉʉba machi ãrea kʉ̃ria b̶uu kĩra machi sid̶a arab̶aud̶e chiya kʉ̃riásturu.

Juan 8:12

Mau maad̶akare Jesusba ẽbẽrarãmaa waya jarasii: —Mʉ nau iujãad̶e ʉ̃d̶aa kĩra nii. Barikia mʉ baara wãaruubʉrã pãriud̶e nibaabai, maumaarã ʉ̃d̶aad̶e b̶uud̶eeba chokae b̶uai uru b̶uai.

Juan 1:9

Chi nau iujãad̶e neei b̶uad̶a mau biawãra ʉ̃d̶aabʉ. Mau jomaurã baita koabarii.

Juan 12:46

Mʉ nau iujãad̶aa ʉ̃d̶aa kĩra neesii chi mʉʉd̶e ijãaduu pãriud̶e nurearãad̶amera.

1 Juan 4:21

Jesucristoba dachimaa waubi b̶uu bed̶ea naubʉ: chi Dachi Akõre kʉ̃ria b̶uuba ichi ãba kʉ̃ria b̶uai b̶uu.

1 Juan 4:11

Ãbarã, Dachi Akõreba dachi maka kʉ̃riasiid̶eeba dachi sid̶a chiya kʉ̃ria nuread̶ai panuu.

2 Timoteo 1:10

Maabae Jesucristo, Dachi Karibabarii neesiid̶e unubisii saka ichi sõbiad̶eeba karibabarii. Dachi biui b̶uad̶a Jesucristoba wãꞌãebiped̶a, ewaricha chokae b̶uabisii. Chi bed̶ea biaba ichi ʉ̃rʉbena mau biꞌia kuitaabi b̶uu.

2 Corintios 8:9

Machiba ãrea kuitaa panuu Dachi Mechiu Jesucristoba ichi sõbiad̶eeba waud̶a. Ichi bajãad̶e ne joma uru b̶umina, machi baita chi nejarr barauwãe b̶uu kĩra b̶uasii machiba ne joma Dachi Akõreba dea b̶uud̶ebena uru nuread̶amera.

Hechos 17:30

Ẽbẽrarãba chi Dachi Akõre naed̶e adua panad̶a, ichiba mau ida b̶usii. Maamina id̶ibae jara b̶uu joma druachad̶ebenarãba kachirua ida b̶ud̶aped̶a ichid̶e ijãad̶amera.

Lucas 1:79

Mauba chi pãriud̶e nureerãmaa, chi biud̶ai wapea nureerãmaa bid̶a Dachi Akõreba ichi ʉ̃d̶aa kuitaabiai. Maud̶e dachimaa kuitaabiai saka ichi od̶e jirukaraayuwãe nibad̶ayu».

Juan 12:35

Jesusba jarasii: —Nau ʉ̃d̶aa machi baara ãrea b̶uabai. Maud̶eeba ʉ̃d̶aad̶e nibásturu ichi machi baara b̶uumisa, pãriud̶e panad̶aabayua. Chi pãriud̶e nibabarii kawakau samaa wãaruu.

Mateo 4:16

Machi pãriud̶e duanasid̶au Dachi Akõre adua panad̶ad̶eeba. Maamina id̶i ʉ̃d̶aad̶e panuu Dachi Akõre ʉ̃rʉbena kuitaa panuud̶eeba. Machi chokae panumina biud̶a kĩra duanabachid̶au. Maamina id̶i ʉmada ʉ̃d̶aa neeruu kĩra Dachi Akõre biawãra ichi ʉ̃rʉbena machimaa kuitaabia b̶uu».

1 Pedro 1:21

Cristod̶eeba machiba Dachi Akõred̶e ijãa panuu. Dachi Akõreba ichi biu b̶uad̶a chokae jiradubiped̶a chi mechiu b̶usii. Maud̶eeba machiba Dachi Akõred̶e biawãra ijãa panuu maud̶e esed̶au panuu Dachi Akõreba jarad̶a joma waumera.

1 Juan 3:23

Mau waubi b̶uu bed̶ea naubʉ: ichi Warr Jesucristod̶e ijãad̶ai maud̶e chiya kʉ̃ria nuread̶ai ichiba dachimaa jarad̶a kĩra.