1 Corintios 14:3 - Emberá Chamí

³ Maamina chi Dachi Akõre baita berrea b̶uuba ẽbẽrarãmaa berrea b̶uu biꞌia ijãad̶amera, chaarea nuread̶amera maud̶e sõbia panad̶amera.

1 Corintios 14:3 Referans Kwoze

1 Corintios 14:12

Machi ara mau kĩra nuree. Dachi Akõre Jauriba waubi b̶uu machiba ãrea wau kʉ̃ria panuud̶eeba ãbarã aid̶ai baita biꞌia wau kʉ̃riásturu ãchiba biꞌia Dachi Akõred̶e ijãad̶amera.

1 Timoteo 4:13

Mʉ jãmaa wãaruumisa, jomaurã daad̶e Dachi Akõre bed̶ea jĩwa ed̶a jarase, jaradea b̶uase maud̶e ãbarã aid̶a b̶uase biꞌia ijãad̶amera.

Judas 1:20

Maamina ãbarã, machicha aid̶ásturu Cristod̶e ãrea ijãad̶amera. Dachi Akõremaa ichi Jaurid̶eeba ʉtaa id̶ísturu.

Tito 1:9

Chi biawãra bed̶ea ichimaa jaradeaped̶aad̶a ãrea ijãa b̶uai b̶uu. Maka ichiba biawãra bed̶ea jipa jaradea b̶uud̶eeba ẽbẽrarã poyaa aid̶ai biꞌia ijãad̶amera maud̶e chi biawãra bed̶ea kachirua abadaurãmaa poyaa kuitaabiai maarãba biꞌiwãe kʉ̃risia panuu.

Efesios 6:22

Mʉʉba ichi machimaa bʉiruu kuitaad̶amera dai saka panuu. Mauba machi kĩrajʉʉbiai.

2 Timoteo 4:2

Dachi Akõre Bed̶ea jaradea b̶uase. Ẽbẽrarãba ũri kʉ̃ria panuud̶e maud̶e ũri kʉ̃riad̶awẽa panuud̶e jaradeai baita b̶uase. Biꞌiwãe wau nuree jipa waui kuitaabiáse. Kachirua wau nuree iadaase. Maud̶e ãbarã aid̶ase biꞌia ijãad̶amera. Joma jãadua b̶uud̶eeba, kauwa jaradea b̶uud̶eeba maka wause.

Tito 2:6

Kũudrãarãmaa jaradease kʉ̃risia biad̶eeba jipa nibad̶amera.

1 Corintios 14:31

Jomaurã ab̶aab̶aa Dachi Akõre baita berread̶ai panuu biꞌia kuitaad̶amera maud̶e biꞌia ijãad̶amera.

1 Corintios 14:26

Maud̶eeba ãbarã, ¿saka arakʉd̶e waud̶aima? Machi araa ãbua imiiduud̶e ab̶auba Dachi Akõre bed̶ead̶ebena kari karii b̶uu, ab̶auba Dachi Akõre bed̶ea jaradeai b̶uu, ab̶auba Dachi Akõreba unubid̶a jarai b̶uu, ab̶auba dachiba ũrid̶akau bed̶ead̶e berreai b̶uu maud̶e ab̶auba mau berread̶a kuitaa jarai b̶uu. Maamina joma mau waud̶ai panuu ãbarãba biꞌia ijãad̶amera.

Romanos 14:19

Maud̶eeba jʉrʉd̶ai panuu ãbarã ome jirukaraayuwãe nuread̶ai baita. Maka chiya aid̶a panad̶ai biꞌia ijãad̶ai baita.

Hechos 13:15

Maabae chi mechiurãba chi Moisesba b̶ʉd̶a maud̶e Dachi Akõre baita berreabadaurãba b̶ʉped̶aad̶a jĩwa ed̶a jarasid̶au. Maabae Pablo maud̶e Bernabé akʉ panuumaa naka jarad̶e wãbiasid̶au: —Ãbarã, machiba dai aid̶ad̶ai baita bed̶ea jarad̶ai uru panuubʉrã, jarásturu.

Tito 2:9

Chibari baita bari trajabadaurãmaa jaradease ãchi chibariba jara b̶uu joma waud̶amera. Ne joma biꞌia waud̶ai panuu ãchi chibariba biꞌia unumera. Ãchiba jaraaruu arakʉd̶e panaud̶aabai panuu.

