1 Corintios 13:5 - Emberá Chamí

⁵ Chi waabenarã kʉ̃riabariiba waabenarã wapeadee ua b̶uabarii, ara ichi báitaburu b̶uu kʉ̃risiakau, bari au kĩrukau, waabenaba ichi kachirua waud̶a kĩrabakau.

1 Corintios 13:5 Referans Kwoze

1 Corintios 10:24

Ab̶au bid̶a ara ichi biꞌia b̶uai jʉrʉ b̶uabai b̶uu, maumaarã waabenarã biꞌia nuread̶amera jʉrʉ b̶uai b̶uu.

Santiago 1:19

Ãbarã mʉa kʉ̃riakuabarii, nau kʉ̃risia panásturu: Jomaurãba biꞌia ũrid̶ai baita nuread̶ai panuu, biꞌia nuread̶ai panuu, maud̶e barikia isa kĩrud̶aabai panuu.

Filipenses 2:21

Jomaurãba ara ãchi biꞌia nuread̶ai jʉrʉbadau, Jesucristoba kʉ̃ria b̶uu jʉrʉd̶ai bad̶amaarã.

Filipenses 4:8

Mau awara ãbarã, joma chi biawãra ʉ̃rʉbena, ne joma dachiba biꞌia b̶uu unubadau ʉ̃rʉbena, joma jipa b̶uu ʉ̃rʉbena, joma kachiruaswãe b̶uu ʉ̃rʉbena, jomaurãba kʉ̃riabadau ʉ̃rʉbena, joma biꞌia trʉ̃ poa b̶uu ʉ̃rʉbena, ne joma biꞌia ʉ̃rʉbena maud̶e ne joma dachiba biꞌia jarabadau ʉ̃rʉbena kʉ̃risia panásturu.

Gálatas 5:13

Ãbarã, Dachi Akõreba machi iusii ichiba ena duanad̶amera. Maamina karibaped̶aad̶ad̶eeba kʉ̃risiarã́sturu machi kakuaba kʉ̃ria b̶uu kĩra waud̶ai panuu. Maumaarã biawãra kʉ̃riad̶eeba chiya aid̶ásturu.

1 Corintios 12:25

Maka wausii dachi kakua kachirua b̶eerãamera, maumaarã dachi kakuad̶e nuree chiya nu panad̶amera.

2 Corintios 5:19

Biawãra Cristod̶eeba Dachi Akõreba nau iujãad̶ebenarã ichi ome waya ãbua duanabiasii. Dachiba kachirua wauped̶aad̶a joma perdonasii. Maud̶e mau bed̶ea ichi ome biꞌia b̶uai ʉ̃rʉbena daimaa deasii jaradead̶amera.

1 Corintios 10:33

Ara mau kĩra mʉʉba wau b̶uud̶eeba jomaurãmaa biꞌia kʉ̃risiabiai kʉ̃ria b̶uu. Ab̶aburu mʉ biꞌia b̶uai baita jʉrʉkau, maumaarã ẽbẽrarã ãrea biꞌia nuread̶amera jʉrʉbarii. Maka mʉʉba wau b̶uud̶eeba ãchiba Cristod̶e ijãad̶ai Dachi Akõreba karibamera.

1 Corintios 11:18

Naa jaraaruu mʉʉba ũri b̶uu machi araa ãbua imiiduud̶e kʉ̃risia aꞌawaraa duanabarii. Mʉʉba kʉ̃risia b̶uu chi mʉʉmaa nebʉrʉped̶aad̶a chi b̶ee biawãra b̶uu.

Mateo 5:22

Maamina mʉʉba jaraaruu: barikiu waabena ome kĩruuruubʉrã Dachi Akõreba kastikai. Barikiuba waabenamaa sũreena aaruubʉrã machi jaradea ua b̶uabadaurãba kastikad̶ai. Maud̶e barikiuba waabenamaa kachirua jaraaruubʉrã, Dachi Akõreba tʉbʉchia aoko kub̶uu kiikaud̶aa wãbii.

Lucas 7:39

Mau unusiid̶e Jesús iud̶a fariseoba naka kʉ̃risiasii: «Nau ẽbẽra biawãra Dachi Akõre baita berreabarii bad̶a basirã kuitaai basii kachirua waubarii wẽraba jãka wau b̶uu».

Marcos 3:5

Maud̶e Jesús jirukaraasii sõ chaarea nureed̶eeba. Nomaa kĩru kub̶uuba ãchi ichiaped̶a chi jua bʉʉ niimaa jarasii: —Jua jiwaase. Maka jiwaaruud̶e ichi jua biꞌia did̶isii.

2 Tesalonicenses 3:7

Machiba kuitaa panuu dai nibaped̶aad̶a kĩra machi nibad̶ai panuu. Machi tãed̶e panasid̶aud̶e dai koꞌoa panad̶aka basii.

1 Corintios 7:36

Mukĩra ab̶aba ãwera ome adaui baita bed̶ea dea b̶uubʉrã, adaui naed̶e poyaa jãaduawẽe kʉ̃risiaruubʉrã maud̶e isa kãi kʉ̃riaruubʉrã, kãi b̶uu. Mau kachiruawãema.

Mateo 9:4

Maamina ãchiba kʉ̃risia panuu Jesusba kuitaasii. Maud̶eeba jarasii: —Machiba ¿sakãe kachirua kʉ̃risia panuma?

2 Timoteo 2:10

Mau baita mʉʉba joma jãadua b̶uu Dachi Akõreba jʉrʉ adaud̶a ẽbẽrarã karibai baita. Maka Dachi Akõreba ãchi sid̶a Jesucristod̶eeba aid̶ai ewaricha ichi biad̶ebena uru panad̶amera.

2 Timoteo 4:16

Ara michi baita chi juez daad̶e berreasiid̶e ab̶au bid̶a mʉ kakua berreabasii, mʉ aid̶ai baita. Maumaarã jomaurãba mʉ ida b̶usid̶au. Mʉʉba kʉ̃riawẽe mau ʉ̃rʉbena Dachi Akõre daad̶e maarã nebʉra baraa panuu ayu.