1 Juan 1:8 - Emberá Chamí

⁸ Dachi kachiruaswãe panuu a panuubʉrã, ara dachi du ab̶a setaa jara panuu maud̶e biawãra bed̶ea adua panuu.

1 Juan 1:8 Referans Kwoze

Romanos 3:23

Biawãra jomaurãba kachirua waubadaud̶eeba, Dachi Akõre biꞌia niid̶ebena awara nuree.

Santiago 3:2

Joma dachiba ãrea biꞌiwãe waubadau. Ab̶auba berrearuud̶e ab̶a sõ puꞌuabikaubʉrã, ne jomad̶e jipa nii maud̶e ichi kakua joma jipa b̶uu.

1 Juan 2:4

Ab̶auba jaraaruubʉrã: «Mʉʉba ichi unu b̶uu», maud̶e ichiba waubi b̶uu bed̶ea wauwẽa b̶uubʉrã, mauba setaa jara b̶uu. Chi biawãra bed̶ea adua b̶uu.

1 Juan 1:10

Kachirua waud̶akau aaduubʉrã, Dachi Akõre chi seta nii a panuu maud̶e ichi bed̶ea ijãad̶awẽa panuu.

Gálatas 6:3

Chi mechiuwãe b̶uuba ichi chi mechiu nii kʉ̃risia b̶uubʉrã, ara ichi du ab̶a setaa kũrua b̶uu.

Santiago 1:26

Ab̶auba Dachi Akõred̶e ijãa b̶uu kʉ̃risia b̶uubʉrã, maamina ichi kẽrame biꞌia nuwẽebʉrã, ara ichi du ab̶a setaa kũrua b̶uu. Biawãra bari ijãa b̶uu.

1 Timoteo 6:5

Mau ẽbẽrarã kʉ̃risia biawãe nuree maud̶e biawãra berrea adua nuree sid̶a barikia oa kachirua berreabadau. Ãchiba kʉ̃risiabadau Dachi Akõred̶e ijãa b̶uud̶eeba chi nejarra adaud̶ai.

1 Corintios 3:18

Ara machi du ab̶a setaa kũruarã́sturu. Ab̶auba chi nau iujãad̶ebena kʉ̃risia kuitaa kĩra ne kuitaa b̶uu kʉ̃risia b̶uubʉrã, waa maka kʉ̃risiabai b̶uu. Maumaarã chi biawãra kʉ̃risia kuitaa uru b̶uai baita nau iujãad̶ebenarã daad̶e ne adua b̶uu kĩra b̶uai b̶uu.

2 Juan 1:2

Maka kʉ̃ria panuu, chi biawãra bed̶ea dachi sõd̶e b̶uud̶eeba. Maud̶e dachi sõd̶e ewaricha b̶uai.

1 Juan 1:6

Ichi ome ãbua biꞌia panuu aaduubʉrã, maamina pãriud̶e nibaaduubʉrã, setaa jara panuu. Biawãra bed̶ea ijãad̶awẽa panuu.

Santiago 1:22

Dachi Akõre bed̶ea jara b̶uu kĩra wau panásturu. Ab̶aburu ũriiduu panarã́sturu. Maka nureebʉrã, ara machi du ab̶a setaa kũrua nuread̶ai.

2 Timoteo 3:13

Maud̶e ẽbẽra kachiruarãba maud̶e waabenarã setaa kũruabadaurãba aude kachirua wau panad̶ai. Waabenarã setaa kũrua panad̶ai maud̶e waabenarãba ãchi setaa kũruad̶ai.

3 Juan 1:3

Mʉ ãrea kĩrajʉʉsii, waabenarã ãbarã mʉʉmaa neeped̶aad̶aba nebʉrʉsid̶aud̶eeba bichiba chi biawãra bed̶ea ijãa b̶uu.

2 Pedro 2:13

Dachi Akõreba ãchi ãrea ichiai ara ãchiba wauped̶aad̶a kĩra. Ãchi ko ãrea nuree maud̶e itua do ãrea nuree. Mau ãchi baita kĩrajʉʉbadau. Ẽsabud̶e maud̶e ãsaed̶e maka waubadau. Ãbarã ome ãbua komaa panuud̶e maka waubadau. Maka machi tãed̶e paru jayoa miadaa kĩra nuree.

Juan 8:44

Machi akõre chi jʉbawãe niibʉ. Maud̶eeba ichiba kʉ̃ria b̶uu machiba waud̶ai kʉ̃ria panuu. Mau arab̶aed̶eed̶e mia beabariibʉ. Biawãrad̶eeba b̶uakau, chi biawãra ichid̶e wãꞌãed̶eeba. Setaa jaraaruud̶e, ara ichi kĩra setaa jarabarii, setaa jarabariid̶eeba maud̶e seta akõred̶eeba.

Romanos 3:10

Maud̶eeba Dachi Akõre bed̶ead̶e naka b̶ʉ kub̶uu: «Ẽbẽra jipa nii ab̶a bid̶a wãꞌãe.

1 Juan 4:20

Ab̶auba Dachi Akõre kʉ̃ria b̶uu aaruubʉrã, maud̶e ichi ãba kĩramaa b̶uaruubʉrã, setaa jara b̶uu. Chi ãba unu b̶uu kʉ̃riawẽa b̶uubʉrã, ¿saka Dachi Akõre unuwẽa nii kʉ̃ria b̶uaima?