லூக்கா 8:27 - Moundadan Chetty

²⁷ ஏசு தோணிந்த எறஙங்ங, ஆ பாடதாளெ கொறே காலமாயிற்றெ பேயி ஹிடுத்தா ஒப்பாங், ஏசினநேரெ பந்நா. அவங் பொருமேலோடெ ஏகளும் சொள்ளெகாடினாளே தங்கிண்டித்தாங்.

லூக்கா 8:27 Referans Kwoze

மத்தாயி 4:24

ஏசினபற்றி சிரியா தேச எல்லாடெயும் பாட்டாத்து; அம்மங்ங பலவித தெண்ணகாறினும், பேயி ஹிடுத்தா ஆள்க்காறினும் ஜனங்ஙளு ஏசினப்படெ கொண்டுபந்துரு; அதனாளெ கைகாலு பாராத்தாக்க, தளர்வாதக்காரு, அஸ்மார ஹிடுத்தாக்க ஒக்க இத்துரு; ஆக்கள ஒக்க ஏசு சுகமாடிதாங்.

மாற்கு 5:15

ஆக்க ஏசினப்படெ பொப்பங்ங, லேகியோன் ஹளா ஒந்துகூட்ட பிசாசு ஹிடுத்தித்தாவாங், துணி ஹைக்கி சுகபுத்தி உள்ளாவனாயி குளுதிப்புது கண்டு எல்லாரும் அஞ்சியுட்டுரு.

லூக்கா 8:26

ஹிந்தெ ஏசும், சிஷ்யம்மாரும் கலிலா கடலின அக்கரெக இப்பா கதரெக்காரு ஹளா ஜனங்ஙளு இத்தா தேசாக பந்துரு.

லூக்கா 8:28

அவங் ஏசின கண்டு ஆர்த்துகூக்கிண்டு ஓடிபந்து ஏசின காலிக பந்து பித்தாங்; எந்தட்டு, “ஏசுவே! நீ சொர்க்காளெ இப்பா தொட்ட தெய்வத மங்ஙனல்லோ? நன்ன ஏன கீவத்தெ ஹோப்புது? நன்ன பேதெனெ படுசுவாடா!” ஹளி, ஒச்செகாட்டி ஆர்த்தாங்.