1 Corintios 7:25 - Emberá Chamí

²⁵ Mau awara chi wabid̶a miakãid̶awẽa nuree ʉ̃rʉbena mʉʉba jaraaruu. Dachi Mechiu Jesucristoba mʉʉmaa mau ʉ̃rʉbena jaradeabiibasiid̶eeba mʉʉba kʉ̃risia b̶uu jaraaruu. Machiba kuitaa panuu Dachi Mechiuba mʉ kĩra chuburiasiid̶eeba mʉʉba biawãra jarabarii.

1 Corintios 7:25 Referans Kwoze

1 Corintios 7:6

Mʉʉba jaraaruu: machiba maka wau kʉ̃ria panuubʉrã, biꞌia b̶uu. Maamina mʉʉba wáubad̶e a b̶uuwãe.

1 Corintios 4:2

Biawãra chi chibari baita bari trajabariiba ichi jaradea ua b̶uabariiba waubi b̶uu joma jipa wau b̶uai b̶uu chi jaradea ua b̶uabariiba biꞌia unumera.

1 Corintios 7:40

Mʉʉba kʉ̃risia b̶uu ichi kima adauwẽebʉrã kĩrajʉʉ b̶uai. Maud̶e mʉʉba kʉ̃risia b̶uu Dachi Akõre Jauriba maka kʉ̃risiabi b̶uu.

1 Corintios 7:12

Chi nuree ãbarãmaa mʉʉba nau (nau Dachi Mechiu Jesusba mʉʉmaa jaradeabiwẽma): ãbaba chi wẽra Jesusd̶e ijãawẽa b̶uu uru b̶uubʉrã, maud̶e mau wẽra ichi ome b̶uai kʉ̃ria b̶uubʉrã, mau ãbaba chi mau amaabai b̶uu.

2 Corintios 11:17

Ara mʉ ʉ̃rʉbena biꞌia berrea b̶uud̶e Dachi Mechiuba maka berreabiwẽa b̶uu, maumaarã mʉ kʉ̃risiaswãe nii kĩra berrea b̶uu.

2 Corintios 2:17

Daiba chi nejarra adaud̶ai baita Dachi Akõre bed̶ea jaradea nibad̶aabai ãreaba waubadau kĩra. Maumaarã Cristo ome panuud̶eeba Dachi Akõreba dai bʉisii. Maud̶e ichi daad̶e kʉ̃risia sõbiad̶eeba jaradeabadau.

1 Corintios 15:10

Maamina Dachi Akõreba ichi sõbiad̶eeba mʉ b̶usii Jesucristoba bʉid̶a b̶uamera. Ichiba mʉ bari maka b̶uubasii. Maumaarã joma waabenarã chi Jesucristoba bʉid̶arã audeara mʉʉba ichi baita aude wau b̶uu. Maamina ara michid̶eeba maka wauwẽa b̶uu. Dachi Akõréburu ichi sõbiad̶eeba mʉ aid̶a b̶uu maka waumera.

1 Corintios 7:34

Maka chi wẽra bara b̶uuba kʉ̃risia ome uru b̶uabarii. Ara mau kĩra chi wẽra kima uru b̶uuba nau iujãad̶e ichi kima biꞌia uru b̶uai ãrea kʉ̃risia b̶uabarii. Ichi kima kĩrajʉʉbii kʉ̃ria b̶uu. Maamina chi wẽra mukĩrawãe b̶uuba Dachi Mechiu ʉ̃rʉbena biꞌia kʉ̃risia b̶uabarii. Nau kakuad̶e maud̶e jaurid̶e ichi baita biꞌia b̶uai kʉ̃ria b̶uu.

1 Corintios 7:28

Maamina kãiruubʉrã kachiruawãema. Wẽraba mukĩra adauruubʉrã kachiruawãema. Maamina chi kima adauruu nau iujãad̶e ãrea biꞌiwãe b̶uai. Machi maka ãrea biꞌiwãe panad̶ai mʉʉba kʉ̃riawẽa b̶uu.

1 Corintios 7:10

Mʉʉba nau jaraaruu chi kima bara nureerãmaa. Nau bed̶ea mʉʉd̶ewãema, maumaarã Dachi Mechiud̶ebʉ. Chi wẽraba ichi kima amaabai b̶uu.