1 Corintios 11:25 - Emberá Chamí

²⁵ Koped̶aad̶akare, ara mau kĩra basu ichi juad̶e adauped̶a jarasii: «Nau basud̶e b̶uu mʉ oabʉ. Mʉ oad̶eeba Dachi Akõreba machimaa bed̶ea chiwid̶i dearuu. Nau dooduucha mʉ kĩrabad̶ai baita dósturu».

1 Corintios 11:25 Referans Kwoze

Lucas 22:20

Koped̶aad̶akare, ara mau kĩra basu ichi juad̶e adauped̶a jarasii: —Nau basud̶e b̶uu mʉ oa machi baita chei. Mʉ oad̶eeba Dachi Akõreba machi ome bed̶ea chiwid̶i dearuu.

Hebreos 13:20

Dachi Mechiu Jesucristo chi Oeja Nubarii Mechiubʉ. Dachi Akõreba chi dachi jirukaraayuwãe b̶uai deabarii ichi biu b̶uad̶a chokae jiradubisii. Jesucristo oad̶eeba ẽbẽrarã Dachi Akõred̶erã ome bed̶ea deasii. Mau ewaricha b̶uai.

2 Corintios 3:6

Dachi Akõreba dai b̶usii ichiba ẽbẽrarãmaa bed̶ea chiwid̶i dead̶a poyaa jaradead̶amera. Mau bed̶ea chiwid̶i dead̶a Moisesba b̶ʉd̶a kĩra juaba b̶ʉd̶awãe, maumaarã Dachi Akõre Jauriba kuitaabi b̶uu. Moisesba b̶ʉd̶aba kuitaabi b̶uu kachirua wau panuu kakua ẽbẽrarã biud̶ai panuu, maamina Dachi Akõre Jauriba dachimaa chokae nibabiabarii.

1 Corintios 10:16

Dachi Mechiu kĩraba panuud̶e dachiba uva b̶aa basud̶e b̶uu ʉ̃rʉbena Dachi Akõremaa ichíturu kid̶ibai ad̶aped̶a dobadau. Mau dooduud̶e unubibadau dachi Cristo oad̶eeba ichi ome ãbua panuu. Maud̶e pan b̶ʉakuad̶a kooduud̶e unubibadau Cristo nau kakuad̶e ãrea biꞌiwãe b̶uasiid̶eeba dachi ichi ome ãbua panuu.

2 Corintios 3:14

Maamina ãchiba mau ʉ̃rʉbena kuitaad̶aabasii. Id̶ibae bid̶a judiorãba chi Moisesba b̶ʉd̶a ichiaduud̶e kuitaad̶akau. Ãchi kʉ̃risia wabid̶a paruba mera panuu kĩra nuree, ab̶a Cristod̶éburu mau ãyaa ewaid̶eeba.

1 Corintios 11:24

Dachi Akõremaa bichíturu kid̶ibai aped̶a chi pan b̶ʉaruud̶e jarasii: «Adáusturu. Kósturu. Nau mʉ kakuabʉ, machi kakua dearuu. Mʉ kĩrabad̶ai baita ara nau kĩra wau panásturu».