1 Tesalonicenses 2:3

Daiba machimaa biawãrawãe jaradeabadau ijãarãad̶amera id̶id̶aabasii. Maud̶e machi tãed̶e setad̶eeba panuuwãe basii, machi setaa kũruad̶ai baita.

1 Corintios 10:23

Waabenarãba jara panuu «Cristod̶e ijãa b̶uud̶eeba mʉʉba kʉ̃ria b̶uu kĩra joma waui b̶uu». Maamina mʉʉba jaraaruu: ne joma waui b̶umina joma dachiba wau kʉ̃ria b̶uuba dachi aid̶akau. Biawãra joma dachiba wau kʉ̃ria b̶uu waui b̶umina joma mauba ãbarã aid̶akau.

1 Pedro 5:12

Ãba Silvanoba nau karta cheke aid̶a b̶ʉsii. Mʉʉba kuitaa b̶uu ara ichiba jara b̶uu kĩra joma waubarii. Nau kartad̶eeba mʉʉba machi aid̶a kʉ̃ria b̶uu biꞌia ijãad̶amera. Maud̶e kuitaabiai kʉ̃ria b̶uu biawãra Dachi Akõreba ichi sõbiad̶eeba aid̶a b̶uu. Mau ijãa panásturu.

Hebreos 13:22

Ãbarã, mʉʉba nau karta b̶aꞌãra b̶ʉsii machiba biꞌia ijãad̶amera. Maud̶eeba mʉʉba machimaa chi chuburia id̶iiruu nau bed̶ea bia ũrid̶amera.

Hebreos 10:25

Ãbua duanad̶ai ida b̶ud̶aabai panuu chi nureeba waubadau kĩra. Maumaarã bari chiya aid̶ad̶ai panuu aude ijãad̶ai baita. Maka biꞌia waud̶ai panuu, Dachi Mechiuba nebʉra kastikai ewari kãꞌãabariwãed̶e neei kuitaa panuud̶eeba.

Tito 2:15

Joma mau jaradea b̶uase. Aid̶ase ãbarãba mau bed̶ea waud̶amera. Biꞌiwãe wau nuree iadaase, Dachi Akõreba bichi b̶usiid̶eeba maka waumera. Ãbarãmaa bichi ida makabiarã́se.

1 Timoteo 6:2

Ãchi chibari bid̶a Cristod̶e ijãa b̶uubʉrã, kʉ̃risiad̶aabai panuu ãbad̶eeba wapead̶aabai panuu. Maumaarã ichi baita bibuara trajad̶ai panuu. Ãchi trajud̶eeba Cristod̶e ijãa b̶uuba chi nejarra adaubariid̶eeba, kʉ̃riad̶eeba ichi baita trajad̶ai panuu. Mau jaradea b̶uase. Maud̶e ãchimaa jarase maka waud̶amera.

1 Timoteo 1:4

Ãchimaa jarase nabẽraed̶ebena nebʉrʉ maud̶e dachi nabẽraed̶ebenarã trʉ̃ ãrea jaradeabadau ʉ̃rʉbena ãrea kʉ̃risiarãad̶amera. Maud̶eeba oa kachirua berrea duaneebiabarii. Mauba dachi aid̶akau Dachi Akõreba waubi b̶uu waud̶amera. Ab̶a ichi bed̶ea ijãa panuud̶eeburu poyaa waud̶ai.

2 Tesalonicenses 3:12

Mau ãbarãmaa daiba Dachi Mechiu Jesucristod̶eeba chi chuburia id̶id̶ai jirukaraayuwãe trajad̶amera kod̶ai baita uru panad̶amera.

1 Tesalonicenses 4:18

Mau bed̶eaba machi chiya kĩrajʉ́sturu.

1 Tesalonicenses 4:1

Mau awara ãbarã, daiba machimaa jaradeasid̶au saka Dachi Akõre daad̶e nibad̶ai panuu ichiba biꞌia unumera. Dachi Mechiu Jesús trʉ̃d̶e daiba machimaa chi chuburia id̶i panuu, ara mau kĩra nibad̶amera. Biawãra machiba maka waumaa panuu, maamina biꞌia wáusturu.

1 Tesalonicenses 2:11

Mau awara kuitaa panuu chi akõreba ichi warrarã ome waubarii kĩra daiba machicha maka wau panasid̶au.

