Tito 3:4 - Anang Ambal Ang Dios – Bago Nga Katipan

⁴ Piro nagabot ang oras nga ginpakita ang Dios nga atun Manlolowas anang kaayad kag gogma kanatun.

Tito 3:4 Referans Kwoze

1 Timoteo 4:10

Maman dia nga nagapanikasug kita kag nagaimorat gid nga magtodlo sa mga tao, tungud nga nagasarig kita sa Dios nga boi nga maman anang Manlolowas ang tanan nga mga tao, kag labi run gid ang mga nagatoo.

Hebreo 9:26

Tungud nga kon kinanglan gid nga oman-omanun, ta kondi kon kapira-pira tana andan nagantos alin pa ang pagimo ang kalibotan. Piro kaisara tana lang nagayan digi sa kalibotan nga dia agud doraun atun mga sala paagi sa anang pagalad anang kaogalingun. Dia ginimo na sa kataposan nga dia nga mga adlaw, kag ara run oman-oman.

2 Timoteo 1:10

Piro dia dadi lang ginpaayag kanatun pagabot ni Cristo Jesus nga atun Manlolowas. Gindora na anang gaum ang kamatayun kag ginpaayag na kanatun paagi sa Mayad nga Barita nga kita makaangkun run ang kaboi nga ara kataposan.

1 Timoteo 2:3

Mayad dia nga imoon kag malilipay ang Dios nga atun Manlolowas.

1 Timoteo 1:1

Ako si Pablo nga apostol ni Cristo Jesus sono sa anang sogo ang Dios nga atun Manlolowas kag ni Cristo Jesus nga nagataw paglaum kanatun.

Lucas 1:47

Kag nagakalipay ako nga mayad tungud sa Dios nga akun Manlolowas.

1 Pedro 2:3

Ay naulaman nindo ron nga ang Ginoo mayad.