1 Corintios 4:14 - Emberá Chamí

¹⁴ Mʉʉba mau b̶ʉ kub̶uwẽe machi kĩrakayabiai baita. Maumaarã mʉ warrarã kĩra machi kʉ̃ria b̶uud̶eeba maka b̶ʉ kub̶uu jipa kʉ̃risiabiai baita.

1 Corintios 4:14 Referans Kwoze

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

3 Juan 1:4

Mʉ ãbarãba chi biawãra bed̶ea ijãa panuu ũriiruud̶e, mʉ ãrea kĩrajʉʉ b̶uabarii.

1 Corintios 9:15

Maamina mʉʉba mau adaukau. Mau ʉ̃rʉbena nau kartad̶e b̶ʉwãe b̶uu machiba chi nejarra dead̶amera. Mʉʉba jaradea b̶uud̶eeba chi nejarra adaukaud̶eeba kĩrajʉʉ b̶uu. Mʉʉba kʉ̃riawẽma ab̶au bid̶a chi nejarra dea b̶uud̶eeba mau kĩrajʉʉ wãꞌãebii. Mʉʉmaarã machid̶ebena chi nejarra adaui kãyabãra biui bibuara b̶uu.

1 Corintios 4:15

Machiba Cristo ʉ̃rʉbena jaradeabadaurã ãrea uru panad̶a basirã wabid̶a akõre ab̶a uru panad̶ai basii. Mʉʉd̶eeba machiba chi bed̶ea bia Jesús ʉ̃rʉbena ijãaped̶aad̶ad̶eeba ichid̶eeba mʉ machi akõrebʉ.

1 Tesalonicenses 5:14

Ãbarã, daiba chi chuburia id̶i panuu chi machi tãed̶e koꞌoa nureerãmaa kĩra ʉb̶ʉa berread̶amera. Chi sõd̶e kĩra nomaa nuree kĩrajʉʉbísturu, maud̶e chi poyaa dauchia jãadua nuread̶awẽa nuree maud̶e chi sõd̶e meserãa wãꞌãe nuree aid̶ásturu. Jomaurã ome dauchia jãadua panásturu.

Colosenses 1:28

Joma kʉ̃risia kuitaad̶ebena daiba Cristo ʉ̃rʉbena jomaurãmaa jaradea panuu jipa nibad̶amera. Maka daiba ẽbẽrarã joma Cristod̶eeba jomad̶e jipa panuu Dachi Akõremaa unubiad̶ai.

2 Corintios 12:19

¿Machimaarã daiba maka jara panuka dai ʉ̃rʉbena kachirua kʉ̃risiarãad̶amera? Makawãema. Ãbarã, dai Cristod̶erãd̶eeba Dachi Akõre daad̶e joma mau jara panuu machiba biꞌia ijãad̶amera.

2 Corintios 11:11

¿Mʉʉba sakãe maka chi nejarra id̶iwẽa b̶uma? ¿Machi kʉ̃riawẽa b̶uud̶eeba maka wau b̶uka? Dachi Akõreba kuitaa b̶uu mʉʉba machi kʉ̃ria b̶uu.

2 Corintios 7:3

Mʉʉba mau jarawẽa b̶uu machi ʉ̃rʉbena kachirua jarai baita. Mʉʉba naed̶e jara b̶uasii daiba machi sõd̶eeba kʉ̃ria panuu. Maud̶e machi ome ãbua panuud̶e maebʉrã biuduud̶e maka kʉ̃ria panad̶ai.

1 Corintios 15:34

Jipa kʉ̃risiásturu. Kachirua waa waurã́sturu. Waabenarã chi nuree machid̶ebenaba Dachi Akõre adua nuree. Maud̶eeba machi perad̶ai panuu.

1 Corintios 6:5

Mʉʉba mau jara b̶uu machi kĩrakayad̶amera. ¿Machi tãed̶e kʉ̃risia kuitaa nii ab̶a bid̶a wãꞌãeka, ãbarã nebʉrad̶e panuurã biꞌia berreabiai baita?

Hechos 20:31

Maud̶eeba kauwa panásturu. Kĩrabásturu mʉʉba año õbea ãyadaa maud̶e ẽsabud̶e jẽa b̶uuba machicha chi setaa jaradeabadaurã ʉ̃rʉbena kauwa nuread̶ai jara b̶uasii.

1 Corintios 4:17

Maud̶eeba Timoteo machimaa bʉiruu. Dachi Mechiud̶eeba mʉ warr kʉ̃riabarii kĩra nii, maud̶e jipa nibabarii. Ichiba machimaa kĩrababiai mʉ Jesucristo ome saka jipa nii. Mʉ maka nibai chi ẽbẽrarã Jesucristod̶erã duanabariicha jaradea b̶uu.

2 Tesalonicenses 3:14

Daiba nau kartad̶e jaradeaped̶aad̶a ab̶au bid̶a ijãawẽebʉrã, jomaurãmaa kuitaabiásturu mau kachirua wau b̶uu. Mau ome ãbua panarã́sturu kĩrakaya b̶eemera.

Filemón 1:10

chi chuburia id̶i b̶uu chi bichi baita bari trajabarii Onésimo baita. Mau mʉ warr kĩra nii. Mʉ nama jʉ̃a b̶uud̶e mauba mʉʉd̶eeba Cristod̶e ijãasiid̶eeba mʉ warr kĩra b̶eesii.

1 Juan 2:1

Ãbarã, machi mʉ warrarã kĩra nuree. Mʉʉba mau b̶ʉmaa b̶uu machiba kachirua waurãad̶amera. Maamina ab̶aba kachirua wauruubʉrã, ab̶a uru panuu Dachi Bajãad̶ebena Akõremaa dachi baita chi chuburia id̶imera. Mau chi chuburia id̶ibarii Jesucristobʉ. Ne joma jipa waubarii.