1 Corintios 7:14 - Emberá Chamí

¹⁴ Mau Jesusd̶e ijãawẽa b̶uu mukĩra Dachi Akõre baita b̶eesii ichi wẽraba ijãa b̶uud̶eeba. Ara mau kĩra chi Jesusd̶e ijãawẽa b̶uu wẽra Dachi Akõre baita b̶eesii ichi kimaba ijãa b̶uud̶eeba. Makawãe basirã machi warrarã Dachi Akõre baita nuread̶aabai basii. Akõrerã Dachi Akõre baita panuud̶eeba ãchi sid̶a Dachi Akõre baita panuu.

1 Corintios 7:14 Referans Kwoze

Tito 1:15

Dachi Akõre daad̶e chi bia nuree baita ne joma Dachi Akõre daad̶e bia b̶uu. Maamina Dachi Akõred̶e ijãad̶akaurã baita ne ab̶a bid̶a biꞌiwãe b̶uu. Ãchiba kachirua kʉ̃risiabadau maud̶e ãchi sõd̶e nebʉra barauwãe nuree abadau.

1 Timoteo 4:5

Mau kod̶ai Dachi Akõre daad̶e biꞌia b̶uu Dachi Akõre bed̶eaba maka jara b̶uud̶eeba maud̶e ichimaa ʉtaa id̶ibadaud̶eeba.

Romanos 11:16

Trigo naa ea junaaduud̶e pan waud̶aped̶a mau pand̶ebena Dachi Akõremaa ab̶a deaduubʉrã, waabena pan sid̶a Dachi Akõred̶ebʉ. Maud̶e bakuru karr biꞌia b̶uubʉrã, chi bakuru jua sid̶a biꞌia nuree.

Hechos 10:23

Maabae Pedroba deed̶aa wãbisii. Mau ẽsabud̶e Pedro baara paneesid̶au. Norema Pedro jiraduped̶a ãchi baara wãsii. Maud̶e chi nuree ãbarã Jope puurud̶ebena ãchi baara wãsid̶au.

1 Corintios 7:13

Neekauba chi mukĩra Jesusd̶e ijãawẽa b̶uu uru b̶uubʉrã, maud̶e mau mukĩraba chi mau amaa kʉ̃riawẽebʉrã, mau neekauba ichi amaai b̶uu.