கொலோசிக்காரு 1:17 - Moundadan Chetty

¹⁷ எல்லதும் உட்டுமாடுதன முச்சே ஏசு இத்தாங்; எல்லதும் ஏசினகொண்டாப்புது நெலெ நிந்திப்புது.

கொலோசிக்காரு 1:17 Referans Kwoze

எபிரெயம்மாரு 1:3

தெய்வ ஏற ஹளிட்டுள்ளுதனும், தெய்வத மதிப்பு ஏன ஹளிட்டுள்ளுதனும் தன்ன மங்ஙனாயிப்பா ஏசு காட்டீனெ; அவங் தன்ன வாக்கின சக்திகொண்டு, ஈ லோகாளெ உள்ளா எல்லதனும் தாஙி நிருத்தாவனும் ஆப்புது; அவங் மனுஷம்மாரா தெற்று குற்றத ஷெமிச்சு களிஞட்டு, சொர்க்காளெ இப்பா தன்ன அப்பன பலபக்க உள்ளா மதிப்புள்ளா சலதாளெ ஹோயி குளுதுதீனெ.

1 கொரிந்தி 8:6

எந்நங்ங, நங்கள உட்டுமாடிதா தெய்வ ஒப்பனே ஒள்ளு ஹளி நங்க நம்பீனு; நங்கள கண்ணிக காம்புதும், கண்ணிக காணாத்துது எல்லதனும் ஏசுக்கிறிஸ்து ஹளா ஒப்பனகொண்டாப்புது தெய்வ உட்டுமாடிது; நங்கள உட்டுமாடிப்புதும் ஏசுக்கிறிஸ்தின கொண்டாப்புது; அவனே நங்கள நெடத்த பேக்காத்து; அவனதென்னெயாப்புது நங்க கும்முட பேக்காத்து; அதங்ங பேக்காயிற்றெ ஆப்புது தெய்வ நங்கள உட்டுமாடிப்புது.

அப்போஸ்தலம்மாரு 17:28

எந்த்தெ ஹளிங்ங, ஆ தெய்வதகொண்டு நங்க ஜீவிசீனு, நெடதாடீனு, நங்கள காரெ எல்லதும் கீதீனு; அந்த்தெ ‘நங்க எல்லாரும் தெய்வத மக்களாப்புது’ ஹளி, நிங்கள பாட்டுகாறாளெ செலாக்க, பாடிதீரெயல்லோ!

யோவானு 17:5

அப்பா! ஈ லோக உட்டாப்புதன முச்சே நீ நன்ன பெகுமானிசித்தெ, நீ ஈகளும் நின்ன அரியெ நன்ன நிருத்தி, அதே பெகுமானத நனங்ங தருக்கு.

யோவானு 8:58

ஏசு ஆக்களகூடெ, “அப்ரகாமு ஹுட்டாத்தமுச்சே நா இத்தீனெ ஹளி ஒறப்பாயிற்றெ நா நிங்களகூடெ ஹளுதாப்புது” ஹளி ஹளிதாங்.

தரிசன 1:8

‘நானே எல்லதனும் தொடங்ஙி பீத்தாவாங்; நானே எல்லதனும் அவசான மாடாவாங்’ ஹளி நங்கள எஜமானனாயிப்பா சர்வசக்தி உள்ளா தெய்வ ஹளீனெ; ஈக இப்பாவனும், இதுவரெ இத்தாவனும், இனி பொப்பாவனும் ஒக்க அவங்தென்னெ ஆப்புது.”

கொலோசிக்காரு 1:15

இதுவரெ ஒப்பனகொண்டும் காம்பத்தெ பற்றாத்த தெய்வத ஆ ஏசுக்கிறிஸ்து தென்னெயாப்புது நங்காக காட்டி தந்நாவாங்; அதுமாத்தற அல்ல, ஆ ஏசு தென்னெயாப்புது எல்லா சிருஷ்டிகும் தெலெக்குட்டி மங்ஙன ஹாற தொட்டாவனாயி இப்பாவாங்.

தரிசன 1:17

நா அவன காம்பதாப்பங்ங, சத்த சவத ஹாற அவன காலிக பித்துட்டிங்; அவங், தன்ன பலக்கையித நன்னமேலெ பீத்தட்டு, “அஞ்சுவாட; எல்லதனும் தொடங்ஙி பீத்தாவனும், எல்லதனும் அவசான மாடாவனும் நா தென்னெயாப்புது.

எபிரெயம்மாரு 13:8

ஏசுக்கிறிஸ்து நென்னெயும், இந்தும், எந்தெந்தும் மாறாத்தாவனாப்புது.

தரிசன 2:8

சிமிர்னா சபெயாளெ இப்பா தூதங்ங இந்த்தெ எளி; தொடக்கும் முடிவுமாயிப்பாவனும், சத்தட்டும் ஜீவோடெ இப்பாவனும் ஹளுது ஏன ஹளிங்ங,

தரிசன 1:11

அதனாளெ, “நீ காம்பா காரெ ஒக்க தோல் சுருட்டினாளெ எளிதிட்டு, எபேசு, சிமிர்னா, பெர்கமு, தியத்திரா, சர்தி, பிலதெல்பியா, லவோதிக்கி ஹளிட்டு ஆசியாளெ இப்பா ஏளு பட்டணதாளெயும், கூடிபொப்பா சபெக்காறிக ஒக்க அயெச்சுகொடு” ஹளி ஹளிது கேட்டிங்.