1 Juan 2:24 - Emberá Chamí

²⁴ Maud̶eeba machiba ijãasid̶aud̶eed̶ebena chi Cristo ʉ̃rʉbena ũri panuu machi sõd̶e nu uru panásturu. Maka machi Dachi Bajãad̶ebena Akõre ome maud̶e ichi Warr ome ãbua panad̶ai.

1 Juan 2:24 Referans Kwoze

Juan 14:23

Jesusba panausii: —Chi mʉ kʉ̃ria b̶uuba mʉ bed̶ea wau b̶uai. Maud̶e mʉ Chachaba mau kʉ̃ria b̶uai. Maabae dai ichimaa need̶ai ichi baara panad̶ai baita.

1 Juan 4:13

Dachi Akõreba ichi Jauri dachimaa deasiid̶eeba kuitaa panuu dachi Dachi Akõre ome panuu maud̶e ichi dachi ome b̶uu.

1 Juan 4:16

Dachiba kuitaa panuu maud̶e ijãa panuu Dachi Akõreba dachi kʉ̃riakua b̶uu. Dachi Akõreba ne jomad̶e kʉ̃ria b̶uu. Biawãra kʉ̃ria uru b̶uu Dachi Akõre ome b̶uu maud̶e Dachi Akõre ichi ome b̶uu.

Apocalipsis 3:3

Chi biawãra bed̶ea machiba ũriped̶aad̶a kĩrabásturu. Mau ãrea ijã́sturu. Kachirua ida b̶ud̶aped̶a Dachi Akõremaa waya nésturu. Machi kauwa nibabadauwãebʉrã mʉ kãꞌãabariwãed̶e neei machi kastikai baita nechiru kãꞌãabariwãed̶e neebarii kĩra.

1 Juan 2:7

Ãbarã, mʉʉba machi baita b̶ʉwẽa b̶uu chi Dachi Akõreba waubi b̶uu bed̶ea wid̶i, maumaarã b̶ʉ b̶uu ichiba chi naed̶e waubi b̶uu bed̶ea jarad̶a. Mau waubi b̶uu bed̶ea machiba Cristod̶e ijãaped̶aad̶ad̶eed̶ebena kuitaa panuu. Mau nabẽraed̶ebena bed̶ea chi ichid̶ebena ũriped̶aad̶abʉ.

1 Juan 1:3

Daiba unuped̶aad̶a maud̶e ũriped̶aad̶a machimaa jara panuu machi sid̶a dai ome ãbuacha Dachi Bajãad̶ebena Akõre ome maud̶e ichi Warr Jesucristo ome biꞌia panad̶amera.

Juan 15:7

»Machi mʉ baara nureebʉrã, mʉ bed̶ea ijãa paneeduubʉrã, id̶ísturu joma machiba kʉ̃riaduu. Mau mʉʉba deai.

Apocalipsis 3:11

Mʉ kãꞌãabariwãed̶e neei. Maud̶eeba machiba id̶ibae ijãabadau kĩra dauchia jãadua panásturu. Maka ab̶au bid̶a machi boro jũra jʉ̃barii ẽe adaud̶aabai.

Colosenses 3:16

Bed̶ea Cristo ʉ̃rʉbena machi sõd̶e uru panásturu. Joma Dachi Akõre kuitaad̶eeba chiya jaradeásturu maud̶e chiya aid̶ásturu biꞌia ijãad̶ai baita. Dachi Akõre bed̶ead̶e b̶ʉ kub̶uu karísturu, ãbarãba karibadau maud̶e Dachi Akõre Jauriba karibi b̶uu sid̶a Dachi Akõremaa karísturu. Sõd̶eeba ichíturu kid̶ibai jara panuud̶eeba karísturu.

1 Juan 1:7

Maamina ichi ʉ̃d̶aad̶e b̶uu kĩra dachi sid̶a ʉ̃d̶aad̶e nibaaduubʉrã, ãbarã ome ãbua biꞌia panad̶ai. Maud̶e ichi Warr Jesucristo oa ched̶aba dachi kachirua joma jeraabarii.

Hebreos 3:14

Dachiba ab̶aed̶eed̶e ijãaped̶aad̶ad̶eed̶ebena ab̶a biuduud̶aa Cristod̶e ijãa panuubʉrã, ichi ome dauchia jãadua panad̶ai.

Filipenses 4:15

Ãbarã Filipod̶ebenarã, machiba kuitaa panuu chi bed̶ea bia Cristo ʉ̃rʉbena arab̶aed̶eed̶e ijãasid̶aud̶e, mʉ Macedonia druad̶ebena wãsiid̶e waabenarã ãbarã puurud̶ebenarãba mʉ baita ne urubʉid̶aabasii. Machiaburu mʉ baita makasid̶au.

3 Juan 1:3

Mʉ ãrea kĩrajʉʉsii, waabenarã ãbarã mʉʉmaa neeped̶aad̶aba nebʉrʉsid̶aud̶eeba bichiba chi biawãra bed̶ea ijãa b̶uu.

2 Juan 1:2

Maka kʉ̃ria panuu, chi biawãra bed̶ea dachi sõd̶e b̶uud̶eeba. Maud̶e dachi sõd̶e ewaricha b̶uai.

Hebreos 2:1

Maud̶eeba chi biawãra bed̶ea ũriped̶aad̶ad̶e kauwa ãrea nibad̶ai panuu ãyaa wãrãad̶amera.

Juan 8:25

Maud̶eeba id̶isid̶au: —¿Bichi kaima? Jesusba panausii: —Arab̶aed̶eed̶e mʉʉba machimaa ara mau jara b̶uu.

Lucas 1:2

Joma mau waud̶a unuped̶aad̶aba nebʉrʉsid̶au maud̶e jaradeasid̶au. Maabae chi karta b̶ʉped̶aad̶aba mau b̶ʉsid̶au.

Lucas 9:44

—Mʉʉba machimaa jaraaruu ãrea biꞌia ũrísturu. Mʉ, chi Ẽbẽra Ba B̶uad̶a ẽbẽrarãmaa jidaubiai.

Juan 6:56

Chi mʉ kooruu maud̶e chi mʉ oa dooruu mʉ ome b̶uu maud̶e mʉ ichi ome b̶uu.

1 Juan 3:24

Chi Dachi Akõreba waubi b̶uu bed̶ea wau b̶uu Dachi Akõre ome b̶uu, maud̶e Dachi Akõre ichi ome b̶uu. Dachiba kuitaa panuu Dachi Akõre dachi ome b̶uu, ichi Jauri dachimaa deasiid̶eeba.

1 Juan 4:15

Barikiuba Jesús biawãra Dachi Akõre Warr aaruubʉrã, Dachi Akõre ichi ome b̶uu maud̶e ichi Dachi Akõre ome b̶uu.

2 Juan 1:9

Barikiuba Cristoba jaradead̶a ãyaa jaradea nibaaruubʉrã, maebʉrã Cristoba jaradead̶a ida b̶uuruubʉrã, mau Dachi Akõreswãe nii. Maamina barikiuba Cristoba jaradead̶a ijãa niibʉrã, chi Akõre maud̶e chi Warr sid̶a uru b̶uu.