1 Corintios 15:29 - Emberá Chamí

²⁹ Biuped̶aad̶a chokae jiradud̶akaubʉrã, ¿sakãe chi nuree biuped̶aad̶a kakau boro ea panuma? Dachi Akõreba biuped̶aad̶a chokae jiradubiawẽebʉrã, ¿sakãe maarã kakua boro ead̶aima?

1 Corintios 15:29 Referans Kwoze

Mateo 20:22

Maud̶e Jesusba jarasii: —Machiba adua panuu kãare id̶i panuu. Mʉ ãrea biꞌiwãe b̶uai. ¿Machi sid̶a biawãra ara mau kĩra ãrea biꞌiwãe panad̶ai kʉ̃ria panuka? Ãchiba panausid̶au: —Maerã, poyaa biꞌiwãe panad̶ai panuu.

1 Corintios 15:32

Éfeso puurud̶e Dachi Akõre bed̶ea jaradeai baita mʉ ãrea biꞌiwãe b̶uasii ãnimara kachirua nuree ome chĩo b̶uu kĩra. Biuped̶aad̶a chokae jiradud̶aabaibʉrã, ¿mʉ ãrea biꞌiwãe b̶uasiid̶eeba kãare biꞌia adausma? Biawãra dachi chokae jiradud̶aabaibʉrã, biꞌia b̶uu waud̶ai waabenarãba jarabadau kĩra: «Biꞌia kod̶ai, itua dod̶ai nu biud̶aid̶eeba».

Mateo 3:6

Ãchiba kachirua wauped̶aad̶a ichi daad̶e jarabachid̶au. Maabae Juanba ãchi Jordán dod̶e boro eakuabachii.

1 Corintios 15:28

Dachi Akõre Warr Cristoba joma poyaasiid̶e ichi Dachi Akõre juad̶e b̶eei Dachi Akõreba joma ichi juad̶e b̶ud̶a kĩra. Maka Dachi Akõreba joma ichi juad̶e uru b̶uai.

1 Corintios 15:30

Maud̶e biuped̶aad̶a chokae jiradud̶awẽebʉrã, ¿dai sakãe Jesucristo bed̶ea baita ewaricha kachiruad̶e ãrea biꞌiwãe panuu?