Ãmpigãama 16:6 - Diiloŋ-nelma Tobisĩfɛlɛnni

⁶ Baŋ kuɔ ŋ baamba‑i baa ŋ *pɔpuɔrbiemba‑i, ku'i ciɛ ŋ hã-ba tãmma wuɔ ba nyɔŋ. Baŋ taa ba taara kumaŋ ba daa-ku.»

Ãmpigãama 16:6 Referans Kwoze

Ãmpigãama 11:18

*Niɛraamba taa ba gãŋ baa-ni. Ŋga fiɛfiɛ‑i-na nuɔnɛi ka gãŋ baa-ba. Ŋ ka pigãaŋ-ba ŋ jãyãmma‑i. Bikuomba gɛrma hii. Ŋ cãarãamba maŋ waaŋ ŋ nelma‑i, ba pãmmaŋ-huɔŋgu hii, ka hel baa ŋ baamba maŋ kãaŋ-niŋ hiere, nelbɔ̃mbɔ̃mbaa-ba‑i baa nyuɔnyuɔ-baamba‑i hiere ba pãmmaŋ-huɔŋgu hii. Bamaŋ bi guɔlaayaŋ hĩɛma‑i, ba kɔsuɔmaŋ-huɔŋgu yaa hii daaku‑i.»

Ãmpigãama 18:24

A naara kufaŋgu‑i, ba kuɔ Diilopɔpuɔrbiemba‑i baa Diiloŋ-baamba‑i naŋ huɔŋga yaa nuɔ‑i. Baŋ kuɔ bamaŋ hiere hĩɛma-na, ŋ nuŋgu dii ba kuliiŋgu-na.»

Ãmpigãama 13:15

Baa naa hã bĩŋwobalŋo maŋ hilaa hĩɛma-na ku fɔ̃ŋgũɔ‑i u ce baŋ sisãaŋ umaŋ jĩna u tuɔ fiisa aa gbãa tuɔ piiye aa tuɔ bi ko bamaŋ sa dũunaanaŋ ba jaal-o hiere.

Ãmpigãama 19:2

U maacemma faa aa ma yaaŋga yaa dumaaŋo-na. U gãaŋ baa saasorcɛnampãnto maŋ taa u celieŋ nuɔmba‑i hĩɛma-na hiere baa u kakarkuoŋo‑i. Uŋ kuɔ Diiloŋ-cãarãamba maŋ, Diiloŋo suu ku sɔlaaŋgu‑i yuɔ.

Ãmpigãama 13:10

Diiloŋ duɔ cira ba bel umaŋ, ba ka bel-o; duɔ cira ba cãa umaŋ nuoŋ-nu‑i, ba ka bi cãa-ku. Terieŋgu faŋgu-na, Diiloŋ-baamba saaya ba hĩrã ba kũɔma‑i aa haa ba naŋga‑i Diiloŋo-na.

Ãmpigãama 18:20

Dɔrtaaŋ namaa, taa na nyɛ! Diiloŋ-baaŋ namaa, taa na nyɛ! Yesu *pɔpuɔrbieŋ namaa, taa na nyɛ! *Diilopɔpuɔrbieŋ namaa, taa na bi nyɛ! Nebuɔ daa uŋ ciɛ karaaŋgu maŋ baa-na, Diiloŋo pãa-yo baa kufaŋgu sullu yaa‑i.

Ebire 10:29

Terieŋgu faŋgu-na, umaŋ duɔ saa dii Diiloŋ-Biɛŋo nuŋgu‑i, umaŋ duɔ saa kãŋ *tobisĩnniŋ-tãmma maŋ pirii u ãmbabalma‑i, umaŋ duɔ tuɔ bĩɛna *Diiloŋ-Yalle yerre‑i, ŋ siɛ suɔ wuɔ di yaa pigãaŋ-yeŋ Diiloŋo hujarre‑i, fuɔ kũŋgu ka waa niɛ? Ku siɛ balaŋ yaŋ umaŋ cãlãa ãnjĩnamma‑i wɛi?

Matie 7:2

Naŋ cãl nuɔmba‑i dumaa, Diiloŋo bi ka cãl-na dumɛi. Aa naŋ fiŋ baa kekerieŋgu maŋ na hã nuɔmba‑i ba ka bi fi baa ku yaa‑i hã namaaŋo‑i.

Like 12:48

Ŋga maacembiloŋo maŋ sa suyaaŋ u yuntieŋoŋ taaraŋ kumaŋ, duɔ ce mamaŋ saaya ba muo-yo, ba sa muo fuɔ temma‑i bɔi. Da ba hã nuɔni maŋ bɔi, ba ka yuu-ni bɔi, da ba hã nuɔni maŋ bɔi ŋ tiera, ba ka yuu-ni cor nuŋgu faŋgu‑i.»