லூக்கா 19:15 - Moundadan Chetty

¹⁵ எந்நங்ங அவங் ராஜெ பரிப்பத்துள்ளா அதிகார உள்ளாவனாயி திரிச்சு பந்தட்டு, தன்ன கையிந்த ஹொன்னு ஹண பொடிசிதா ஹத்து கெலசகாறினும் ஊதட்டு, ‘நா நிங்களகையி தந்தா ஹணதாளெ ஏனொக்க சம்பாரிசிரு’ ஹளி கேட்டாங்.

லூக்கா 19:15 Referans Kwoze

லூக்கா 12:48

எந்நங்ங தன்ன மொதலாளி ஏன கெலசகீவத்தெ ஹளிதாங் ஹளி ஒயித்தாயி மனசிலுமாடாதெ தெற்றாயிற்றெ கீவா கெலசகாறங்ங கொறச்சு சிட்ச்செ கிட்டுகொள்ளு. ஏறங்ங கூடுதலு பொருப்பு கொட்டனோ, அவங் ஜாகர்தெயோடெ கணக்கு ஏல்சுக்கு. ஒப்பங்ங கூடுதலு பொருப்பு கொட்டித்தங்ங அவனகூடெ கூடுதலு கணக்கு கேளுவாங்.

மத்தாயி 25:19

கொறேஜின களிவதாப்பங்ங ஆ மொதலாளி திரிச்சு பந்தட்டு ஆக்களகூடெ ஏனொக்க கீதுரு ஹளி கணக்கு கேட்டாங்.

லூக்கா 19:14

அதுகொண்டு அவங் ஹோயிகளிவதாப்பங்ங, அல்லி இத்தா ஆள்க்காரு அவன வெருத்துரு; ஆக்க ஒக்க ஒந்தாயி கூடிட்டு, ‘நீ ராஜாவு ஆப்புது நங்காக இஷ்ட இல்லெ’ ஹளி ஹளத்தெபேக்காயி, செல ஆள்க்காறா அவன ஹிந்தோடெ ஹளாச்சுபுட்டுரு.

லூக்கா 19:16

அம்மங்ங ஒப்பாங் பந்தட்டு எஜமானனே! நீ தந்தா ஹணதாளெ ஹத்து பங்கு சம்பாரிசிதிங் ஹளி ஹளிதாங்.