Efesios 4:29

Bed̶ea kachirua berrearã́sturu. Maumaarã bed̶ea biáturu berreásturu waabenarã aid̶ad̶ai baita. Maka machi bed̶ea ũri nuree biꞌia panad̶ai.

2 Corintios 2:7

Maumaarã, jãabae ichiba waud̶a perdonad̶ai panuu maud̶e mau sõbiabid̶ai panuu ãrea kĩra nomaa b̶eerãamera.

2 Corintios 1:4

Ne jomad̶e ãrea biꞌiwãe panuud̶e ichiba dai sõ kĩrajʉʉbiabarii waabenarã ãrea biꞌiwãe nuree sõ kĩrajʉʉbiad̶amera ichiba dai sõ kĩrajʉʉbiad̶a kĩra.

1 Corintios 14:17

Biawãra bichiba maka berrearuud̶e Dachi Akõremaa ichíturu kid̶ibai abarii kʉ̃ria b̶uu, maamina waabenarã aid̶awẽa b̶uu biꞌia ijãad̶amera.

1 Corintios 8:1

Jãabae Dachi Akõre kuenda juaba ne kaped̶aad̶amaa ãnimara kiuru baa dead̶a ʉ̃rʉbena mʉʉba jaraaruu. Machiba jara panuu mau ʉ̃rʉbena kʉ̃risia kuitaa panuu. Maamina chi kʉ̃risia kuitaaba dachi waabenarã audeara biꞌia b̶uu kʉ̃risiabiabarii. Dachiba waabenarã kʉ̃ria panuud̶eeba waabenarã aid̶abadau.

Romanos 15:2

Maumaarã waabenarãba kʉ̃ria panuu waud̶ai panuu maarã biꞌia nuread̶amera maud̶e biꞌia ijãad̶amera.

Romanos 12:8

Chi nureerãmaa deasii ãbarã aid̶a panuud̶eeba biꞌia ijãad̶amera. Maka dead̶akasiibʉrã, ãbarã aid̶ad̶ai panuu biꞌia ijãad̶amera. Chi nureerãmaa deasii ne kaebea dea panuud̶eeba waabenarã aid̶ad̶amera. Maka dead̶akasiibʉrã, sõbiad̶eeba dead̶ai panuu. Chi nureerãmaa deasii chi ijãabadaurã jaradea ua b̶uabarii nuread̶amera. Maka dead̶akasiibʉrã, jipa wau nuread̶ai panuu. Maud̶e chi nureerãmaa deasii waabenarã kĩra chuburiad̶amera. Maka dead̶akasiibʉrã, kĩrajʉʉd̶eeba kĩra chuburiad̶ai panuu.

Hechos 15:32

Judas maud̶e Silas Dachi Akõre baita berreabadaurã basii. Maud̶eeba ne ãrea jarasid̶au ãbarãba biꞌia ijãad̶amera maud̶e chaarea panad̶amera.

Hechos 14:22

Puurucha ãbarã aid̶abachid̶au Jesusd̶e biꞌia ijãad̶amera. Ãchiba Jesusd̶e ijãa panuu ida b̶urãad̶amera naka jarabachid̶au: «Ãrea biꞌiwãe panad̶ai panuu, Dachi Akõre juad̶e panad̶ai baita, ichid̶irã baara».

Hechos 9:31

Maumisa Judea druad̶e, Galilea druad̶e maud̶e Samaria druad̶e ãbarã jirukaraayuwãe duanasid̶au maud̶e ne baraakuasid̶au. Dachi Mechiu wapea panuud̶eeba nibasid̶au maud̶e Dachi Akõre Jauri poyaad̶eeba ãbarã aude baraasii.

Lucas 3:18

Ara mau kĩra maucha june ãrea berread̶eeba Juanba chi bed̶ea bia dachi karibai ʉ̃rʉbena jaradea b̶uabachii maud̶e jarabachii mau ijãad̶amera.

Hebreos 3:13

Wabid̶a ãyadaa b̶uud̶eed̶e ewaricha chiya aid̶a panásturu biꞌia ijãad̶ai baita. Maka ab̶a bid̶a kachiruaba setaa kũruaped̶a sõ chaarea nureabai.

Hechos 4:36

Maka wausii ẽbẽra Levid̶ebena need̶a, Joseba. Mau mukĩra Chipre islad̶ebena basii. Mau chi Jesusba bʉid̶arãba Bernabé abachid̶au (mau jara b̶uu «Kĩrajʉʉbibarii»).