Mga Binoatan 12:7 - Anang Ambal Ang Dios – Bago Nga Katipan

⁷ Karon, golpi lang nga nagsanag sa sulud ang prisoan kag may nagpakita doto nga angil nga ginsogo ang Ginoo. Gintapik na anang kilid ni Pedro agud pokawon, kag makon na dayon “Dali! Pagbangon!” Kag nagkaraukas ang mga kadina sa anang alima.

Mga Binoatan 12:7 Referans Kwoze

Mga Binoatan 5:19

Piro pagkagabi, ginbokasan anang angil ang Ginoo anang pwertaan ang prisoan kag ginpagoa na sanda dayon. Makon ang angil kananda,

Mga Binoatan 16:26

Lagat-lagat golpi lang nga naglinog mabaskug kag naguyug nga mayad ang prisoan. Nagkaraabrian anang mga pwertaan ang prisoan kag nagkaraukas anang mga kadina ang tanan nga priso.

Mga Binoatan 10:30

Nagsabat si Cornelio, makon na, “Mga tatlo ron dadi ka adlaw ang nakalubas nga ako nagapangamoyo digi sa balay, kag midyo toladia ra nga oras dato, mga alas tris ang apon. Mintras nagapangamoyo ako, golpi lang nga nagpakita kanakun ang tao nga may masolaw nga lambong.

Efeso 5:14

Ay masanagan ang bisan ano kon nalanyagan run ang kamatoodan. Maman dan nga nagakoon, “Pagbogtaw, ikaw nga nagakatorog, Pagbangon alin sa mga patay, Kag si Cristo magasanag kanimo.”

Mga Binoatan 2:24

Piro ginbanaw tana ang Dios kag ginlowas sa gaum ang kamatayun, tungud nga ang matood tana, bisan kamatayun pa ara gaum nga magawid kanana.

Lucas 24:4

Mintras nagapalibug sanda kon ano ang natabo, golpi lang nga may nagtindug nga darwa ka lalaki doto sa andang marapit. Anang lambong ang mga lalaki nga dato masyado ka solaw.

Lucas 2:9

Nagpakita kananda ang sangka angil ang Ginoo kag ginlikupan sanda anang sanag ang Ginoo. Ginpangadlukan sanda nga mayad,

Mga Binoatan 12:23

Kag dato ra nga lagi ginsilotan tana anang angil ang Ginoo, tungud nga ara na pagtawan ang padungug sa Dios. Ginolod tana kag napatay dayon.

Mga Binoatan 9:3

Datong si Saulo nagainamput run sa siodad ang Damasco, may sanag nga alin sa langit nga golpi lang nga naglanyag kanana.

Apokalipsis 18:1

Pagkatapos dato, nakita ko roman ang sangka angil nga nagakunsad alin sa langit. Mabaul anang gaum ang angil nga dia kag anang prisinsya nagalanyag sa bilog nga kalibotan.

Hebreo 1:14

Ta kabay ang mga angil mga ispirito lang nga ginasogo ang Dios nga magbolig sa mga tao nga magabaton ang kalowasan.

Mga Binoatan 12:6

Ang gabi nga bago bistaun anang kaso ni Pedro, nagakatorog tana nga ginakadinaan darwa ka kadina sa tunga ang darwa ka soldado. May mga goardya pa nga nagabantay sa pwertaan ang prisoan.

Mateo 2:13

Pagkatapos nga nakaalin sanda, anang angil ang Ginoo nagpakita kay Jose sa damgo kag nagkoon, “Pagbangon, daraa ang bata kag anang nanay kag magpalagyaw kamo sa Egipto. Kag doto kamo lang anay magtinir mintras ara ako pa nagkoon kanindo nga magalin, tungud nga papangitaun run ni Herodes ang bata nga dan agud patayun.”

Mga Binoatan 12:8

Makon ra ang angil, “Soksokan imong akus kag imong sandalyas.” Kag ginsonod ra dato ni Pedro. Pagkatapos makon dayon ang angil kanana, “Soksokan imong inogpangalikupkup kag magsonod kanakun.”