1 Corintios 15:12 - Emberá Chamí

¹² Daiba Cristo chokae jiradud̶a ʉ̃rʉbena jaradeabadau. Mau ¿saka waabenarã machid̶ebenaba biuped̶aad̶a chokae jiradud̶aabai a panuma?

1 Corintios 15:12 Referans Kwoze

Hechos 17:32

Mau biu b̶uad̶a chokae jiradubid̶a ʉ̃rʉbena ũrisid̶aud̶e chi nureerãba ʉisid̶au. Maamina waabenarãba jarasid̶au: —Jãad̶akare bichiba mau ʉ̃rʉbena berrea b̶uu waya ũrid̶ai.

2 Timoteo 2:18

Ãchi chi biawãra bed̶ead̶ebena ãyaa wãsid̶au. Ãchiba jaradeabadau ẽbẽrarã biuped̶aad̶a chokae jiraduped̶aad̶a. Maud̶eeba waabenarãba Cristod̶e ijãa panuu ʉ̃rʉbena ãyaa kʉ̃risia paneesid̶au.

Hechos 23:8

(Saduceorãba jarabadau biud̶arã chokae jiradud̶akau, angelerã wãꞌãe, jauri sid̶a wãꞌãe. Maamina fariseorãba joma mau ijãa panuu).

1 Corintios 15:11

Waabenarã Jesusba bʉid̶arãba ichi ʉ̃rʉbena jaradea panuubʉrã maebʉrã mʉʉba jaradea b̶uubʉrã, arab̶aud̶e jaradea panuu. Maud̶e machiba ara mau bed̶ea ijãasid̶au.