Mateo 21:3 - Anang Ambal Ang Dios – Bago Nga Katipan

³ Kon may magpamangkot kanindo, konon nindo lang nga kinanglan ang Ginoo, kag dan ipadara na ra nga lagi kanindo.”

Mateo 21:3 Referans Kwoze

Mga Binoatan 17:25

Ara tana ra nagakinanglan bolig nga alin sa mga tao tungud nga tana mismo ang nagataw kaboi kanatun, pati ang tanan ta nga mga kinanglanun.

2 Corinto 8:9

Naulaman nindo ra anang ginimo atun Ginoong Jesu-Cristo. Bisan manggaranun tana doto sa langit nagpakapobri tana paagi sa anang pagpakatao tungud sa anang kalooy kanatun, agud maging manggaranun kita.

Juan 3:35

Ginaigogma ang Amay anang Bata kag gintogyan na kanana ang tanan.

Juan 17:2

Ay gintawan mo ako awtoridad nga maggaum sa tanan nga mga tao, agud matawan ko kaboi nga ara kataposan ang tanan nga mga tao nga imong gintaw kanakun.

2 Corinto 8:16

Nagapasalamat kami sa Dios nga ginbutang na sa anang tagiposoon ni Tito ang pagdumdum kanindo pario ra gid sa amun pagdumdum kanindo.

Santiago 1:17

Ay ang tanan nga mga butang nga mayad kag ara gid kakolangan nga atun nababaton nagaalin sa Dios, nga maman ang nagimo ang tanan nga mga butang sa langit nga nagataw kasanag digi sa kalibotan. Kag bisan dia nga mga butang nagaoman kag nagabaylo andang landong, ang Dios tana ara nagaoman, bisan maistan.

Mateo 21:2

Makon na kananda, “Pagayan kamo sa bario nga dian sa onaan. Pagabot nindo doto makikita nindo ang inan nga asno nga nagaigot kag anang bata doto ra. Obadun nindo kag daraun digi kanakun.

Mateo 21:4

Dia natabo agud matoman anang ginambal ang propita nga nagkoon,