1 Juan 2:3 - Emberá Chamí

³ Dachi Akõreba waubi b̶uu bed̶ea dachiba mau wau panuubʉrã, unubiad̶ai panuu ichi biawãra unu panuu.

1 Juan 2:3 Referans Kwoze

Juan 14:15

»Machiba mʉ biawãra kʉ̃ria panuubʉrã, mʉ waubi b̶uu bed̶ea ijãa panad̶ai.

Juan 15:10

Mʉʉba waubi b̶uu bed̶ea ijãaduubʉrã, chi mʉʉba kʉ̃ria ua b̶uuba nuread̶ai. Ara mau kĩra mʉ Chachaba waubi b̶uu bed̶ea ijãabariid̶eeba chi ichiba kʉ̃ria ua b̶uuba nuread̶ai.

1 Juan 5:3

Dachi Akõre biawãra kʉ̃ria panuubʉrã, ichiba waubi b̶uu bed̶ea joma waud̶ai. Ichiba waubi b̶uu bed̶ea chaareawẽa b̶uu.

Lucas 6:46

»¿Sakãe mʉ “Dai Mechiu, Dai Mechiu” abadama maamina mʉʉba jara b̶uu machiba waud̶akama?

Juan 15:14

Mʉʉba waubi b̶uu bed̶ea machiba ijãaduubʉrã machi mʉ kõpaerorãbʉ.

1 Juan 4:13

Dachi Akõreba ichi Jauri dachimaa deasiid̶eeba kuitaa panuu dachi Dachi Akõre ome panuu maud̶e ichi dachi ome b̶uu.

Hebreos 5:9

Ne jomad̶e biꞌia wausiid̶eeba, joma chi ũribaba ũriiduu poyaa karibai b̶uu ewaricha chokae nuread̶amera.

1 Juan 3:19

Maud̶eeba kuitaa panuu dachi biawãra Dachi Akõred̶e. Maud̶e ara dachi sõd̶e kachirua wau panuu a kʉ̃risiaduubʉrã, Dachi Akõre daad̶e poyaa jirukaraayuwãe panad̶ai. Dachi Akõreba dachi ʉ̃rʉbena biꞌia kuitaa b̶uu chi dachi sõd̶e kʉ̃risia panuu audeara. Ichiba joma kuitaa b̶uu.

Juan 17:3

Ewaricha chokae nureeba kuitaa panuu bichi biawãra Dachi Akõre ara ab̶a nii. Maud̶e nau bichiba bʉid̶a Jesucristo kuitaa panuu.

1 Juan 5:19

Dachiba kuitaa panuu dachi Dachi Akõred̶e. Maud̶e kuitaa panuu joma nau iujãad̶e Dachi Akõred̶e ijãad̶akaurã jʉbawãe nii juad̶e duanuu.

1 Juan 3:14

Dachiba ãbarã kʉ̃ria panuud̶eeba kuitaa panuu dachi biu panad̶a chokae paneesid̶au. Chi ichi ãba kʉ̃riawẽa b̶uu wabid̶a biu nub̶uu.

2 Corintios 4:6

Nau iujãa joma pãriu b̶uad̶a Dachi Akõreba ʉ̃d̶aabisii. Ara mau kĩra ichi ʉ̃d̶aa dachi sõd̶e ʉ̃d̶aabisii. Mauba jara b̶uu ichi kĩrawãrea Cristod̶eeba dachimaa kuitaabisii.

Apocalipsis 22:14

»Ãrea biꞌia duanuu chi paru tõd̶aped̶a jʉ̃ duanuu. Maarã puurud̶e ed̶a wãd̶ai panuu chi jõo ewaricha chokae b̶uai deabarii kod̶ai baita.

1 Juan 2:13

Chõrarã, mʉʉba nau karta machi baita b̶ʉ b̶uu chi arab̶aed̶eed̶e nibad̶a wabid̶a nii, mau unubadaud̶eeba. Kũudrãarã, mʉʉba nau karta machi baita b̶ʉ b̶uu jʉbawãe nii poyaasid̶aud̶eeba. Warrarã, mʉʉba nau karta machi baita b̶ʉ b̶uu Dachi Bajãad̶ebena Akõre unusid̶aud̶eeba.

1 Juan 3:6

Chi ichi ome ãbua b̶uuba kachirua waukau. Maamina chi kachirua wau b̶uuba Jesucristo unukau maud̶e saka nii adua b̶uu.

1 Juan 4:7

Ãbarã, dachi chiya kʉ̃ria nuread̶ai panuu, Dachi Akõreba dachimaa dachi ãbarã biawãra kʉ̃riabiabariid̶eeba. Joma chi kʉ̃ria uru nuree Dachi Akõre warrarãbʉ maud̶e Dachi Akõre unubadau.

1 Juan 5:2

Dachiba Dachi Akõre kʉ̃ria panuubʉrã maud̶e ichiba waubi b̶uu bed̶ea wau panuubʉrã, kuitaa panuu ichi warrarã sid̶a kʉ̃ria panuu.

Apocalipsis 12:17

Maud̶eeba chi dragón chi mau wẽra ome ãrea kĩru kob̶eesii. Ara makʉd̶e chi waabenarã chi mau wẽrad̶ebena imiped̶aad̶a ome chĩod̶e wãsii. Maarã imiped̶aad̶a chi Dachi Akõreba waubi b̶uu bed̶ea waubadaurãbʉ maud̶e chi Jesusba jaradead̶ad̶e ijãabadaurãbʉ.

Apocalipsis 14:12

Maud̶eeba ẽbẽrarã Dachi Akõred̶erã ãrea dauchia jãadua panad̶ai panuu. Jesusd̶e ãrea ijãad̶aped̶a, ichiba waubi b̶uu bed̶ea ũribaba panad̶ai panuu.