1 Corintios 5:7 - Emberá Chamí

⁷ Maud̶eeba masa ẽesãabibarii chi chõra ãyaa jirataaduu kĩra mau kachirua wau b̶uu machi tãed̶ebena ãyaa duabʉ́isturu. Maka machi kachiruaswãe nuread̶ai, harina wid̶i perad̶a ẽesãabibariiwãe b̶uu kĩra. Machi mau kĩra nureabiai baita, Cristo dachi kachirua kakua biusii, Egiptod̶ebena wãsid̶aud̶e oeja beaped̶aad̶a kĩra.

1 Corintios 5:7 Referans Kwoze

Efesios 4:22

Ãchimaa jaradeaped̶aad̶a naubʉ: naed̶e machiba wau panad̶a kĩra waa maka nibarã́sturu. Chi kakua kachirua wau kʉ̃ria b̶uuba setad̶eeba biꞌiwãe paneebiabarii. Mau ida b̶ústuru, paru sore ẽebadau kĩra.

Juan 1:29

Mau norema Juanba Jesús ichimaa neeruu unusiid̶e naka jarasii: «¡Ichiásturu! Jãu Dachi Akõre oeja chekebʉ. Ichid̶eeba Dachi Akõreba nau iujãad̶ebenarãba kachirua waubadau perdonabarii.

Apocalipsis 5:12

Naka jĩwa kari panasid̶au: «¡Chi oeja kaebeu beaped̶aad̶a ãrea biꞌia nii! Jomaurãba mau biꞌia berread̶ai panuu ne joma poyaabariid̶eeba, ne joma uru b̶uud̶eeba, joma kuitaa b̶uud̶eeba maud̶e ãrea poyaabariid̶eeba. Ichi chi aude mechiu nii ad̶ai panuu maud̶e chi aude bia nii ad̶ai panuu».

1 Corintios 10:17

Dachiba pan ab̶a b̶uu ãrea b̶ʉakuaped̶a kobadau. Ara mau kĩra dachi ãrea panumina kakua ab̶a b̶uu kĩra nuree.

Juan 19:14

Judiorã Pascua ewari norema baid̶eeba ãchi ne wau panasid̶au. Ʉmada jipa baaruud̶e Pilatoba judiorãmaa jarasii: —Ichiásturu. Cha nau machi reybʉ.

Marcos 14:12

Pascua ewarid̶e pan ẽesãabibariiwãe kobachid̶au. Chi nabena ewarid̶e oeja kaebeu ab̶a bead̶aped̶a, kobachid̶au. Mau ewarid̶e Jesús baara nibabadaurãba ichimaa wãd̶aped̶a id̶isid̶au: —¿Bichiba sama kʉ̃ria b̶uma daiba chi mau chiko kobadau bichi baita waud̶ai?

Juan 1:36

Maud̶e Juanba Jesús ara kaita wãaruu unukare jarasii: —¡Ichiásturu! Jãu Dachi Akõre Oeja Chekebʉ.

Mateo 13:33

Maud̶e Jesusba maucha nebʉrʉsii, jaradeai baita: «Bajãad̶e B̶uuba ichid̶irã ichi juad̶e ua b̶uu masa ẽesãabibarii kĩra b̶uu. Mau masa ẽesãabibarii wẽraba b̶aꞌãra adauped̶a harina ãread̶e kuasii. Maabae ed̶a ãrea perasii ab̶a joma ẽesãaruud̶aa».

Romanos 3:25

Dachi Akõreba Jesucristo b̶usii ichi oa chemera, dachi kachirua kakua. Mau ijãaduud̶e Dachi Akõreba dachi kachirua perdonabarii. Maka unubia b̶uu Dachi Akõre jipa nii, dachi karibai baita. Cristo neei naed̶e kachirua wauped̶aad̶a Dachi Akõreba joma dauchia jãadua b̶uud̶eeba kastikawẽa b̶uasii.