1 Juan 2:17 - Emberá Chamí

¹⁷ Nau iujãa kachirua maud̶e joma chi kachirua ẽbẽrarãba wau kʉ̃ria panuu wãꞌãe bai. Maamina chi Dachi Akõreba jara b̶uu bed̶ea wau b̶uu ewaricha ichi ome chokae b̶uai.

1 Juan 2:17 Referans Kwoze

Mateo 24:35

Bajãa maud̶e iujãa waa b̶uabai, maamina mʉ bed̶ea biawãra ewaricha b̶uai.

Romanos 12:2

Nau iujãad̶ebenarãba waubadau kĩra nibarã́sturu, maumaarã kʉ̃risia wid̶i Dachi Akõreba dea b̶uu kakua jipa nibásturu. Maka machiba kuitaad̶ai chi Dachi Akõreba kʉ̃ria b̶uu. Joma ichiba kʉ̃ria b̶uu biꞌia b̶uu, jipa b̶uu maud̶e ichiba biꞌia unu b̶uu.

1 Corintios 7:31

Chi nau iujãa dachiba unu panuu joma wãꞌãemaa b̶uud̶eeba chi ne barau nureeba ne barauwãe nuree kĩra kʉ̃risia nuread̶ai panuu.

1 Pedro 4:2

Mau ẽbẽraba wabid̶a nau iujãad̶e b̶uud̶e nau kakuaba kachirua wau kʉ̃ria b̶uu wau b̶uawẽma, maumaarã Dachi Akõreba kʉ̃ria b̶uu wau b̶uai.

Hebreos 10:36

Machiba mau joma esed̶au panad̶ai panuu. Makaburu Dachi Akõreba kʉ̃ria b̶uu waud̶aped̶a ichiba deai jarad̶a joma adaud̶ai.

Marcos 3:35

Chi Dachi Akõreba kʉ̃ria b̶uu waubadaurã mʉ ãbarãbʉ, mʉ neekaurãbʉ maud̶e mʉ nawebʉ.

1 Pedro 1:5

Jesucristod̶e ijãa panuud̶eeba Dachi Akõreba ichi poyaabariid̶eeba machi nu uru b̶uai, ab̶a chi kaad̶ebena ewarid̶e karibaaruud̶aa.

1 Tesalonicenses 4:3

Dachi Akõreba kʉ̃ria b̶uu machi ichi baita biꞌia nuread̶amera. Maud̶eeba machi kakuaba barikiu kachirua waurã́sturu.

Juan 4:14

Maamina chi mʉʉba dea b̶uu bania dooruubʉrã waa obisiabai. Chi mʉʉba dea b̶uu bania ichid̶e ewaricha che b̶uu maud̶e mau ẽbẽra Dachi Akõre ome ewaricha chokae b̶uai.

Mateo 7:21

»Ẽbẽrarãba mʉ ãchi Mechiu abadamina Bajãad̶e B̶uu juad̶e joma panad̶aabai. Mʉ chacha bajãad̶e b̶uuba ijãabadáuturu ichi juad̶e ua b̶uai.

Santiago 4:14

Maamina machiba adua panuu nubena ewarid̶e kãare sãai. ¿Machiba kuitaa panuka nubena ewarid̶e chokae nuread̶ai? Adua panuu. Machi jʉ̃rʉara kĩra nuree. Jʉ̃rʉara neeped̶a isa wãꞌãebarii kĩra, machi sid̶a kãꞌãabariwãe nuread̶ai.

Juan 6:58

Mʉ bajãad̶ebena need̶a panbʉ. Machi nabẽraed̶ebenarãba maná kobachid̶amina joma biusid̶au. Maamina mʉ maná kĩra niiwãe. Chi nau pan ko b̶uu ewaricha chokae b̶uai.

Mateo 21:31

Mau machimaarã, chi omed̶ebena ¿sãuba chi akõreba kʉ̃ria b̶uad̶a wausma? Ãchiba panausid̶au: —Chi naa b̶uuba. Maud̶e Jesusba ãchimaa jarasii: —Maerã. Maamina biawãra mʉʉba jaraaruu: Romad̶ebena baita chi nejarra pebadaurã maud̶e wẽrarã aud̶uabadaurã machi audeara Dachi Akõreba ichid̶irã ichi juad̶e ua b̶uabariid̶e paneed̶ai.

1 Tesalonicenses 5:18

Jomad̶e Dachi Akõremaa ichíturu kid̶ibai a panásturu. Mau Dachi Akõreba kʉ̃ria b̶uu, machi Jesucristod̶e ijãabadaud̶eeba.

Colosenses 4:12

Machi puurud̶ebena Jesucristo baita bari trajabarii Epafrasba jarabʉi b̶uu machi biꞌia panad̶ai. Ichiba ewaricha Dachi Akõremaa ʉtaa id̶i b̶uabarii machi ne jomad̶e dauchia jãadua nuread̶amera, ãrea ijãa panad̶amera, maud̶e joma Dachi Akõreba waubi kʉ̃ria b̶uu kuitaad̶aped̶a waud̶amera.

Colosenses 1:9

Maka ũrisid̶aud̶eed̶ebena daiba machi baita ewaricha Dachi Akõremaa ʉtaa id̶i panuu ichiba waubi kʉ̃ria b̶uu machimaa joma kuitaabiamera. Mau awara ʉtaa id̶i panuu ichiba maarãmaa kʉ̃risia kuitaa maud̶e kauwa ũri ichi Jaurid̶eeba joma deamera.

Juan 7:17

Chi Dachi Akõreba kʉ̃ria b̶uu waui baita b̶uuba arakʉd̶e kuitaai chi mʉʉba jaradea b̶uu Dachi Akõred̶ebena neeruu, maebʉrã ara mʉ kʉ̃risiad̶eeba jaradea b̶uu.