1 Corintios 4:21 - Emberá Chamí

²¹ Mau ¿machiba saka kʉ̃ria panuma? ¿Kʉ̃ria panuka mʉʉba iadaad̶e wãi maebʉrã kʉ̃riad̶eeba, biꞌia berread̶eeba wãi?

1 Corintios 4:21 Referans Kwoze

2 Corintios 13:2

B̶es ome machimaa wãsiid̶e mʉʉba jarasii kachirua wau nureerãmaa waa waurãad̶amera. Maka waud̶awẽebʉrã, waya neeruud̶e mʉʉba ãchi kĩra chuburiabai asii. Maud̶e ara ʉ̃raud̶e mʉ machi baara b̶uuwãemina arab̶aud̶e jaraaruu: kachirua wau nureerãba ida b̶ud̶awẽebʉrã, mʉ waya wãaruud̶e ãchi kĩra chuburiabai.

1 Tesalonicenses 2:7

Maumaarã daiba kʉ̃ria panuud̶eeba machi kariba panasid̶au chi naweba chi warrarã nubarii kĩra.

2 Corintios 13:10

Maud̶eeba machimaa wãi naed̶e mʉʉba nau karta urubʉiruu. Machiba mau ijãaduubʉrã machimaa neeruud̶e mʉʉba iadaabai. Biawãra Dachi Mechiu Jesusba mʉ b̶uubasii machi kachirua waud̶amera, maumaarã mʉ b̶usii machiba biꞌia ijãad̶amera.

2 Corintios 2:3

Maud̶eeba machi ichiad̶e wãi bad̶amaarã karta urubʉisii. Maka mʉ wãaruud̶e machiba mʉ kĩra nomaabid̶aabai. Machiba mʉ kĩrajʉʉbid̶ai panuu. Mʉʉba kuitaa b̶uu machiba maka waud̶aid̶eeba mʉ ome ãbua kĩrajʉʉ panad̶ai.

2 Corintios 1:23

Mʉʉba Dachi Akõre daad̶e jaraaruu: Corintod̶aa wabid̶a wãwãe b̶uu machi kĩra nomaabiamaaba chi mʉʉba machi ãrea kastikakuai b̶uud̶eeba.

Santiago 3:17

Maamina chi Dachi Akõreba dea b̶uu kʉ̃risia kuitaa uru nureerãba ne jomad̶e jipa waubadau, jomaurã ome jirukaraayuwãe nuread̶ai baita jʉrʉbadau, jomaurã ome biꞌia panabadau, ab̶auba jara b̶uu ũrid̶ai baita panabadau, waabenarã kĩra chuburiabadau maud̶e ne joma biꞌia waubadau. Ab̶a waabenarã audeara biꞌia waud̶akau. Ichiba jara b̶uu kĩra biawãra waubarii.

2 Corintios 10:6

Daiba ãbarã sõ chaarea nuree kastikad̶ai baita panuu. Maamina naa esed̶au panuu machiba Cristod̶e joma ijãa panuu unubiad̶amera.

2 Corintios 2:1

Maud̶eeba mʉʉba kʉ̃risiasii machi ichiad̶e wãabai. Waya kastikad̶e wãaruud̶eeba machi kĩra nomaabiai kʉ̃riabasii.

2 Corintios 10:8

Dachi Akõreba daimaa waubi b̶uu ʉ̃rʉbena mʉʉba ãrea berrea b̶umina mau kakua kĩra nejasia b̶uuwãe. Dachi Mechiuba daimaa maka waubi b̶uu machiba biꞌia ijãad̶amera. Ichiba dai b̶uubasii machiba ijãa panuu ida b̶ud̶amera.

2 Corintios 3:10

Moisesba b̶ʉd̶a ãrea biꞌia b̶uasmina id̶ibae ãrea biꞌiwãe b̶uu ichiba bed̶ea chiwid̶i dead̶a aude bibuara b̶uud̶eeba.

1 Corintios 5:5

mau ẽbẽra kastikad̶amera. Mau ãyaa duabʉid̶ai panuu, Satanasba ãrea biꞌiwãe b̶uabimera. Makaaduubʉrã nau kakuaba kachirua wau kʉ̃ria b̶uu ida b̶ui. Maud̶e Dachi Mechiu neei ewarid̶e ichi karibai.

1 Corintios 4:18

Waabenarã machid̶ebena chi mechiurã kĩra nibabadau, kʉ̃risia panuud̶eeba mʉ machimaa wãabai.

2 Corintios 12:18

Mʉʉba Titomaa chi chuburia id̶isii machi ichiad̶e wãmera. Junebena ãba sid̶a ichi ome bʉisii. Ãchi wãsid̶aud̶e ¿Titoba machi setaa kũruaska chi nejarra adaui baita? ¿Daiba arab̶au kʉ̃risia uru panad̶aabaska? ¿Ara mau kĩra nibad̶aabaska?

Gálatas 6:1

Ãbarã, machid̶ebena ab̶a mia aduad̶e kachiruad̶e b̶aeruubʉrã, machi chi Dachi Akõre Jaurid̶eeba nureerãba, waabenarã audeara biꞌia nuree kʉ̃risiad̶akaud̶eeba, aid̶ad̶ai panuu mau waya jipa nibamera. Maamina kauwa panásturu machi sid̶a ara mau kĩra kachiruad̶e b̶aerãad̶amera.